Jɔ̀ɔ̌n 5:23 - Nyesoaa Kuo Win Jajle

²³ ɛ̈ di ɛɛ numa nyu wùɛ miǒ Jǔà tù keǒ u nii ǔ tùiǒo Nyesoa Ɔ̈ monoo Gbeǐ. È nyu wùɛ ɔ̈ seǒo Jǔ tù, ɔ seǒ Gbeǐ tù ke Ɔ̈ dboo Jǔà.

Jɔ̀ɔ̌n 5:23 ပူးပေါင်းရင်းမြစ်များ

Matiɔ̌n 10:37

Nyu wùɛ ɔ̈ mi ɔɔ gbeǐ klee naǎ mǒ noɛɛma chɔɔ uu tè miǒ Něe tè mǒ sìn, ɔ seǒ je blɛɛ le keǒ bɔ moo Ně mɔ̀ na nyu, nyu wùɛ ɔ̈ mi ɔɔ jbɛjuju klee ɔɔ nynejuju mǒ noɛɛma chɔɔ ɛ miǒ Něe tè mǒ sìn, ɔ seǒ je blɛɛ le keǒ bɔ moo Ně mɔ̀ na nyu.

Matiɔ̌n 11:27

È kě Ɔ dɛ̌a nyopòǒ je Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do, è nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Matiɔ̌n 12:21

Tèǒ nì kɔn tè dakwɛ̌ wùɛ ü neɔɔ kmɔ̌ɔ mɔ̀ u mi Ɔ wlò je kuunma.” (Is 42.1-4)

Matiɔ̌n 15:8

‘Nyopòà uu wun sosǒ nɛ̀ u ni ǔ tùiǒ Mǒ Nyesoa bo, kɛɛ uu wlè tmɔɔ noǒ mɔ̀.

Matiɔ̌n 28:19

Tèǒ nì kɔn tè a mu dakwɛ̌ wùɛ mɔ̀le a mǐ u Ně mɔ̀ cheěn nyo mǒ nu. È uu mɔ̀ cheěn nyo mǒ nunuɛ nɛ̀ moo a po u ně dlǒ klě Gbeǐ klee Jǔ klee Ngmà Je Ne Sùsuu nynɛ̌ wlòmo

Lǔkù 10:16

È kě Jùsu dɛ̌a Ɔɔ mɔ̀ na nyo je Ɔ je, “Nyu wùɛ ɔ̈ mi aa win nɔkǔ jebo poba ɛ̈ sɛ̀n nynɛ̌ Mǒǒ ɔ po nɔkǔ jebo. Nyu wùɛ ɔ̈ mi amoo jleě mɔ̀ sàba ɛ̈ sɛ̀n nynɛ̌ Mǒǒ ɔ sà jleě mɔ̀. È nyu wùɛ ɔ̈ mi Mǒo jleě mɔ̀ sàba ɛ̈ sɛ̀n nynɛ̌ Nyuà dbo Mǒo Nɔ̀ǒ ɔ sà jleě mɔ̀.”

Jɔ̀ɔ̌n 14:1

È kě Jùsu dɛ̌a Ɔɔ mɔ̀ cheěn nyoǒ je Ɔ je, “Kèjle bɛɛ̌ ni amo, ba po Nyesoaa tè kàan tè, è ba po Ně tè kàan tè.

Jɔ̀ɔ̌n 16:14

Ɛ mi a tè wùɛ Ɛ wɔ̌n lě Mǒo mɔ̀ tmɔɔ̌ma, è klě ɛ mǒ Ɛ miěě tè jǐ boaboǎ nyeema.

Jɔ̀ɔ̌n 17:10

è noǎ wùɛ Ě kɔnʼɔ Mò kɔn ni plě noǎ wùɛà kɔ̀nʼɔ Mǒ kɔn ni plě ǔ nyeě tè jǐ boaboǎ.

Wlǔmɔ 1:7

Ě chlě chněedɛ̌à keǒ nyu wùɛ mɔ̀ ɔ̈ neěe dě fòɛǒ moo Wlùun wlòmo ɔ̈à Nyesoa noɛɛ mǒ plě Ɔ daa bɔ̈ moo Ɔɔ nyu. Nɛ äa Gbeǐ Nyesoa klee äa Koɔn Jùsu Tentǎn Jǔ Uu wlòo jlajlǎ dɛ ɛ̈ɛ̌ sà Uu wlò kǔ mǒ klee ně bo wnawna U kɔnʼɔ keǒ a mɔ̀ bi muu nya.

