Jɔ̀ɔ̌n 5:10 - Nyesoaa Kuo Win Jajle

¹⁰ Ii tè kě Jùwɛ nyoo je si nyo dɛ̌a jbɛjuǒ Jùsu peanaa je u je, “Ɛ moo Nyesoaa de fɛ chnɛ̀ jlǒ waě, tèǒ nì kɔn tè ɛ moo tetě wlawlǎ keǒ bò di nè chèen blě.”

Jɔ̀ɔ̌n 5:10 ပူးပေါင်းရင်းမြစ်များ

Matiɔ̌n 12:10

Ɛ kɔna nyu tɔ̀ɔ Ɔ jɛɛa lěe koǔǒ bo ɔ̈ kɔn kweta neaea. Ii tè kě Fɛlesǐi wǎn nia Ɔ wan gbògba u je, “Deě Nyesoaa teteǎ je ɛ nu kɛ tɛɛ keǒ nyu bɔ pean nyu klě Nyesoaa defɛ chnɛ̀ jlǒ waě wlòmo le?” Tèǒ kɔn tè u dɛ̌a bòo nɛ̀ moo u pɛ̀na le dɛ u mǐaa Jùsu jleě kmee ne.

Mǎkè 2:24

È tà Fɛlesǐi wǎn jěaa dɛǒ, kě u dɛ̌a Ɔ je u je, “Tanʼǒ Nè mɔ̀ cheěn nyo mɔ̀le, u ni konkwa ɛ̈ u see je blɛɛ le bu nuu keǒ Nyesoaa defɛ chnɛ̀ jlǒ waěà mɔ̀.”

Mǎkè 3:4

È Ɔ gbàla u wan Ɔ je, “Mɛ Nyesoaa teteǎà Ɔ nyea kɛɛ Mɔ̀sě i jlɛ̌ bä nuǔ keǒ Nyesoaa defɛ chnɛ̀ jlǒ waě mɔ̀, bä nu kɛ kàan dɛ le, deě bä nu dɛ kukǔ? Bä gblà kɛ tùonyuu fònfno le, deě bä dbǎ tùonyu?” Kɛɛ u sea Ɔ kɛ̀ɛn tù.

Lǔkù 13:14

Kɛɛ Nyesoa koǔu je siɔ beea Jùsu jlo měne keǒ Bɔ dia nyu pean keǒ Nyesoaa de fɛ chnɛ̀ jlǒ waěǒ mɔ̀. Ii tè kě ɔ dɛ̌a nyopòǒ je ɔ je, “Ä kɔn wěe m̀mɔdo klě wǐki wlòmo nyu bɔ nunuu konkwa mǒ, nì kɔn mǒ ba diě a mǐ pean, kɛɛ ɛ̈ see Nyesoaa de fɛ waě mɔ̀.”

Lǔkù 23:56

È nynoǒ u mua ǔ dbǎla chè klee ǔ wɔ̀a sonsnǒ chnɔ̌ mɔ̀le keǒ Ɔɔ kokǒ fǒ mɔ̀. Sɛ̌ɛ̀de waěǒ mɔ̀ u fɛa le wòje ke Nyesoaa tetě nua nuu tmɔɔ̌a.

Lǔkù 6:2

È tà Fɛlesǐi wǎnʼa tìe jěaa dɛǒ, kě u dɛ̌a u je, “Mɛ kɔɔ̌n kɛ konkwa a nii ɛ̈ a see je blɛɛ le ba nuu keǒ Nyesoaa defɛ waěà mɔ̀?”

Jɔ̀ɔ̌n 1:19

È tèà nì Jɔ̀ɔ̌n sèsaeaa Nyesoaa kpatòapoo klee uu mǒ sɛ̀ɛ nyo wlòmo ü kɔn lěe Lifàe dakɔ̌ slè ü sɔnaa Jlǔsnɛ mǒ Jùwɛ nyo dboaa bü muaa Jɔ̀ɔ̌n wan gbà nyu tae ɔ mooaa.

Jɔ̀ɔ̌n 5:11

Kɛɛ ɔ tùa u kɛ̀ɛn ɔ je, “Nyuà pean mǒo Nɔ̀ tmɔɔ̌ mǒ ɛ̈ moo, ‘Dǔ nè chèen mǒ, mì na.’ ”

Jɔ̀ɔ̌n 5:15

È jbɛju nɔ̀ǒ dǔa jemǒ ɔ̌ mua ɔ̌ tmɔɔ̌a Jùwɛ nyoo je si nyo ɛ̈ moo Jùsu Nɔ̀ peana nɔ.

Jɔ̀ɔ̌n 5:16

Tèǒ nì kɔn tè u tùngmaea Jùsu le nunuɛ keǒ Bɔ nua dɛ taeǒ keǒ Nyesoaa de fɛ chnɛ̀ jlǒ waěǒ mɔ̀.

Jɔ̀ɔ̌n 7:23

Bɛ̌ nu bǎ ke aa jbɛjujlu foeǐ bɛ̌ keǒ de fɛ waě mɔ̀ ɛ̈ di ɛɛ numa aǎ dia Nyesoaa tetě wlǎ keǒ ɛmoǒ kɛn, è a wlǎla tetěǒ lo keǒ ba nua konkwa keǒ waěǒ mɔ̀. È bɛ̌ nu Bo pean nyu keǒ de fɛ waěǒ mɔ̀, è mɛ kɔɔ̌n tè a beě kɛ jlo měne keǒǒ mɔ̀?

Jɔ̀ɔ̌n 9:16

È kě Fɛlesǐi wǎnʼa tìe dɛ̌a u je, “Jùsu Ɔɔ̌ tùǒ Nyesoaa de fɛ chnɛ̀ jlǒ waěe teteǎ bo, ii tè Ɔ seě Nyesoa mɔ̀ mǒ sɔn.” Kɛɛ kě uu tìe dɛ̌a u je, “È ke nyuà moo kɛɛ dɛ kukǔ nuɔ ɔ wɔ̀le je bɔ nuǔ wlòlekaen dɛ taeǒ nunuɛ?” Ii tè ɛ plooa ɛ wakě klě uu chɛ̀ slè.