Jɔ̀ɔ̌n 5:19 - Nyesoaa Kuo Win Jajle

¹⁹ È Jùsu tùia u kɛɛn Ɔ je, “Kàan tèà Ě tmɛɛ̌ amo, Nyesoaa Jǔà Ɔ slě wɔ̀ Ɔɔ do Bɔ nu dɛ keǒ Ɔɔ chɛ̀ mɔ̀, kɛɛ dɛ Ɔ jě Ɔɔ Gbeǐ nii nɛ̀ Ɔ ni sosǒ, ii tè Jǔà Ɔ ni dɛɛ teěnʼǒ ɛ̈ Ɔɔ Gbeǐ nii.

Jɔ̀ɔ̌n 5:19 ပူးပေါင်းရင်းမြစ်များ

Matiɔ̌n 26:39

È Nɔ̀ǒ jejǎeaǒ nya bo Ɔ̌ chlìaǒ blǒ mɔ̀ bo Ɔ̌ bɛ̀tea Nyesoa, kě Ɔ dɛ̌a Ɔ je, “Òo Ně Gbeǐ, bɛ̌ nu bɛ̌ wɔ̀le ɛ sònwɛ jejeɛ̌ɛ kàeà sàǒ ɛɛ̌ jemǒ, kɛɛ bɛ̌ slě ɛ wɔ̀, nu Nè chɛ̀ɛ kɛn wɔɔn dɛ ɛ̈ see dɛà Ě jlɛ̌ɛ.”

Lǔkù 21:15

Mɛ kɔɔ̌n tèǒ joo nɛ̀ moo klě tǐi doǒ wlòmo Ě miǎ a tɔ̀n klee win wan poba ba boɔlǎa ï aa jlae nyo slě wɔ̀ bu sàǒo snǔ mɔ̀ plě bu chnɛ̀ mǒo.

Jɔ̀ɔ̌n 10:18

Nyu wùɛ nɔ̀ se Ně fònfnoà Mǒ kwa sà, kɛɛ Mǒà Mǒ chlà lɛ keǒ Bo poǒ ɛ blǒ mɔ̀ bo, Ě kɔn kpě keǒ Boǒ tɛ ɛ bo plě Ě kɔn kpě keǒ Boǒ dǔ ɛ mǒ de. Dɛǒ nɛ̀ Ně Gbeǐ tmɔɔ̌ Mǒ Bo nu.”

Jɔ̀ɔ̌n 12:49

Mɛ kɔɔ̌n tèǒ joo nɛ̀ moo noǎ wùɛà Ě boɛ amoo je Ě slě i Ně chɛ̀ dlǒ wlòmo sà, noǎ wùɛà Ě boɛɛ i sɔnʼě mǒ Ně Gbeǐi doǒ mɔ̀ Ɔ̈ dbo Mǒo, Nɔ̀ tmɔɔ̌ Mǒ Bo boɔ li.

Jɔ̀ɔ̌n 12:50

Ě ji ɛle Nɔ̀ tmɔɔ̌ Mǒ Bo boɔ tèà ɛ̈ di ɛɛ numa a mǐ kmɔ̌ sie fònfno kɔn. Tèǒ nì kɔn tè dɛ wùɛ Ě boɛɛ Ě boɛ dɛ Ně Gbeǐ tmɔɔ̌ Mǒo Bo boɔɔ teěn.”

Jɔ̀ɔ̌n 14:10

Sè ke i kàan tè po ɛ̈ moo Ě neeě Gbeǐ mǒ, Gbeǐ neeɔɔ̌ mǒ le? Noǎà Ě tmɛɛ̌ amoo i slě Ně chɛ̀ dlǒ wlòmo sɔn, kɛɛ Ně Gbeǐà neeě Mǒo mǒ Nɔ̀à ni Ɔɔ konkwa klěě mǒ.

Jɔ̀ɔ̌n 2:19

Jùsu tùa u kɛ̀ɛn Ɔ je, “Bǎ nymii kǎ fòɛà jǐ le, Ě mi ɛ poba klě chnɛ̀ jlǒ wěe tan wlòmo de.”

Jɔ̀ɔ̌n 3:3

Jùsu tmɔɔ̌a nɔ Ɔ je, “Kàan tèà Ě tmɛɛ̌ mò, nyu wùɛ slě wɔ̀ bɔ beě Nyesoaa win kwa konkɔn bobo ɛ̀ sìnʼǒ bɔ kɔɔn dee sɔ̌n.”

