Jɔ̀ɔ̌n 3:3 - Nyesoaa Kuo Win Jajle

³ Jùsu tmɔɔ̌a nɔ Ɔ je, “Kàan tèà Ě tmɛɛ̌ mò, nyu wùɛ slě wɔ̀ bɔ beě Nyesoaa win kwa konkɔn bobo ɛ̀ sìnʼǒ bɔ kɔɔn dee sɔ̌n.”

Jɔ̀ɔ̌n 3:3 ပူးပေါင်းရင်းမြစ်များ

Matiɔ̌n 16:17

È kě Ɔ dɛ̌a ɔ je Ɔ je, “Saemɔ̌, Jònǎa jǔ, kɔ̀n ngmna, ɛ se kmɔ̌ ne tùonyugbe ɔ seè dɛà le jboo lo, kɛɛ Ně Gbeǐǒ neěe jɔkɛn Nɔ̀ jboo ɛɛ̀ le.

Matiɔ̌n 19:24

Ě tmɛɛ̌ ane, ɛ nu dɛ jɔpǒ keǒ bùkɛn sòko bɔ bɛɛě diěe wɔn wan tìe ɛ̌ sìnʼǒ pònpan nyu bɔ beě Nyesoaa win kwa konkɔn bobo.”

Matiɔ̌n 21:31

Jlǔu sɔ̌nʼǒ uu nyu tae nuǔ kɛ ɔɔ gbeǐi kɛn wɔɔn dɛ?” Ù tùia Ɔ kɛ̀ɛn u je, “Nyane nyuǒ nɔ̀ nu ɔɔ gbeǐi kɛn wɔɔn dɛ.” È kě Jùsu dɛ̌a u je Ɔ je, “Kàan tèà Ě tmɛɛ̌ amo, dɛɛ doǒ nɛ̀ ɛ mono, nyopòà a je ü moo kpni kpɔnǐ dlǒ wlě tɛ̌n nyo klee gblà po nyo nù miě a nya kɛnma klě jɔkɛn deplě slè.

Matiɔ̌n 5:18

Sɛje tèe jleě nìà Ě tmɛɛ̌ amo, jɔkɛn klee kmɔ̌à i mi sìnma, kɛɛ teteǎà ii jliwlǒ klee win boo doo chɛ̀ nɛ̀ slě wɔ̀ bɛ sìnsiɛɛǎ mɔ̀ ɛ mǐ ɛ kpa kpa noǎ wùɛǒ i miǎ tùɔn kpa.

Mǎkè 10:14

Tà Ɔ jěaa dɛǒ u niaa, è Ɔ beea u jlo měne kě Ɔ dɛ̌a Ɔ je, “A sɔnʼǒ jlǔǒ mɔ̀ mǒ bu diɔɔ̌ mɔ̀, a bɔ̌ u je le kenkaea. Mɛ kɔɔ̌n tèǒ joo nɛ̀ moo u wǒ je nyopò Nyesoaa win kwa konkɔn kɔnʼǒo mɔ̀.

Mǎkè 9:47

È bɛ̌ nu nè jleě bɛ̌ keè ni bò ke dɛ kukǔ ni, sàě ɛ dìe jǐ mǒ. Ɛ mi tɛɛ numa bò kɔn jleě do bò muě jɔkɛn, ɛ̀ sìnʼǒ bò kɔn jǐi sɔ̌n Nyesoa Bɔ poǎ lěè na slè,

Jɔ̀ɔ̌n 1:13

Ɛ se keà äa naǎ klee gbeǐpò nii ǔ beǒ tàa do ǔ kɔn ämoo, kɛɛ Nyesoaa chɛ̀ Nɔ̀ nu ä Ɔɔ jlǔ mǒ.

Jɔ̀ɔ̌n 1:5

Pepěǒ Ɛ fɛn ne klě kwijlě slè, è kwijlě sěɛ ɛ je chle.

Jɔ̀ɔ̌n 1:51

È kě Jùsu dɛ̌a Nataniɔ̌ je Ɔ je, “Kàan tè nìà Ě tmɛɛ̌ mò, mì jɔkɛn jěba ɛ mǐ je kna, mì Nyesoaa najiǒpò jě u mǐ jaě jɔkɛn tè nu keǒ Jbɛjuu Jǔà dlǒ mǒ.”

Jɔ̀ɔ̌n 12:40

“Nyesoa kan uu jǐ kɛn Ɔ̌ nu uu wlè ǐ jakǎ, ii tè u seǎ le jě kpe, è u slě wɔ̀ bu jbo tè le ɛ̈ di ɛɛ numa u mǐ wlè bo bitǐ u mǐɔɔ̌ mɔ̀ di Ě mǐ u wa.” (Is 6.10)

Jɔ̀ɔ̌n 3:4

È Nɛkɔdǐma gbàla Ɔ wan ɔ je, “Bɛ̌ nu nyu bɔ̌ wɛ̀ kɛ lě, è ke ɔ wɔ̀le je bɔ nuǔ kɛ dee sɔ̌n kɔɔan? Ɔ wɔ̀le je bɔ mu kɛ de klě ɔɔ naǎ wlòmo ɔ mǐ kɛ ɔ kɔn de le?”

2 Kwnɛtiɛ̌ 4:4

Kmɔ̌à ɛɛ dɛ kukǔu nyesoa ɔ̈ moo kǔ ɔ kan uu tè le jbojbɛɛ jǐ kɛn ɛ̈ di ɛɛ numa uǔ di pepěǒ sonwɛ lěe kàan tuposà mǒ jě ɛ̈ kwɛɛǒo Tentǎn Jǔu tè jǐ boaboǎ jleě mǒ bo Ɔ̈ wǒo Nyesoa je teěn teěn, ii tè uǔ po i kàan tè.

