Jɔ̀ɔ̌n 5:17 - Nyesoaa Kuo Win Jajle

¹⁷ Kɛɛ Jùsu tùa u kɛɛn Ɔ je, “Ně Gbeǐ Nyesoa ni konkwa tǐ wùɛ mɔ̀, ii tè dɛɛ doǒ nɛ̀ Ě ni ke.”

Jɔ̀ɔ̌n 5:17 ပူးပေါင်းရင်းမြစ်များ

Matiɔ̌n 10:29

Deě dbadaǐi sɔ̌n uǔ ploo kɛ i wlejoɛ̌ɛ chěnchaěe? Kɛɛ ii dɛɛ doo chɛ̀ nɛ̀ slě wɔ̀ bɛ̈ bloě jɔ mǒ ɛ̈ kɔn tè aa Gbeǐǒ neěe jɔkɛn Bɔ se ji.

Jɔ̀ɔ̌n 10:36

kɛɛ tà Nyesoa sà Mǒo Ɔ̈ dbo Mǒo kělɔ kmɔ̌ɔ mɔ̀ kělɔ a mɔ̀, a tmɛɛ̌ Mǒ ɛ̈ moo tà Ě je Ě moo Ɔɔ Jǔ, Ě pe Ɔ wan fla.

Jɔ̀ɔ̌n 14:10

Sè ke i kàan tè po ɛ̈ moo Ě neeě Gbeǐ mǒ, Gbeǐ neeɔɔ̌ mǒ le? Noǎà Ě tmɛɛ̌ amoo i slě Ně chɛ̀ dlǒ wlòmo sɔn, kɛɛ Ně Gbeǐà neeě Mǒo mǒ Nɔ̀à ni Ɔɔ konkwa klěě mǒ.

Jɔ̀ɔ̌n 5:16

Tèǒ nì kɔn tè u tùngmaea Jùsu le nunuɛ keǒ Bɔ nua dɛ taeǒ keǒ Nyesoaa de fɛ chnɛ̀ jlǒ waěǒ mɔ̀.

Jɔ̀ɔ̌n 5:18

Dɛǒ nɛ̀ nia Jùwɛ nyo wùɛ ǔ jlɛ̌ bu dbǎla Ɔ. Ɛ se Bɔ wlǎla Nyesoaa de fɛ waěe tetěe do, kɛɛ Ɔ dɛɛa Ɔɔ chɛ̀ Nyesoaa Jǔ ke. È klě ɛmo dɛǒ wlòmo Ɔ ni Ɔɔ chɛ̀ Ɔ klee Nyesoa Ǔ boɛɛ kɛn mǒ.

Jɔ̀ɔ̌n 9:4

Tà chnɛ̀ neě jè lee bä nu konkwa keǒ Nyuà dbo Mǒo mɔ̀. Tǒn miě diba tàà nyu slě wɔ̀ bɔ nuu konkwa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 14:17

kɛɛ tǐ wùɛ mɔ̀ Nyesoa ni kàan noǎ ï moo sàse ɛ̈ moo Ɔ ne kmɔ̌. Ɔ nye a nǔ ɛ̌ dbɛ klee Ɔ ni aa dodɔ̌ noǎa ǐ kwin klě ii tǐ wlòmo klee Ɔ̌ nye a digbaǐ fòfoa plě Ɔ̌ ni amo a ni chǒn le!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:28

wòje ke aa dǎtè chlě nyoo tìe nu ɛɛ chlechlɛ̌ ɛ̈ moo, ‘Ä ne kmɔ̌ ä nɛ le klě Ɔ mǒ.’ È uu tìe je, ‘Ämoà ämo moo Ɔɔ jlǔ.’

1 Kwnɛtiɛ̌ 12:6

Ɛ kɔn wakěe kplekplei nyu bɔ nunuu Nyesoaa konkwa mǒ, kɛɛ ɛ moo Nyesoaa doǒ Ɔ̌ ni ɛmo konkwe wùɛǒ klě nyu wùɛ mǒ.

Klasɔ̌n 1:16

Mɛ̌oǒ joo nɛ̀ moo Nɔ̀ nu dɛ wùɛ ɛ̈ neěe jɔkɛn klee kělɔ blǒɔ mɔ̀, jà noǎà ä jěe klee noǎà äǎ jěe klee sìsià neěe jɔ mǒ ï nee kpě kɛn klee ï nɛɛ nee nyopò klee ï kɔnʼɔ win kwa plě klee ï blěe kpě. Ii wùɛǒ Nyesoa nuuě i Tentǎn Jǔ mǒ plě Nɔ̀ kɔn tè Ɔ nua ni.

1 Tɛseloniǎ 2:13

È dɛ tɛ̀ɛ kɔn tè ä pee Nyesoa tàto de tǐ wùɛ mɔ̀ nɛ̀ moo, tà a wɔ̌naa tuposàà ä po amoo je ɛ̈ sɔn lěe Nyesoa mɔ̀ mǒ, a se ɛ jebo kme wòje win sɔn lěe tùonyopo mɔ̀ mǒ, kɛɛ sɛje a kmea i jebo ke i nee wòje Nyesoaa kàan win ï nii konkwa klě amoà poo kàan tè mǒ.

Hiblǔ 1:3

Nɔ̀ moo Nyu Ɔ̈ tee ɛɛ ɛ̈ moo Nyesoa ne kɛn tùɔn plě Nyesoaa kmɔ̌ nɛ̀ neě Ɔ ja teěn. Nɔ̀ ni kmɔ̌à ɛ̌ neǒ klě Ɔɔ kpě kɛne win wlòmo. Tà Ɔ nu ɛɛ ɛ wɔ̀le ɛɛ keǒ tùonyugbee dɛ kukǔu tè bi poo loo wlò le, è Ɔ ne bo klě jɔkɛn klě Ja Tmɔ Nyesoaa dilǎ son mɔ̀ keǒ tùɔnʼǒ kɔnʼǒo tùtuɛ fòɛ kɛn.