Jɔ̀ɔ̌n 3:34 - Nyesoaa Kuo Win Jajle

³⁴ Nyesoa sàǒ Ɔɔ chɛ̀ɛ Sùsu Nɛ̀ Ɔ nye Nyuà Ɔ dboo Nɛ̀ jǐ Ɔ je, ii tè Ɔ boɛ dɛ Nyesoa boɛɛ.

Jɔ̀ɔ̌n 3:34 ပူးပေါင်းရင်းမြစ်များ

Matiɔ̌n 12:18

“A jè Ně Nyebajlo Ɔ̈ Ě noɛɛ nee mǒ plě Ně chɛ̀ tbaa Nɔ̀à. Ně wlò bloo Ɔ kɛn chɔɔ. Ně Sùsu Nɛ̀ Ě miě Ɔ ja poba Ɔ mǐ tùonyopo wùɛ tè mɔ̀ tù.

Lǔkù 4:18

“Koɔnʼɔ Sùsu Nɛ̀ neěě ja. Mɛ̌oǒ joo nɛ̀ moo Nɔ̀ tba Mǒ keǒ Bo po Ɔɔ kàan tuposàà sònwɛ nyo je. Ɔ dboǒ lo Bo boɔɔ nyopòà nee kpe be le uu gblàgbla tè kɛn, Ɔ̌ dbo Mǒ Bo boɔɔ nyopòà kɔn jǐ dɔɔ uu le jě tè kɛn. È Ɔ̌ dbo Mǒ Boǒ gblà nyopòà u mɛɛ̌ǒo bo,

Jɔ̀ɔ̌n 1:16

Nyesoaa Jǔ noɛɛ äa wùɛ mǒ chɔɔ Ɔ̌ po ä ngmna mɔ̀, è Bɔ̌ po ä ngmna mɔ̀ bɛ̌ sìn, Ɔ̀ poě ɛɛ bě tɛ̀ɛ.

Jɔ̀ɔ̌n 15:26

È Jùsu je, “Wlò Wlòmo Ble Tùɔ̌ Ɔ̈ sonwɛě Něe Gbeǐ mɔ̀ mǒ Nɔ̀ moo Ngmà Je Ne Sùsu Ɛ̈ boɛɛ kàan tè. Ɛ miě Ně Gbeǐ mɔ̀ mǒ sɔnma Ě mǐ Ɛ dbo kělɔ a mɔ̀, è Nɛ̀ mi Ně tè kɛn le sèsaeba.

Jɔ̀ɔ̌n 16:7

Kɛɛ kàan tèà Ě tmɛɛ̌ amo, bɛ̌ nu Bo mu, ɛ mi kàan dɛ numa keǒ a mɔ̀. È bɛ̌ nu Boǒ se mu, Wlò Wlòmo Ble Tùɔ̌ slě diba mu kělɔ a mɔ̀. Bɛ̌ nu Bo mu, Ě mi Ɔ dboba kělɔ a mɔ̀.

Jɔ̀ɔ̌n 3:17

Nyesoa se Ɔɔ Jǔ dbo kělɔ kmɔ̌ɔ mɔ̀ keǒ Bɔ bɛ̌ nyopò kokǒ wun kɛn, kɛɛ keǒ Bɔ mǐ u gblà klě uu kpni kukwǐ slè.

Jɔ̀ɔ̌n 5:26

Ke Ɔmo Gbeǐǒ Ɔ nuu Ɔ̌ moo kmɔ̌ sie fònfnoo Mǎ, kě Bɔ nu Ɔɔ Jǔà Bɔ moo fònfnoo Mǎ.

Jɔ̀ɔ̌n 7:16

Ɔ tùa u kɛ̀ɛn Ɔ je, “Dɛà Ě tee lee, ɛ seɔ Ně chɛ̀ mɔ̀ mǒ sɔn, kɛɛ ɛ sonwɛě mǒ Nyuà mɔ̀ Ɔ̈ dbo Mǒo.

