Jɔ̀ɔ̌n 3:5 - Nyesoaa Kuo Win Jajle

⁵ È Jùsu tùa ɔ kɛ̀ɛn Ɔ je, “Kàan tè Ě boɛ mòo je nìà, nyu wùɛ slě wɔ̀ bɔ beě Nyesoaa win kwa konkɔn bobo, ɛ̀ sìnʼǒ bɔ̌ poo ně dlǒ klee Ngmà Je Ne Sùsu Bɛ̌ neě ɔ ja plě.

Jɔ̀ɔ̌n 3:5 ပူးပေါင်းရင်းမြစ်များ

Matiɔ̌n 18:3

è kě Ɔ dɛ̌a u je Ɔ je, “Tèe jleě nìà Ě tmɛɛ̌ amo, bɛ̌ nu bǎ se aa chɛ̀ɛ kmɔ̌ de sà, bɛ̌ se je wǒ keà jlǔ klɔkwlě, Nyesoa se a win kwa kɔnma mu.

Matiɔ̌n 19:24

Ě tmɛɛ̌ ane, ɛ nu dɛ jɔpǒ keǒ bùkɛn sòko bɔ bɛɛě diěe wɔn wan tìe ɛ̌ sìnʼǒ pònpan nyu bɔ beě Nyesoaa win kwa konkɔn bobo.”

Matiɔ̌n 21:31

Jlǔu sɔ̌nʼǒ uu nyu tae nuǔ kɛ ɔɔ gbeǐi kɛn wɔɔn dɛ?” Ù tùia Ɔ kɛ̀ɛn u je, “Nyane nyuǒ nɔ̀ nu ɔɔ gbeǐi kɛn wɔɔn dɛ.” È kě Jùsu dɛ̌a u je Ɔ je, “Kàan tèà Ě tmɛɛ̌ amo, dɛɛ doǒ nɛ̀ ɛ mono, nyopòà a je ü moo kpni kpɔnǐ dlǒ wlě tɛ̌n nyo klee gblà po nyo nù miě a nya kɛnma klě jɔkɛn deplě slè.

Matiɔ̌n 28:19

Tèǒ nì kɔn tè a mu dakwɛ̌ wùɛ mɔ̀le a mǐ u Ně mɔ̀ cheěn nyo mǒ nu. È uu mɔ̀ cheěn nyo mǒ nunuɛ nɛ̀ moo a po u ně dlǒ klě Gbeǐ klee Jǔ klee Ngmà Je Ne Sùsuu nynɛ̌ wlòmo

Matiɔ̌n 3:11

Mǒà mǒ pe a ně dlǒ sosǒ ɛ̈ di ɛɛ numa a mǐ aa wlè bo bitǐ. Kɛɛ ɛ kɔn Chì Kpa Ämo Ɔ̈ neǒ mǒo demǒ Ɔ̈ diěe Ɔ̈ kɔn tè kunʼu chɔɔ ì sìnʼǒ mǒo mǒ. Ě seǒ je blɛɛ lee chɛ̀ bo di Ɔɔ nyɔkòɛbě blě. Nɔ̀ miě amoà po Ɔɔ tè kàan tè Ngmà Je Ne Sùsu ja poba klee Nɔ̀ miě nyopòǒ se Ɔɔ tè kàan tè po na ja poba.

Matiɔ̌n 5:20

Tèǒ nì kɔn tè Ě tmɛɛ̌ amo, wakǎ tɛ̀ɛ nɛ̀ seǒ ne keǒ Nyesoa Bɔ kɔn nyu win kwa, ɛ̀ sìnʼǒ nyuǒ bɔ nu noǎà monoo Nyesoaa kɛn wɔɔn noǎ kpǎkpǎ ɛ miǒ teteǎ tee nyo klee Fɛlesǐi wǎn mǒ sìn.”

Mǎkè 10:14

Tà Ɔ jěaa dɛǒ u niaa, è Ɔ beea u jlo měne kě Ɔ dɛ̌a Ɔ je, “A sɔnʼǒ jlǔǒ mɔ̀ mǒ bu diɔɔ̌ mɔ̀, a bɔ̌ u je le kenkaea. Mɛ kɔɔ̌n tèǒ joo nɛ̀ moo u wǒ je nyopò Nyesoaa win kwa konkɔn kɔnʼǒo mɔ̀.

