Jɔ̀ɔ̌n 4:34 - Nyesoaa Kuo Win Jajle

³⁴ È Jùsu tùa u kɛ̀ɛn Ɔ je, “Ně didi dɛ nɛ̀ moo Bo nu Nyuà dbo Mǒo Ɔɔ kɛn wɔɔn dɛ plě klee Boǒ wɔ̀ Ɔɔ konkwa mɔ̀.

Jɔ̀ɔ̌n 4:34 ပူးပေါင်းရင်းမြစ်များ

Matiɔ̌n 26:39

È Nɔ̀ǒ jejǎeaǒ nya bo Ɔ̌ chlìaǒ blǒ mɔ̀ bo Ɔ̌ bɛ̀tea Nyesoa, kě Ɔ dɛ̌a Ɔ je, “Òo Ně Gbeǐ, bɛ̌ nu bɛ̌ wɔ̀le ɛ sònwɛ jejeɛ̌ɛ kàeà sàǒ ɛɛ̌ jemǒ, kɛɛ bɛ̌ slě ɛ wɔ̀, nu Nè chɛ̀ɛ kɛn wɔɔn dɛ ɛ̈ see dɛà Ě jlɛ̌ɛ.”

Matiɔ̌n 3:15

Kɛɛ kě Jùsu dɛ̌a lɔ je Ɔ je, “Nu ɛ. Dɛǒ nɛ̀ bä nu nɛ̀ moo Nyesoaa kɛn wɔɔn dɛ teěn.” Ii tè Jɔ̀ɔ̌n wɔɔnʼa lɛ kɛn ɔ̌ poa Jùsu ně dlǒ.

Matiɔ̌n 9:19

Ii tè Jùsu klee Ɔɔ mɔ̀ cheěn nyo sɔna mǒ ǔ nɛna jbɛjuǒ de klě ɔɔ koǔ bo.

Lǔkù 15:10

Bo tmɔɔ̌ amo, dɛɛ doǒ nɛ̀ ɛ mono, Nyesoaa najiǒpòo plɔ blo lo keǒ kpni kukwǐ nyuu doo tè mɔ̀ ɔ̈ bitǐ ɔɔ wlò bo.”

Lǔkù 19:10

Mǒ Jbɛjuu Jǔà Ě diě keǒ Bo mǐ nyopòà kpni kukwǐ kɔnʼɔ win kwa gblà.”

Lǔkù 2:49

È Ɔ gbàla u wan Ɔ je, “Mɛ kɔɔ̌n tè a pɛ̀ɛ̌n kɛ Mǒ le? A see kɛ i ji ɛ̈ moo Ě kɔn Boǒ neeɔ Ně Gbeǐi koǔ bo keǒ Bo nu Ɔɔ konkwa le?”

Jɔ̀ɔ̌n 17:4

Ě wɔ̀ konkwaà nyè Mǒo mɔ̀ no, klě ɛɛ nunuɛ mǒ Ě nyeè tè jǐ boaboǎ kělɔ kmɔ̌ mɔ̀.

Jɔ̀ɔ̌n 19:28

Tà dɛǒ ɛ sìnʼaa, Jùsu jěa lɛ ɛ̈ moo Ɔɔ konkwa wùɛ wɛ̀a mɔ̀ no kpǎkpǎ. Ɔ jlɛ̌ Bɔ nua Nyesoaa win bi jaěaǒ, ii tè Ɔ je, “Nenǎ toà ni Mǒ!”

Jɔ̀ɔ̌n 19:30

Tà Ɔ nǎnaa wan nonɔ̌ něǒ, è kě Ɔ dɛ̌a Ɔ je, “Ɛ wɛ̀ mɔ̀ no!” È Nɔ̀ǒ poa dlǒ bo Ɔ̈ ngmnana fònfno.

Jɔ̀ɔ̌n 4:32

Kɛɛ Ɔ tmɔɔ̌a nu Ɔ je, “Òooǒn, Ě kɔn didi dɛ ɛ̈ kɔn tè a see ji.”

Jɔ̀ɔ̌n 5:30

Ně nu dɛ keǒ Ně chɛ̀ mɔ̀. Ě tùi blilǐ sosǒ dɛ Ě wɔ̌nʼɔ Ně Gbeǐ tmɔɔ̌ Mǒo Boǒ tùu. È Ně tɛ̀n ɛ mǒ keǒ Boǒ nu dɛ ɛ̈à Ě jlɛ̌ɛ, kɛɛ dɛà Nyuà dbo Mǒo Ɔ jlɛ̌ɛ, tèǒ nì kɔn tè Ně tè tùtuɛ slɛɛ̌ mǒ no.”

Jɔ̀ɔ̌n 5:36

Kɛɛ konkwe fòeà Ně Gbeǐ nye Mǒo Bo nuu nì moo sàse fòɛ keǒǒ mɔ̀ ɛ̌ sìnʼǒ Jɔ̀ɔ̌n mǒ. Wlòlekaen noǎà Ě nii nì tee ɛ ɛ̈ moo Ně Gbeǐ Nɔ̀ dbo Mǒ.

Jɔ̀ɔ̌n 6:33

Nyesoaa Kou Nɛ̀ moo Nyuà Ɔ̈ sɔn lěe jɔkɛn mǒ Ɔ̈ nye nee kmɔ̌ sie fònfno keǒ nyopò wùɛ mɔ̀.”

Jɔ̀ɔ̌n 6:38

Mɛ̌oǒ joo nɛ̀ moo Ě slě jɔkɛn mǒ sɔn keǒ Bo nu Ně chɛ̀ɛ kɛn wɔɔn dɛ, kɛɛ keǒ Bo nu Nyesoaà dbo Mǒo Ɔɔ dɛ Ɔ jlɛ̌.

Jɔ̀ɔ̌n 8:29

Noǎ wùɛà Ě nii i blee Nyuà dbo Mǒo Ɔɔ plɔ lo, ii tè kě Ɔ neàǎ gbàa Ɔɔ̌ siǒǒ bo.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:35

Dɛ wùɛ Ě mii numa Ě tee ɛ ale ɛ̈ moo bä poě kbě bä nu konkwa plě bä sɛ̀ɛ sònwɛ nyo měne, è plě bi beě a wlòmo, dɛà nɛ̀ Tentǎn Jǔ Jùsuu chɛ̀ boɔ ɛ̈ moo ɛ moo ngmna fòɛ keǒ nyu bɔ sà dɛ kwete mǒ bɔ nye ɛ nyu ɛ̌ sìnʼǒ nyopò bu nye ɔ noǎ mǒ.”

Hiblǔ 12:2

A nɛ bä mǎǒ Jùsu jleě mǒ bo Ɔ̈ nɛɛ ämoo klě äa tè wlò popoɛ mǒ plě Ɔ̈ nu ɛɛ ɛ̌ wɛ̀ lee jele. Tǐǒ jleě Ɔ jěaa sònwɛ keǒ pète bɛ̌ tu jleě, Ɔ kɔna wlò dbadbǎ Ɔ̌ sàla tònwe dɛǒ jleě mɔ̀ keǒ plɔɔ bloblɛ Ɔ miaa kɔnma klě kmɔ̌ɔ nya ɛɛ tè mɔ̀. Sɔɔnʼaě tǐǒ wlòmo Ɔ neě Ɔɔ Gbeǐ Nyesoaa klɔ̀ba gbèsɛɛ dilǎ son mɔ̀ bo ɛ̈ moo tùɔn ɛ̈ kɔnʼǒo tùtuɛ fòɛ.