Jɔ̀ɔ̌n 5:24 - Nyesoaa Kuo Win Jajle

²⁴ Kàan tèà Ě tmɛɛ̌ amo, nyu wùɛ ɔ̈ pe Mǒo nɔkǔ jebo plě ɔ̈ poo Nyuà dbo Mǒo Ɔɔ tè kàan tè ɔ kɔn kmɔ̌ siee fònfno. Ɔmo nyuǒ ɔ seǎ blilǐ mɔ̀ tùtuɛ kɔnma mu, ɔ sɔn lě kmɔ̌ sie kǒla mǒ ɔ̌ kɔn kmɔ̌ sie fònfno.

Jɔ̀ɔ̌n 5:24 ပူးပေါင်းရင်းမြစ်များ

Matiɔ̌n 25:46

È u miǎǒ Klɔ̀ba jemǒ sɔnma u mǐǎě tàa de mooěe kmɔ̌ siee plɔɔ tu kɛn bo maěa mǒ mu, kɛɛ jebo siǐn nyo miǎ muma u mǐǎ kmɔ̌ siee fònfno kɔn tǐ wùɛ mɔ̀.”

Mǎkè 16:16

Nyu wùɛ ɔ̈ mi Něe tè kàan tè poba plě ɔ̈ mii ně dlǒ pooba nɔ̀ mi waba klě ɔɔ kpni kukwǐi plɔ tu kɛn bo maěa slè, kɛɛ nyu wùɛ ɔ̈ se Něe tè kàan tè poba mu, gbè sùesuɛ nɛ̀ neǒ ɔ kɛn ɛ̈ mooěe na slè.

Jɔ̀ɔ̌n 11:26

Tèǒ nì kɔn tè nyu wùɛ ɔ̈ nee kmɔ̌ bɔ̌ po Ně tè kàan tè, ɔ seǎ kǒba mu kpe. Pò kɛ i kàan tè le?”

Jɔ̀ɔ̌n 12:44

Ɛ kɔna tǐ tìi tà Jùsu pnaěaě jɔ mǒ, kě Ɔ dɛ̌a Ɔ je, “Nyu wùɛ bɔ̈ po Ně tè kàan tè, ɛ se bɔ po Ně tè kàan tèe do, kɛɛ Nyuà dboɔ Mǒo kělɔ kmɔ̌ɔ mɔ̀ Nɔ̀ kɔn tèǒ ɔ po kàan tè ke.

Jɔ̀ɔ̌n 20:31

Wlòlekaen noǎà nì chleě le kělɔ chněedɛ̌ɔ wlòmo ɛ̈ di ɛɛ numa a mǐ Jùsuu tè kàan tè po ɛ̈ moo Nɔ̀ moo Nyesoaa Tentǎn Jǔ plě Ɔ̈ moo Nyesoaa Jǔ, è klě Ɔɔ nynɛ̌ɛ kàan tè popoɛǒ wlòmo a mi kmɔ̌ sie fònfno kɔnma.

Jɔ̀ɔ̌n 3:16

È nè wan gbà dɛǒ ɛɛ kɛ̀ɛn tùtuɛ nɛ̀ moo Nyesoa noɛɛ kmɔ̌ɔ nyopòà mǒ no chɔɔ dɔ̌, tèǒ nì kɔn tè Ɔ nyee Ɔɔ Jǔu do keǒ Bɔ moo äa kpni kukwǐi chɔ̀no ɛ̈ di ɛɛ numa nyu wùɛ ɔ̈ mi Ɔɔ tè kàan tè poba ɔɔ̌ di kǒ, kɛɛ ɔ miǎ kmɔ̌ sie fònfno kɔn.

Jɔ̀ɔ̌n 3:18

Nyu wùɛ ɔ̈ mi Ɔɔ tè kàan tè poba ɔ se tè jɛɛa kɔn, kɛɛ nyu wùɛ ɔ̈ se Ɔɔ tè kàan tè po tè jɛɛa nɛ̀ neǒ ɔ kɛn ɛ̌ wɛ̀ mɔ̀le. Mɛ̌oǒ joo nɛ̀ moo ɔɔ̌ po Nyesoaa Jǔu doo tè kàan tè.

Jɔ̀ɔ̌n 3:36

Nyu wùɛ ɔ̈ mii Nyesoaa Jǔu tè kàan tè poba ɔ kɔn kmɔ̌ sie fònfno, kɛɛ nyu wùɛ ɔ̈ se Ɔɔ tè kàan tè poba mu ɔ seǎ kmɔ̌ sie fònfno jěba mu, kɛɛ Nyesoaa jlo nɛ̀ kɔn bɛ neǒ ɔ kɛn tǐ wùɛ mɔ̀.”

Jɔ̀ɔ̌n 4:36

È klě tǐà ä neěe wlòmo kou bɛ̌ nyo jě uu snǒ sàe dɛ le ǔ gbè imo digbaǐǒ le keǒ kmɔ̌ sie fònfno mɔ̀, è nyopòǒ dɔ̌ɔ noǎǒ klee nyopòǒ bɛ̌ lii uu kplěe sɔ̌n wùɛǒ u mi plɔɔ bloblɛ kɔnma keǒ tàa do.