Mǎkè 16:16

Nyu wùɛ ɔ̈ mi Něe tè kàan tè poba plě ɔ̈ mii ně dlǒ pooba nɔ̀ mi waba klě ɔɔ kpni kukwǐi plɔ tu kɛn bo maěa slè, kɛɛ nyu wùɛ ɔ̈ se Něe tè kàan tè poba mu, gbè sùesuɛ nɛ̀ neǒ ɔ kɛn ɛ̈ mooěe na slè.

Mǎkè 9:47

È bɛ̌ nu nè jleě bɛ̌ keè ni bò ke dɛ kukǔ ni, sàě ɛ dìe jǐ mǒ. Ɛ mi tɛɛ numa bò kɔn jleě do bò muě jɔkɛn, ɛ̀ sìnʼǒ bò kɔn jǐi sɔ̌n Nyesoa Bɔ poǎ lěè na slè,

Lǔkù 13:24

“Bo tmɔɔ̌ mò, bɛ̌ nu bo nyu bɔ̌ ke kmɔ̌ neneɛɛ snǔ le pɛ̀n, è bɔ poě kbě bɔ chenchean ɔ miǒ chnu chěnchaě jleě pae le. Mɛ kɔɔ̌n tèǒ joo nɛ̀ moo nyopò fòfoa mi ɛ mǒ tɛ̀nma keǒ bu paeǒ ɛ jleě, kɛɛ u slě ɛ wɔ̀ba mu.

Lǔkù 13:3

Ɛ se bò nu, kɛɛ Ě tmɛɛ̌ ane, bǎ se aa wlè bo bitǐ, aa wùɛà kě a mi kokoɛ̌ numa ke.

Lǔkù 13:5

Ɛ se bò nu, kɛɛ Ě tmɛɛ̌ ane, bǎ se aa wlè bo bitǐ, aa wùɛà kě a mi kokoɛ̌ numa ke.”

Jɔ̀ɔ̌n 1:13

Ɛ se keà äa naǎ klee gbeǐpò nii ǔ beǒ tàa do ǔ kɔn ämoo, kɛɛ Nyesoaa chɛ̀ Nɔ̀ nu ä Ɔɔ jlǔ mǒ.

Jɔ̀ɔ̌n 3:3

Jùsu tmɔɔ̌a nɔ Ɔ je, “Kàan tèà Ě tmɛɛ̌ mò, nyu wùɛ slě wɔ̀ bɔ beě Nyesoaa win kwa konkɔn bobo ɛ̀ sìnʼǒ bɔ kɔɔn dee sɔ̌n.”

Jɔ̀ɔ̌n 3:4

È Nɛkɔdǐma gbàla Ɔ wan ɔ je, “Bɛ̌ nu nyu bɔ̌ wɛ̀ kɛ lě, è ke ɔ wɔ̀le je bɔ nuǔ kɛ dee sɔ̌n kɔɔan? Ɔ wɔ̀le je bɔ mu kɛ de klě ɔɔ naǎ wlòmo ɔ mǐ kɛ ɔ kɔn de le?”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:38

Pitɛ̌ tùa u kɛɛn ɔ je, “Nyu wùɛ bɔ bitǐ ɔɔ wlò bo bɔ po ně dlǒ klě Jùsuu nynɛ̌ wlòmo ɛ̈ di ɛɛ numa Nyesoa mǐ ɔɔ kpni kukwǐi tè wlò le poo lo Ɔ mǐ ɔ Ngmà Je Ne Sùsu nye.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:19

Tèǒ nì kɔn tè a bitǐ aa wlè bo ɛ̈ di ɛɛ numa Nyesoa mǐ aa kpni kukwǐi tè wlò le poo lo

Wlǔmɔ 14:17

Nyesoaa win kwa konkɔn slě noǎǒ mɔ̀ kɔn, nè di dɛàò, nè nɛ̌ dɛàò, kɛɛ noǎ ɛ kɔn lěe mɔ̀ nì moo jebo siǐan klee ně bo wnawna klee chǒnʼǒ ɛ̈ Nyesoa Ngmà Je Ne Sùsu jɛ lěe.

Wlǔmɔ 8:2

Dɛ ɛ nuu nɛ̀ moo Nyesoaa Sùsuu win kwa konkɔnʼà nye ämoo kmɔ̌ sie fònfno klě Jùsu Tentǎn Jǔ mǒ Nɛ̀ gblà ämo Ɛ̈ sàě ä kpni kukwǐi win kwa konkɔnʼà bobo ɛ̈ nye ämoo kokoɛ̌.

