Jɔ̀ɔ̌n 4:23 - Nyesoaa Kuo Win Jajle

²³ Kɛɛ ɛ kɔn tǐ diěe plě i nyni ni ɛ̌ wɛ̀ mɔ̀le tà tè wlò po wɛ̀ sà nyo u mii äa Gbeǐ Nyesoaa wɛ̀ sàba klě kàan tǔn mǒ klee klě sùsu mǒ. Umo wɛ̀ sà nyo taeǒ nù Ɔ jlɛ̌.

Jɔ̀ɔ̌n 4:23 ပူးပေါင်းရင်းမြစ်များ

Jɔ̀ɔ̌n 1:17

Nyesoa nyea ä teteǎ Ɔ jaeaěe Mɔ̀sě mǒ, kɛɛ Jùsu Tentǎn Jǔ jalaě Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ Ɔ̌ tmɔɔ̌a ä kàan tè keǒ Nyesoa jleě mǒ.

Jɔ̀ɔ̌n 12:23

Jùsu tùa u kɛ̀ɛn Ɔ je, “Tǐ nyniǒ no keǒ Jbɛjuu Jǔà Bɔ beě tè jǐ boaboǎ wlòmo.

Jɔ̀ɔ̌n 16:2

U mi a Jùwɛ nyoo Nyesoa keǐ bo ble le sàba. Ɛ kɔn tǐ miěe dibaa chɛ̀ nyu wùɛ ɔ̈ mi amoo dbǎba ɔ mǐ ɛɛ jě ɛ̈ moo Nyesoaa konkwa nɛ̀ǒ ɔ ni.

Jɔ̀ɔ̌n 16:32

Kɛɛ a gbɛ̀ɛ le ɛ kɔn tǐ diěe, i nyni nii chɛ̀ ɛ̌ wɛ̀ mɔ̀le, è aa wùɛ a mi le gbɛ̀tɛɛba a mǐ a chɛ̀ɛ keǐ bo ble le mu, a miǒ Ně do si. Kɛɛ sɛjesɛ Ě se do ne, Ně Gbeǐ neǒǒ gbàa.

Jɔ̀ɔ̌n 4:21

È kě Jùsu dɛ̌a ɔ je Ɔ je, “Po tèà Ě boɛ mòo je kàan tè, tǐ diě le aa Gbeǐi Nyesoaa wɛ̀ sèsa seǎɔ togbeeɔ dlǒ nema mu plě klě Jlǔsnɛ.

Jɔ̀ɔ̌n 5:25

Kàan tè Ě tmɛɛ̌ amo, tǐ diě le plě i nyni ni ɛ̌ wɛ̀ mɔ̀le, tà nyopòǒ se Mǒo ji u mi Něe win wɔ̌nma Ě mi nuu daba, uu nyopòǒ mi Mǒo nɔkǔ jebo poba u mi kmɔ̌ sie fònfno kɔnma.

Jɔ̀ɔ̌n 5:28

Biǐ kɛ̀ɛn a wlò le, tǐ diě le nyopò wùɛ ü neěe tnè bǐtìi wan u mǐ Jǔà Ɔɔ deda wɔ̌n

Wlǔmɔ 1:9

Ně Nyesoaà Ɔ̈ kɔn konkwa Ě nii keǒ ně wlò wùɛ mɔ̀ keǒ bo po Ɔɔ kàan tuposàà ɛ̈ kwɛɛǒ Ɔɔ Jǔ jleě mǒ bo, Nɔ̀ moo ně Sàse ɛ̈ moo tǐ wùɛ mɔ̀ Ě sìɛn aa tè dlǒ mɔ̀le.

Wlǔmɔ 8:15

Nyesoa se a sùsu nye ɛ mǐ a kèiapo mǒ nu a mǐ fano pe, kɛɛ Ɔ nye a Sùsu Ɛ̈ nu amoo Ɔɔ jlǔ mǒ plě Ɛ̈ nu ämoo ä dɛɛ Ɔɔ Abà, ɛ̈ sɛ̀nʼɛ nynɛ̌ äa Gbeǐ.

Wlǔmɔ 8:26

Nyesoaa Sùsu Nɛ̀ sɛ̀ɛ ä mǒ bä wɛ̀ kbě ja le. Ɛɛ jboo dɛ nɛ̀à, ke ɛ toon jleě mǒ bo ä see dɛ bä boɔ lěe Nyesoa mɔ̀ ji, Ɔɔ Sùsuu chɛ̀ Nɛ̀ boɛě Ɔmo Nyesoa mɔ̀ keǒ ä pènmo, Ɛ kwli klě winʼà mǒ ï tùonyugbe see de jbojbɛ kɔn.

Kalesiɛ̌n 4:6

Ke ɛ toon jleě mǒ bo ǎ moo Nyesoaa jlǔ, Nyesoa dbo Ɔɔ Jǔu Sùsu klě aa wlè jleě. Ɛ pnɛ̌ dɛ jleě le klě Nyesoa mɔ̀ kě Ɛ dɛ̌, “Abà!” ɛ̈ sɛ̀nʼɛ nynɛ̌ Ně Gbeǐ.

Ifisiɛ̌n 6:18

A bàte Nyesoa a mǐ Ɔ wan gbà Ɔ mǐ a mǒ sɛ̀ɛ le klě noǎ wùɛ slè. Tǐ wùɛ mɔ̀ a bàte Ɔ wòje ke Ngmà Je Ne Sùsu miě ɛ amoo mǒ popoɛ numa. Bɛ̌ nu bǎ ke ɛ ni, ba gbɛ̀ɛ le, aǎ seɛ bàtea mǒ tǐ wùɛ mɔ̀ keǒ Nyesoaa nyopò wùɛ mɔ̀.

Flepiɛ̌n 3:3

Ämoà ämo sɛje u moo foeě bɛ̌ nyopò. Mɛ kɔɔ̌n tèǒ joo nɛ̀ moo ämo sɛ̀ Nyesoaa wɛ̀ klě Ɔɔ Sùsu mǒ plě ä kun kɛn le Tentǎn Jǔ Jùsuu tè plě äǎ kuun foeě bebɛ̌ wlò je ɛ mǐ ä jebo siǐn nyo mǒ nu.

1 Pitɛ̌ 2:9

Kɛɛ amo moo nyopò Nyesoaa chɛ̀ sàǒo bü moo Ɔmo Klɔ̀ba Nyesoaǒ Ɔɔ kpatòapoo klee ngmà je ne dakɔ̌ klee Ɔɔ nyopò Ɔ sàǒo keǒ bü poo sàe ɛ̈ kwɛɛǒo wlòlekaen noǎà Ɔ nuu jleě mǒ bo Ɔ̈ da amoo ǎ sɔn lěe kwijlě slè mǒ ǎ diɔ Ɔɔ wlòlekaen pepěɔ slè.