Jɔ̀ɔ̌n 5:21

Dɛɛ doǒ Gbeǐ nii Ɔ̌ duǐ kokǒ nyo jemǒ Ɔ̌ nye nuu kmɔ̌ sie fònfno, ɛɛ doǒ nɛ̀ Jǔà Ɔ ni Ɔ̌ nye nyu wùɛ kmɔ̌ sie fònfno ke ɔ̈ Ɔɔ wlò sàǒo.

Jɔ̀ɔ̌n 6:38

Mɛ̌oǒ joo nɛ̀ moo Ě slě jɔkɛn mǒ sɔn keǒ Bo nu Ně chɛ̀ɛ kɛn wɔɔn dɛ, kɛɛ keǒ Bo nu Nyesoaà dbo Mǒo Ɔɔ dɛ Ɔ jlɛ̌.

Jɔ̀ɔ̌n 8:28

Ii tè kě Ɔ dɛ̌a u je Ɔ je, “Bǎ keǎ Jbɛjuu Jǔà jemǒ duǐ keǒ pète bɛ̌ tu jleě, è a miǎ ɛ jiba ɛ̈ moo Mǒà Mǒ moo Jbɛjuu Jǔà, è a mi ɛ jiba ɛ̈ moo Ně nu dɛ keǒ Ně chɛ̀ɛ kpě wlòmo, kɛɛ dɛà Ně Gbeǐ tee Mǒo nɛ̀ kɔn do Ě boɛ.

Jɔ̀ɔ̌n 9:4

Tà chnɛ̀ neě jè lee bä nu konkwa keǒ Nyuà dbo Mǒo mɔ̀. Tǒn miě diba tàà nyu slě wɔ̀ bɔ nuu konkwa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:24

kɛɛ Nyesoa dǔa Ɔ jemǒ Ɔ̌ gblàlaě Ɔ kokoɛ̌ɛ chnechně noǎa slè. Ɛ slě ɛ wɔ̀ bo kokoɛ̌ bɛ di Ɔ kwa blě.

Wlǔmɔ 6:4

Bɛ̌ nu bä poo ně dlǒ, ɛ wǒ je keà ä kǒo plě u mǎna ämoo Tentǎn Jǔ kɛn bo u tùa ämoo bo. Dɛǒ nɛ̀ nu ɛ keǒ Tentǎn Jǔ nuaa äa Gbeǐ Nyesoaa kpě sàlaě Ɔɔ kǒla mǒ, kě ɛ nu ke ä mi kmɔ̌ jajlo nema.

Wlǔmɔ 8:11

Ke ɛ toon jleě mǒ bo Nyesoaa Sùsu dǔu Jùsu jemǒ Ɛ̌ sàě Ɔɔ kǒla mǒ, bɛ̌ nu Ɔɔ Sùsu Bɛ̌ neě a ja, Ɔmoǒ Ɔ̈ dǔu Jùsu jemǒ Ɔ̈ sàě Ɔɔ kǒla mǒ Ɔ mi aa kokǒ blǒ fǒǒ sùsu mǒ poba ɛ mǐ kmɔ̌ ne ke.

1 Kwnɛtiɛ̌ 15:12

Ke ɛ toon jleě mǒ bo ä boɛɛ Nyesoaa win ɛ̈ moo Tentǎn Jǔ dǔǎ jemǒ Ɔ̌ sɔnaě kǒla mǒ, è mɛ kɔɔ̌n tè aa tìe tùu je nyu bɔ̌ kǒǒ kɛ ɔ seǎa jemǒ dǔba mu?

2 Kwnɛtiɛ̌ 4:14

Ä ji ɛle ɛ̈ moo Nyuǒ dǔu äa Koɔn Jùsu jemǒ Ɔ miǎ ä jemǒ dǔba a klee ämo Ɔ miǎě ä Ɔɔ chɛ̀ jemǒ kpa.

2 Kwnɛtiɛ̌ 5:10

Dɛ kɔn tè ä ni ɛɛ nɛ̀ moo ɛ wɛɛnʼǒ le keǒ nyopò wùɛ bu nynanǎǒ Tentǎn Jǔ Jùsu jemǒ bo keǒ Ɔɔ tè tù kpǎta jemǒ ɛ̈ di ɛɛ numa nyu wùɛ mi ɔɔ snǒ sàe dɛ jě ɛ̈ blɛɛ ɔɔ je keǒ dɛ ɔ nuu mɔ̀ tà ɔ nea nɔɔ kmɔ̌ɔ mɔ̀, bɛ̀ ɔ nua kàan ɔ̀ɔ̌ ɔ sea kàan nu.