Wlǔmɔ 15:12

Nyesoaa wnɔsàɔ Aesaeǎ boɔla ɛle ke seela tǐ jleě ɛ̈ moo, “Ɛ kɔn Nyu miǎ lěe jbɛjuǒ moo Jɛ̀sěe ɔɔ jlǔu jlǔ slè diiba Ɔ̈à Nyesoa miǎ kpě nyema Ɔ̈ miǎ kmɔ̌ ne nyopò win kwa kɔnma, è kuodakwɛ̌ miǎ wlò je kunkuɛn kɔnma keǒ Ɔɔ tè mɔ̀.” (Is 11.10)

Wlǔmɔ 6:22

È klě tǐà wlòmo Nyesoa sà a kpni kukwǐi kpo bo Ɔ̌ gblà amo ǎ moo Ɔɔ kèiapo. Bɛ̌ nu bǎ ne ngmà je ne kmɔ̌, ɛ miǒ a dɛ bo poba ɛ̈ kɔn dlǒ chlɛ̀chlɛ mi amoo kmɔ̌ sie fònfno nyema.

Wlǔmɔ 8:9

Kɛɛ ke ɛ mii jleě mǒ bo tonma bo Sùsuǒ Bɛ̌ neě a ja, è a seě tùonyuu kpni kukwǐ kmɔ̌ mǒ nee ne, a neě Sùsuǒ Ɛɛ win kwa konkɔn bobo. Nyuà Tentǎn Jǔu Sùsu slě mǒ ne, ɔ se Ɔɔ nyu.

1 Kwnɛtiɛ̌ 1:3

Nɛ bo Nyesoa Ɔ̈ moo äa Gbeǐ klee äa Koɔn Jùsu Tentǎn Jǔ Uu wlòo jlajlǎ dɛ ɛ̈ɛ̌ sà Uu wlò kǔ mǒ bɛ muu nya keǒ a mɔ̀ plě Bu nye a ně bo wnawna.

1 Kwnɛtiɛ̌ 10:31

Ii tè dɛ wùɛ a mii diba klee a mii nǎma plě a mii numa a nu ii wùɛǒ i mǐ Nyesoa tè jǐ boaboǎ nye.

1 Kwnɛtiɛ̌ 16:22

Bɛ̌ nu bo nyu bɔ̌ se Koɔn mǒ noɛɛ ne bɛ moo chlǒ keǒ ɔ mɔ̀! Äa Koɔn diě le!

1 Kwnɛtiɛ̌ 6:19

A se kɛ i ji ɛ̈ moo aa fǒ moo Nyesoaa kǎ fòɛ keǒ Ɔɔ Ngmà Je Ne Sùsu mɔ̀ Ɛ̈ Nyesoa nye amoo Ɛ̈ neě amoo mǒ le? A se aa chɛ̀ kɔn.

2 Kwnɛtiɛ̌ 1:9

Ä jia ili ɛ̈ moo ä mia kǒba. Ɛmo dɛǒ ɛ kpala tùɔn ɛ̈ di ɛɛ numa äǎ di äa chɛ̀ kɛn tee le keǒ bä bɛɛ̌ě sònwɛ jejeɛ̌ǒ slè tìe, kɛɛ keǒ bä mǒ Nyesoa kɛn tee le Ɔ̈ duǐi kokǒ nyo jeměne.

2 Kwnɛtiɛ̌ 13:14

Nɛ bo Koɔn Jùsu Tentǎn Jǔu wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀ klee Nyesoaa mǒ noɛnoɛ plě klee Ngmà Je Ne Sùsuu mǒ nyenymaea bi muu nya keǒ aa wùɛ mɔ̀.

2 Kwnɛtiɛ̌ 5:14

Tentǎn Jǔu mǒ noɛnoɛ Ɔ kɔnʼɔ keǒ ä mɔ̀ nɛ̀ nɛɛ ämo. Ä jbo ɛ le ɛ̈ moo Ɔɔ do Nɔ̀ kǒa keǒ nyopò wùɛɛ tè mɔ̀, nɛ̀ nu ɛ ɛ̌ wǒ je keà nyopò wùɛ klee Ɔ̀ koǒaǒo tàa do.