1 Kwnɛtiɛ̌ 15:50

Ně bǐì Tentǎn Jǔu wǎn ane, Ě tmɛɛ̌ ane, fǒà ɛ klee nymɔ i slě wɔ̀ bi neě Nyesoaa deplě slè, dɛà ɛ̈ kɔnʼɔ sònsɔn ɛ slě wɔ̀ bɛ moo dɛà see sònsɔn kɔn.

1 Kwnɛtiɛ̌ 2:12

Nyesoa se ä sùsu nye ɛ̈ kɔn nɔɔ kmɔ̌ɔ wlòmo, kɛɛ Ɔ nye ä Sùsuà Ɛ̈ sɔnʼě Ɔɔ chɛ̀ mɔ̀ mǒ. Dɛǒ nɛ̀ nu ɛ ä ji Sùsuu kàan nyee noǎ ï neɔ ämoo slè ï Nyesoa nye ämoo.

1 Kwnɛtiɛ̌ 6:11

Aa tìe tùu kmɔ̌ǒ nɛ̀ a ne pnɔě slè plě ǎ bitǐ aa wlè bo, kɛɛ äa Koɔn Jùsu Tentǎn Jǔ klee Nyesoaa Sùsu nì jla amo klě kpni kukwǐ slè nɛ̀ nu a ngmà je ne nyo klee jebo siǐn nyo mǒ klě Nyesoa jǐ kɛn.

Kalesiɛ̌n 6:15

Ɛ slě ɛ mɔ̀ kɔn bo bɛ̌ foeě ɔ̀ɔ̌ bo se foeě bɛ̌, kɛɛ sɛje dɛ kɔn tè kmaa nɛ̀ moo Ě moo nyejajlo.

Ifisiɛ̌n 5:26

Ɔ nu ɛmo dɛǒ keǒ Bɔ tù u ngmà je Ɔ̌ nu Ɔɔ win klee ně dlǒ popoɛ Ɔ̌ wɔ̀ u sìnɛ

1 Pitɛ̌ 1:2

Nyesoa Nɔ̀ sàlaǒ amo Ɔ̈ moo äa Gbeǐ wòje ke Ɔ nua ɛɛ ble popoɛ, Ɔɔ Ngmà Je Ne Sùsu nua amo ǎ nea ngmà je keǒ ba mǐaǒ Jùsu Tentǎn Jǔ bo tùtuɛ kɔn klee Ɔɔ nymɔ mǐaě a mɔ̀le snǎ. Nɛ bo Nyesoaa wlòo jlajlǎ dɛà ɛ̈ɛ̌ sà Ɔɔ wlò kǔ mǒ keǒ a mɔ̀ bɛ muu nya plě Bɔ nye a ně bo wnawna fòɛ.

1 Pitɛ̌ 3:21

Něǒ nɛ̀ nynanaǒ ně dlǒ popoɛ pènmo bo ɛ̈ gblà amoo klě tǐà wlòmo. Ně dlǒ popoɛ se nyu bɔ jla ɔɔ fǒ le bɔ sà mnǒ fǒ měne, kɛɛ ɛ moo pee win klě Nyesoa mɔ̀ ï sonwɛ lěe nyuu chɛ̀ɛ tè le jbojbɛ mǒ ɛ̈ snǎ lěe mɔ̀le. Jùsu Tentǎn Jǔ dǔ jemǒ Ɔ̌ sɔnʼě kǒla mǒ, ii tè Ně dlǒ popoɛ nɛ̀ gblà amo klě kpni kukwǐi plɔɔ tu kɛn bo maěa bobo.

1 Jɔ̀ɔ̌n 2:29

Ke ɛ toon jleě mǒ bo ǎ ji ɛɛ ɛ̈ moo Tentǎn Jǔ moo Jebo Siǐn Nyu, a ji ɛle ke ɛ̈ moo nyu wùɛ ɔ̈ nii jebo siǐn dɛ ɔ moo Ɔɔ jǔ.

1 Jɔ̀ɔ̌n 5:1

Nyu wùɛà mi nii kàan tè poba ɛ̈ moo Jùsu Nɔ̀ moo Tentǎn Jǔ Ɔ̈ Nyesoa peea lěe Bɔ dboaa, ɔmo nyuǒ ɔ moo Nyesoaa jǔ. Nyu wùɛ ɔ̈ noɛɛ nee Nyesoa mǒ Ɔ̈ moo äa Gbeǐ, ɔ noɛɛ Ɔɔ Jǔ mǒ no ke.