Ifisiɛ̌n 2:5

ii tè kàan tè kmɔ̌ sie kokoɛ̌ blɛɛa ä je keǒ äa kpni kukwǐi tè mɔ̀, Nyesoa nyea ä kmɔ̌ sie fònfno keǒ äa tè wlò popoɛ ä kɔnʼɔ klě Tentǎn Jǔ mǒ ɛɛ tè mɔ̀. Nyesoa kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀, ii tè a gblàe le klě aa kpni kukwǐi tè jɛɛa bobo.

Ifisiɛ̌n 3:16

Ě gbɛ̀ Ɔ wan keǒ Ɔɔ Sùsu Bɛ nye a kpě ï sonwɛ lěe Ɔɔ kpě fòe mǒ ɛ̈ di ɛɛ numa aa tè wlò popoɛ mǐ kbě mǒ ne

Flepiɛ̌n 3:21

Ɔ mi äa fǒà mii kǒba numa ɛ mǐ ponpnɔɔ no Ɔ mǐ ɛ tè jǐ boǎ fǒ mǒ nu wòje keǒ Ɔɔ nenɛ nuu. Ɔɔ kpěǒ nu Ɔɔ Ɔ̌ wɔ̀le ɛɛ Bɔ poě noǎ wùɛ Ɔɔ win kwa konkɔn bobo nì Ɔ mi numa.

Flepiɛ̌n 4:13

Bo Tentǎn Jǔà nye mǒo kpě Bɔ̌ sɛ̀ɛ leě mǒ, è Ě wɔ̀le ɛle keǒ bo nu dɛ wùɛ.

Klasɔ̌n 1:11

Ä bɛ̀te Nyesoa Ɔ mǐ a kbě nye ï sonwɛě Ɔɔ tè jǐ boaboǎ kpě wlòmo ɛ̈ di ɛɛ numa a miě ɛ wɔ̀ keǒ ba nyna dɛ wùɛ jebo klě wlò dbadbǎ klee chǒn mǒ.

Klasɔ̌n 1:16

Mɛ̌oǒ joo nɛ̀ moo Nɔ̀ nu dɛ wùɛ ɛ̈ neěe jɔkɛn klee kělɔ blǒɔ mɔ̀, jà noǎà ä jěe klee noǎà äǎ jěe klee sìsià neěe jɔ mǒ ï nee kpě kɛn klee ï nɛɛ nee nyopò klee ï kɔnʼɔ win kwa plě klee ï blěe kpě. Ii wùɛǒ Nyesoa nuuě i Tentǎn Jǔ mǒ plě Nɔ̀ kɔn tè Ɔ nua ni.

1 Tɛseloniǎ 4:14

Ke ɛ toon jleě mǒ bo ä po lii kàan tè ɛ̈ moo Jùsu kǒa le Ɔ̌ dǔa jemǒ Ɔ̌ sɔnaě kǒla mǒ, ä po i mǒ kàan tè ke ɛ̈ moo bɛ̌ nu Bɔ̌ tbaeǎ je, Nyesoa miǎě Ɔ klee nyopòà po Ɔɔ tè kàan tè ü kǒaa snǔ mǒ jaeba.

1 Pitɛ̌ 3:18

Tentǎn Jǔ kǒa waěe do keǒ kpni kukwǐ wùɛɛ tè mɔ̀, Nɔ̀ moo Jebo Siǐn Nyu Ɔ̈ kǒa keǒ ämo se jebo siǐn nyoo tè mɔ̀ ɛ̈ di ɛɛ numa Ɔ miě ä Nyesoa mɔ̀ kpa. U dbǎla Ɔɔ fǒ, kɛɛ Ɔɔ Sùsu neě jè kmɔ̌.

Wlɛ̀velesɔ̌n 2:23

Ě mi nyopòǒ nɛ ɔɔ mɔ̀ dbǎba ɛ̈ di ɛɛ numa Tentǎn Jǔu wǎn wùɛ mi ɛ ji ɛ̈ moo Mǒà Mǒ ji nyu wùɛɛ dlǒ mɔ̀le sìɛnʼɛ dɛ klee ɔɔ jlajlǎ dɛ. Ě mi aa do do snǒ sàba wòje dɛ aa nyu nuu.