Jɔ̀ɔ̌n 6:40

Kòo, Ně Gbeǐ jlɛ̌ nyu wùɛ bɔ kɔn kmɔ̌ sie fònfno ɔ̈ jěe Jbɛjuu Jǔà plě ɔ̈ po Ɔɔ tè kàan tè, è klě demǒ bɔɔ̌ chnɛ̀ jlǒ waěǒ wlòmo Ɔ jlɛ̌ Mǒà Bo dǔǎ u jemǒ Bo sàlaě u kǒla mǒ.”

Jɔ̀ɔ̌n 6:47

È kàan tè nìà Ě boɛ a je, nyu wùɛ ɔ̈ po Něe tè kàan tè ɔ kɔn kmɔ̌ sie fònfno.

Jɔ̀ɔ̌n 6:50

Kɛɛ Mǒ moo Kou Ɛ̈ sɔn lěe jɔkɛn mǒ Mǒà ɛ̈ di ɛɛ numa nyu wùɛ ɔ̈ wɔ̀le je bɔ di Ɛɛ ɔɔ̌ di kǒ.

Jɔ̀ɔ̌n 6:51

Mǒ moo Kou Ɛ̈ sɔn lěe jɔkɛn mǒ Ɛ̈ nyee nyopò fònfno. Nyu wùɛ ɔ̈ mi Ɛɛ diba ɔ mi kmɔ̌ nema tǐ wùɛ mɔ̀. Ně fǒà nɛ̀ moo kou Ě mi nyema ɛ̈ di ɛɛ numa nyopòà neɔ kmɔ̌ɔ mɔ̀ u mǐ kmɔ̌ sie fònfno kɔn.”

Jɔ̀ɔ̌n 6:58

Ɛmo Kouà Ɛ̈ sɔn lěe jɔkɛn mǒ Nɛ̀à. Ɛ se digbaǐ taeǒ aa gbeǐpò diaa ǔ kǒaa, kɛɛ nyu wùɛ ɔ̈ mi Ɛmoo Kouà diba ɔ mi kmɔ̌ nema tǐ wùɛ mɔ̀.”

Jɔ̀ɔ̌n 8:51

Kàan tè nìà Ě boɛ a je, nyu wùɛ ɔ̈ miǒo winʼà Ě boɛɛ bo tùba ɔ seǎ kǒ kpe.”

Wlǔmɔ 8:1

È dɛ äa wùɛ ä jboo le nɛ̀ moo nyopòà poo Jùsu Tentǎn Jǔu tè kàan tè, Nyesoa se u gbè sùeba mu.

1 Tɛseloniǎ 5:9

Mɛ kɔɔ̌n tèǒ joo nɛ̀ moo Nyesoa se ä tba keǒ bä jě sònwɛ klě Ɔɔ plɔɔ tu kɛn bo maěa bobo, kɛɛ keǒ bä jě wowa dɛ ɛ̈ diiě äa Koɔn Jùsu Tentǎn Jǔ mǒ

1 Pitɛ̌ 1:21

Tentǎn Jǔ Nɔ̀ nu ɛ ǎ kɔn wlò kpaea klě Nyesoa mǒ Ɔ̈ dǔa Ɔɔ jemǒ Ɔ̈ sàlaě Ɔɔ kǒla mǒ Ɔ̌ nyea Ɔ tè jǐ boaboǎ ɛ̈ di ɛɛ numa a mǐ Ɔmo Nyesoa wlò kpae le klee a mǐ Ɔ wlò je kuun nu.

1 Pitɛ̌ 1:5

Tè wlò popoɛǒ a kɔnʼɔ klě Tentǎn Jǔ mǒ nɛ̀ nu ɛ Nyesoaa kpě ǐ tùi a jǐ mɔ̀ ɛ mǐ ɛ kpa kpa a mǐ gblàgbla kɔn ɛ̈ wɛ̀ɛ mɔ̀le ɛ̈ mǐi pepě mǒ be klě kmɔ̌ɔ dlǒ chlɛ̀ɛa mǒ.

1 Jɔ̀ɔ̌n 3:14

Ä noɛɛ nyopò tùu mǒ no, ii tè ä ji ɛle ɛ̈ moo ä sɔnʼě kmɔ̌ sie kokoɛ̌ bobo mǒ no ä neě kmɔ̌ sie fònfno slè. Nyu wùɛà see nyopò tùu mǒ noɛɛ ne, ɔ neě jè lě kmɔ̌ sie kokoɛ̌ bobo.

1 Jɔ̀ɔ̌n 5:1

Nyu wùɛà mi nii kàan tè poba ɛ̈ moo Jùsu Nɔ̀ moo Tentǎn Jǔ Ɔ̈ Nyesoa peea lěe Bɔ dboaa, ɔmo nyuǒ ɔ moo Nyesoaa jǔ. Nyu wùɛ ɔ̈ noɛɛ nee Nyesoa mǒ Ɔ̈ moo äa Gbeǐ, ɔ noɛɛ Ɔɔ Jǔ mǒ no ke.