Jɔ̀ɔ̌n 8:40

Kɛɛ tà Ě tmɛɛ̌ amoo kàan tèà Ě wɔ̌nʼɔ ï sɔn lěe Nyesoa mɔ̀ mǒ, è a tɛ̀n ɛ mǒ keǒ ba dbǎ Mǒ. Eblɛ̌hɛ̀mo sěɛlǎ dɛ taeǒ ni.

Jɔ̀ɔ̌n 8:47

Nyesoaa jlǔ wɛ̌n tèǒ Nyesoa boɛɛ le. Kɛɛ a se Nyesoaa jlǔ, nɛ̀ kɔn tè aǎ po Ɔɔ win nɔkǔ jebo.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:2

ɛ̌ kpala ɛ kpa ɛ̌ jɛɛa chnɛ̀ jlǒ waěǒ Nyesoa kpaea Lɔɔ jɔkɛn. È plě Ɔ mǐa jɔkɛn mu, klě Ngmà Je Ne Sùsuu kpě wlòmo jbɛjluà ü Ɔ tbalaa keǒ bu mooa Ɔɔ tuposà kpa nyo nù Ɔ tmɔɔ̌a noǎ bu nuaa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:38

A ji Jùsu Ɔ̈ kɔn lěe Nǎsòwɛ̌ dǐa plě ke Nyesoa nuě Ɔɔ Ngmà Je Ne Sùsu ja popoɛ klee kpě Ɔ nye Nɔɔ. Nyesoa neeaǒ Ɔ mɔ̀, ii tè Ɔ nɛa blě kɛne Ɔ̌ nia kàan noǎ Ɔ̌ peana nyopò wùɛ ü nea lěe kǔu kpě bobo.

Wlǔmɔ 8:2

Dɛ ɛ nuu nɛ̀ moo Nyesoaa Sùsuu win kwa konkɔnʼà nye ämoo kmɔ̌ sie fònfno klě Jùsu Tentǎn Jǔ mǒ Nɛ̀ gblà ämo Ɛ̈ sàě ä kpni kukwǐi win kwa konkɔnʼà bobo ɛ̈ nye ämoo kokoɛ̌.

Ifisiɛ̌n 3:8

Kàan tè kě ně tè se kma klě Nyesoaa nyopò wùɛ slè, Ɔ nyeě fɔ̌ keǒ bo tmɔɔ̌ kuodakwɛ̌ wlòlekaen noǎ ï sɔn lěe Tentǎn Jǔ mɔ̀ mǒ

Klasɔ̌n 1:19

Mɛ kɔɔ̌n tèǒ joo nɛ̀ moo Nyesoa poa ɛ ble keǒ bo Tentǎn Jǔ Bɔ wǒa Ɔmo Nyesoaa chɛ̀ je teěn

Klasɔ̌n 2:9

Mɛ kɔɔ̌n tèǒ joo nɛ̀ moo Tentǎn Jǔ wǒ je Nyesoa teěn teěn.

Wlɛ̀velesɔ̌n 21:6

È kě Ɔ dǎlaǎ je Ɔ je, “Dɛ wùɛ ɛ wɛ̀ mɔ̀ no, Mǒà Mǒ moo Dɛɛ Wlò Tùla mǒ klee ɛɛ Dlǒ Chlɛ̀ɛa mǒ, ɛɛ Klekle Nyu klee ɛɛ Demǒ Bɔɔ̌ Nyu. Nyu wùɛà nenǎ to nii, Ě mi ɔ ně nyema ɛ̈ miěe kmɔ̌ sie fònfnoo někàwulo wan mǒ sɔnma ɛ̈ see dɛ poba mu.

Wlɛ̀velesɔ̌n 22:1

È najiǒpòiǒ ɔ teeaǎ ně sakaě ɛ̈ nyee nyopò kmɔ̌ sie fònfno. Ɛ snǎnaě mɔ̀le keà jělae ɛ̌ sonwɛaě Nyesoa klee Blajǔu klɔ̀ba gbèsɛɛ mɔ̀ mǒ