Jɔ̀ɔ̌n 5:34 - Nyesoaa Kuo Win Jajle

³⁴ Sɛje Ě se ɛ sòa keǒ bo tùonyugbe bɔ sàǎ tè mɔ̀ wòje keǒ Jɔ̀ɔ̌nʼɔ ka nee je, kɛɛ Ě boɛ ili sosǒ ɛ̈ di ɛɛ numa a mǐ wa klě aa kpni kukwǐ slè.

Jɔ̀ɔ̌n 5:34 ပူးပေါင်းရင်းမြစ်များ

Lǔkù 13:34

Jlǔsnɛ nyo ane, Jlǔsnɛ nyo ane, amoà dbɛ̌ɛ Nyesoaa wnɔsàɔpo plě ü dbɛɛ̌ lěe nyopòà Nyesoa dboɔ amoo mɔ̀ seɛ̌, klě tǐ fòfoa wlòmo Ě jlɛ̌ Boǒ bòo a le kělɔ Ně chɛ̀ mɔ̀ wòje keǒ soǎn naǎ nii ɔ̌ gbè ɔɔ jlǔ le klě ɔ chɛ̀ɛ kpakpea bobo, kɛɛ aǎ nyeě fɔ̌!

Lǔkù 19:10

Mǒ Jbɛjuu Jǔà Ě diě keǒ Bo mǐ nyopòà kpni kukwǐ kɔnʼɔ win kwa gblà.”

Lǔkù 24:47

È kě imo winʼǒ i dɛ̌a ke ɛ̈ moo, ‘Ba boɔ Jùsuu tè dakɔ̌ wùɛ je, ba tmɔɔ̌ u bu bitǐ uu wlè bo, Nyesoa mǐ uu kpni kukwǐi tè wlò le poo lo.’ Ɛmo dɛǒ klě Jlǔsnɛ klě bǎ tùuě ɛ wlò.

Jɔ̀ɔ̌n 20:31

Wlòlekaen noǎà nì chleě le kělɔ chněedɛ̌ɔ wlòmo ɛ̈ di ɛɛ numa a mǐ Jùsuu tè kàan tè po ɛ̈ moo Nɔ̀ moo Nyesoaa Tentǎn Jǔ plě Ɔ̈ moo Nyesoaa Jǔ, è klě Ɔɔ nynɛ̌ɛ kàan tè popoɛǒ wlòmo a mi kmɔ̌ sie fònfno kɔnma.

Jɔ̀ɔ̌n 5:32

Kɛɛ Ně Gbeǐ Nɔ̀ sɛ̀ɛ̌ tè mɔ̀, è Ě ji ɛle ɛ̈ moo Ɔɔ tè mɔ̀ sèsa kěàǎ mɔ̀ ɛ moo kàan tè.

Jɔ̀ɔ̌n 5:41

Ɛ se tùonyopo uǔ bae Mǒ.

Jɔ̀ɔ̌n 8:54

È Jùsu tùia u kɛ̀ɛn Ɔ je, “Bɛ̌ nu Bo ke Ně chɛ̀ tè jǐ boaboǎ nye, ɛmo tè jǐ boaboǎǒ ɛ se dɛ kɛn bo nyna. Kɛɛ Ně Gbeǐ Ɔ̈à a je Ɔ moo aa Nyesoa Nɔ̀ nyeě tè jǐ boaboǎǒ.

Wlǔmɔ 10:1

Ně bǐì Tentǎn Jǔu wǎn ane, dɛ ně wlò blɛɛ lee mɔ̀le chɔɔ plě ɛ̈ kɔn tè Ě bɛ̀te lee kɛn klě Nyesoa mɔ̀ nɛ̀ moo bo Nyesoa Bɔ gblà Jùwɛ nyo klě uu kpni kukwǐi plɔɔ tu kɛn bo maěa bobo.

Wlǔmɔ 10:21

Kɛɛ dɛà nɛ̀ Nyesoa boɛaǒ Ǐsòwɛ̌ kwɛɛn jleě mǒ, kě Ɔ dɛ̌a Ɔ je, “Ě pnɛ̌a Ně chɛ̀ɛ son mǒ klě tǐ pɛ̀ti wlòmo keǒ nyopòà üǔ tùǒ Mǒo bo mɔ̀ plě ü wɛ̀n mǒo je.” (Is 65.2)

Wlǔmɔ 12:21

Nè sonwɛǒ dɛ kukǔ mɔ̀ mǒ ɛɛ̌ duiì wan, kɛɛ nu kàan dɛ keǒ bò du dɛ kukǔ wan.

Wlǔmɔ 3:3

È bɛ̌ nu uu tìe bǔ sea kɛ wlò kpae dɛ keǒ Nyesoa mɔ̀, è ɛ sɛ̀n kɛ nynɛ̌ klě tǐà wlòmo Nyesoa se wlò kpae nyu ke le?

1 Kwnɛtiɛ̌ 9:22

Bɛ̌ nu mǒ klee nyopòà kɔnʼɔ tè wlò popoɛ see kbě kɛn ne bä neǒ tàa do, Ě pe u ně chɛ̀ slè ɛ̈ di ɛɛ numa Ě mǐɔ u Koɔn mɔ̀ jae le. Nyu wùɛ ɔ̈ klee mǒ miǒo tà paǎnma, tǔnʼǒ ɔ neěe wlòmo nɛ̀ Ě peě ně chɛ̀ wlòmo ɛ̈ di ɛɛ numa sɛjesɛ Ě mǐɔ ɔmo nyuǒ Nyesoa mɔ̀ jae le.

1 Timɛtě 4:16

Tùě jǐ bo keǒ dɛǒ mìi numa mɔ̀ plě klee dɛǒ mìi teeba. Dɛǒ nɛ̀ bò nu tǐ wùɛ mɔ̀ ɛ̈ di ɛɛ numa mì nè chɛ̀ gblà klee nyopòǒ mi mòo nɔkǔ jebo poba.

1 Jɔ̀ɔ̌n 5:9

Bɛ̌ nu bä kme tùonyopoo sàse win bo, è bä wɔɔn ɛ kɛn keǒ bä kme Nyesoaa sàse win bo ɛ miǒ sìn. Sàse dɛǒ Nyesoa nuu ɛ̈ kwɛɛǒ Ɔɔ Jǔ jleě mǒ bo nɛ̀ moo