Jɔ̀ɔ̌n 5:40 - Nyesoaa Kuo Win Jajle

⁴⁰ Kɛɛ aǎ jlǎ ba diɔɔ̌ mɔ̀ a mǐ kmɔ̌ siee fònfno kɔn.

Jɔ̀ɔ̌n 5:40 ပူးပေါင်းရင်းမြစ်များ

Matiɔ̌n 22:3

plě ɔ dbe ɔɔ na wien po nyebajle bu daa nyopò ü ɔ jlɛ̌ bü di ɔɔ jǔu tǐnma mu digbaǐǒ kɛn, kɛɛ u je u seě di.

Matiɔ̌n 23:37

È kě Jùsu dɛ̌a Ɔ je, “Jlǔsnɛ nyo ale, Jlǔsnɛ nyo ale, amoà dbɛ̌ɛ Nyesoaa wnɔsàɔpo plě ü dbɛɛ̌ lee nyopòà Nyesoa dboɔ amoo mɔ̀ seɛ̌, klě tǐ fòfoa wlòmo Ě jlɛ̌ Boǒ bòo a le kělɔ Ně chɛ̀ mɔ̀ wòje keǒ soǎn naǎ nii ɔ̌ gbè ɔɔ jlǔ le klě ɔɔ chɛ̀ɛ kpakpea bobo, kɛɛ aǎ nyeě fɔ̌.

Jɔ̀ɔ̌n 1:11

Ɔ diiaě Ɔɔ chɛ̀ɛ nyopò slè, u sea Ɔ jebo kme.

Jɔ̀ɔ̌n 10:10

Jliɔ̌ diě le keǒ bɔ jlǐ sosǒ klee bɔ dbǎ lu plě bɔ sùe u gbè. Kɛɛ Mǒà Ě diě le ɛ̈ di ɛɛ numa u mǐ kmɔ̌ sie fònfno kɔn ɛ miǒ le sìn.

Jɔ̀ɔ̌n 3:19

Dɛ mooaa Nyesoaa tè tùtuɛ nɛ̀ moo Pepě Ɛ̈ diɔɔ kmɔ̌ɔ mɔ̀, kɛɛ tùonyopo kɔn kmɔ̌ kukǔ, ii tè u noɛɛ kwijlě mǒ ɛ̌ sìnʼǒ Pepěǒ mǒ.

Jɔ̀ɔ̌n 5:39

A jě lɛ ɛ̈ moo klě Nyesoaa win chencheɛ̌n wlòmo klě a kɔɔnʼě kmɔ̌ sie fònfno, ii tè a chěn ni, è imo winʼi chɛ̀ǒ nì moo sàse keǒǒ mɔ̀.

Jɔ̀ɔ̌n 5:41

Ɛ se tùonyopo uǔ bae Mǒ.

Jɔ̀ɔ̌n 5:44

Aa sosǒ a pepee nyneǎ le, kɛɛ aǎ tɛ̀n ɛ mǒo chɛ̀ keǒ ba jě nynɛ̌ le popoɛ klě Nyesoa mɔ̀, è ke a miǐ kɛ Ně tè kàan tè popoɛ numa?

Jɔ̀ɔ̌n 6:27

Aǎ ni didi dɛà ɛ̈ mii jǐ le nymima ɛɛ konkwa, kɛɛ a nu Didi Dɛà nyee nyu kmɔ̌ sie fònfnoo konkwa, nɛ̀ Jbɛjuu Jǔà Ɔ mi a nyema. Mɛ̌oǒ joo nɛ̀ moo Ɔɔ Gbeǐ Nyesoa poo ɛ kɛn kòo keǒ Ɔ mɔ̀.”

Jɔ̀ɔ̌n 6:37

Nyu wùɛ Ně Gbeǐ mi Mǒo nyema ɔ miɔɔ̌ mɔ̀ diba. È Ě seǎ nyu wùɛ mɔ̀le plù kpe ɔ̈ miɔ Mǒo mɔ̀ diba.

Jɔ̀ɔ̌n 6:40

Kòo, Ně Gbeǐ jlɛ̌ nyu wùɛ bɔ kɔn kmɔ̌ sie fònfno ɔ̈ jěe Jbɛjuu Jǔà plě ɔ̈ po Ɔɔ tè kàan tè, è klě demǒ bɔɔ̌ chnɛ̀ jlǒ waěǒ wlòmo Ɔ jlɛ̌ Mǒà Bo dǔǎ u jemǒ Bo sàlaě u kǒla mǒ.”

Wlǔmɔ 6:23

Kokoɛ̌ nɛ̀ moo snǒ sàe dɛ kpni kukwǐ mi a nyema. Kɛɛ Nyesoaa nyee dɛà Ɔ nye ämoo ɛ̈ see dɛ po nɛ̀ moo kmɔ̌ sie fònfno ɛ̈ diiě Tentǎn Jǔ Jùsu mǒ Ɔ̈ moo äa Koɔn.

Wlɛ̀velesɔ̌n 22:17

Nyesoaa Sùsu klee nynɔ jajloǒ kě u dɛ̌ a je u je, “A diě!” Nyu wùɛà mi nuu win wɔ̌nma kě bɔ dǎ ke ɛ̈ moo, “Diě!” Nyu wùɛ nenǎ to bɛ̌ ke ni, bɔ diě. Nyu wùɛ bɔ̈ ke něà nyee nyopò kmɔ̌ sie fònfno sòɛ, bɔ nǎ nɛ.