2 Kwnɛtiɛ̌ 5:19

Ke ɛmo tuposàà ɛ dɛ̌ɛà ɛ̈ moo, Nyesoa sàǒ kmɔ̌ ne tùonyopo klee Ɔɔ sɔ̌n kwɛna slè le plě uu dɛ kukǔǒ Ɔ se ɛɛ tè ù kwa bleě le. Tuposà Ɔ nye ämoo nɛ̀ moo ke bo nyu bɔ nuu ɔ klee Ɔ mii mɔ̀niapo dɛ nu.

Ifisiɛ̌n 6:24

Nɛ bo Nyesoaa wlòo jlajlǎ dɛà ɛ̈ɛ̌ sà Lɔɔ wlò kǔ mǒ keǒ nyopò wùɛ mɔ̀ bɛ muu nya ü noɛɛ äa Koɔn Jùsu Tentǎn Jǔ mǒ plě ü kɔn mǒ noɛnoɛ sěɛɛ dɛ bɛ̌ keǒ Ɔ mɔ̀.

2 Timɛtě 1:12

Tèǒ nì kɔn tè baǎje mǒà bo ke noǎǒ ii sònwɛ jě, ɛɛ tònwe ně nu mǒ keǒ tuposàǒ mɔ̀. Ě ji Nyu tae Ě kpae lee wlò lo plě Ě ji ɛ ɛ̈ moo Ɔ wɔ̀le je Bɔ tù ɛmo tuposàǒ jleě mɔ̀ tɛɛ tɛɛ ɛ̈ Ɔ poě mǒo kwete mǒ ɛ mǐ ɛ kpa kpa ɛ mǐ blilǐ tù chnɛ̀ jlǒ waě kɛn jɛɛ le.

Hiblǔ 1:6

Tà Nyesoa wɛ̀aa mɔ̀ Bɔ dboa Ɔɔ Nyǐsajuǒ kělɔ kmɔ̌ɔ mɔ̀, kě Ɔ dǎla ke Ɔ je, “Ně najiǒpò wùɛ u kɔn bu sà Ɔɔ wɛ̀.” (Deut 32.43)

2 Pitɛ̌ 1:1

Mǒ Saemɔ̌ Pitɛ̌à chlě chněedɛ̌à ɔ̈ monoo na wien po nyebajlo klee Jùsu Tentǎn Jǔu tuposà kpa nyu, Ě chleě ɛ amo nyopòà mɔ̀ ü kɔnʼɔ kàan tè wlò popoɛɛ doà ä kɔnʼɔ ɛ̈ sɔn lěe jebo siǐn Nyesoa mɔ̀ mǒ klee äa Wowa Nyu Jùsu Tentǎn Jǔ.

2 Pitɛ̌ 3:18

Kɛɛ a muu nya, a kun klě äa Koɔn Jùsu Tentǎn Jǔu wlòo jlajlǎ dɛ mǒ ɛ̈ɛ̌ sà Ɔɔ wlò kǔ mǒ keǒ a mɔ̀ klee klě Ɔɔ de jijiɛ mǒ. Nɛ Bɔ kɔn de bìsea klě tǐà wlòmo plě ke kmɔ̌ mii jleě mǒ bo tonma, kě bɛ ne.

1 Jɔ̀ɔ̌n 2:23

Nyu wùɛ ɔ̈ mi Ɔɔ Jǔǒ jleě mǒ sàba, è Ɔɔ Gbeǐǒ ɔ sà jleě mɔ̀ ke. Nyu wùɛ ɔ̈ mii Jǔǒ jebo kmema, è Ɔɔ Gbeǐǒ ɔ kme jebo ke.

2 Jɔ̀ɔ̌n 1:9

Nyu wùɛà mii sen noǎa teeba plě ɔ̈ see kàan dɛɛ teea dlǒ mɔ̀ kpaba mu ɛ̈ kwɛɛǒo Tentǎn Jǔ jleě mǒ bo, ɔ se Nyesoa kɔn klě ɔɔ wlò jleě. Kɛɛ nyu wùɛà mii kàan dɛɛ teea dlǒ mɔ̀le kpaba ɛ̈ kwɛɛǒo Tentǎn Jǔ jleě mǒ bo, ɔ kɔn äa Gbeǐ Nyesoa klee Ɔɔ Jǔ klě ɔɔ wlò jleě.