2 Kwnɛtiɛ̌ 5:17

Tèǒ nì kɔn tè bo nyu bɔ̌ kɔn tè wlò popoɛ klě Tentǎn Jǔ mǒ, ɔ moo nyejajlo, kmɔ̌ dakǎǒ ɔ niaa ɛ sìn ni, kmɔ̌ jajlo nɛ̀ tùu wlò klě ɔ mǒ.

Kalesiɛ̌n 6:15

Ɛ slě ɛ mɔ̀ kɔn bo bɛ̌ foeě ɔ̀ɔ̌ bo se foeě bɛ̌, kɛɛ sɛje dɛ kɔn tè kmaa nɛ̀ moo Ě moo nyejajlo.

Ifisiɛ̌n 2:1

Klě tǐà sìin wlòmo kmɔ̌ sie kokoɛ̌ blɛɛa a je keǒ aa kpni kukwǐ klee seǒ Nyesoa bo tùtuɛ kɔn kmɔ̌ a niaa mɔ̀.

Taetɔ̌ 3:5

Ɔ̌ gblà ämo, ɛ̈ see bä nu jebo siǐn dɛ tɛ̀ɛ, kɛɛ ɛ moo Ɔɔ wɔle je jbojbɛ Ɔ kɔnʼɔ keǒ ä mɔ̀, nɛ̀ nu ɛ Ɔ̌ gblà ämo ɛ̈ diiě ně dlǒ popoɛ mǒ ɛ̈ nye ämoo kmɔ̌ jajlo klee klě Ngmà Je Ne Sùsu mǒ Ɛ̈ pe ämoo kbě ja le chnɛ̀ jlǒ waě wùɛ mɔ̀.

Jìmǐse 3:17

Kɛɛ nyopòà kɔn tɔ̀n sɔn lěe Nyesoa mɔ̀ mǒ, u snǎě le mɔ̀ kpǎkpǎ ǔ moo nyopò ü jɛ lěe ně bo wnawna tà plě ǔ kɔn wlèe sɔ̌n keǒ nyopò tùu mɔ̀ ǔ tùiǒ nyopòǒ neǒ uu dlǒ mǒ ǔ kɔn wɔle je jbojbɛ ǔ ni kàan dɛ ǔ mǎ lě sèn bo, è měne chlachlǎ slě u mǒ ne.

1 Pitɛ̌ 1:3

De bìsea keǒ Nyesoa mɔ̀ Ɔ̈ moo äa Koɔn Jùsu Tentǎn Jǔu Gbeǐ Ɔ̈ kɔnaa wɔle je jbojbɛ chɔɔ keǒ ä mɔ̀ plě Ɔ̈ nyea ämoo wlò je kunkuɛn keǒ kmɔ̌ sie fònfno mɔ̀ ɛ̈ Ɔ jaeěe Tentǎn Jǔ Jùsuu jemǒ duduɛ̌ mǒ keǒ Bɔ sɔnʼě kǒla mǒ.

1 Jɔ̀ɔ̌n 2:29

Ke ɛ toon jleě mǒ bo ǎ ji ɛɛ ɛ̈ moo Tentǎn Jǔ moo Jebo Siǐn Nyu, a ji ɛle ke ɛ̈ moo nyu wùɛ ɔ̈ nii jebo siǐn dɛ ɔ moo Ɔɔ jǔ.

1 Jɔ̀ɔ̌n 3:9

Nyu wùɛà Nyesoa nu Ɔɔ jǔ mǒ ɔɔ̌ nu kpni kukwǐ. Mɛ̌oǒ joo nɛ̀ moo Nyesoaa Sùsu Nɛ̀ neě nyuǒ ja. È ke ɛ toon jleě mǒ bo Nyesoa moo ɔɔ Gbeǐ, ɔ slě wɔ̀ ɔ mǐ kpni kukwǐ nu.

1 Jɔ̀ɔ̌n 5:1

Nyu wùɛà mi nii kàan tè poba ɛ̈ moo Jùsu Nɔ̀ moo Tentǎn Jǔ Ɔ̈ Nyesoa peea lěe Bɔ dboaa, ɔmo nyuǒ ɔ moo Nyesoaa jǔ. Nyu wùɛ ɔ̈ noɛɛ nee Nyesoa mǒ Ɔ̈ moo äa Gbeǐ, ɔ noɛɛ Ɔɔ Jǔ mǒ no ke.

1 Jɔ̀ɔ̌n 5:18

Ä ji ɛle ɛ̈ moo nyu wùɛ ɔ̈ moo Nyesoaa jǔ ɔɔ̌ nee dɛ kukǔ nunuɛ kmɔ̌. Mɛ̌oǒ joo nɛ̀ moo Nyesoaa Jǔ Nɔ̀ tùi ɔ jǐ mɔ̀ ɛ̈ di ɛɛ numa kǔ ɔɔ̌ di ɔ mɔ̀ gbè.

1 Jɔ̀ɔ̌n 5:4

Dɛ ɛ nuu nɛ̀ moo nyu wùɛ ɔ̈ moo Nyesoaa jǔ ɔ du kmɔ̌ɔ měne tèntɛn wùɛ wan. Äa tè wlò popoɛ nɛ̀ du i wan.

Wlɛ̀velesɔ̌n 3:14

Jùsu kpɛɛa Ɔɔ win nya Ɔ je, “Chleě najiǒpòià mɔ̀ ɔ̈ nynaǒo Tentǎn Jǔu wǎn pènmo bo ü neěe dě fòɛǒ moo Lodisìa kɛn, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyuà u dɛɛ Kě Bɛ Ne Ɔ̈ moo Wlò Kpae Nyu plě Ɔ̈ moo Kàan Sàse Ɔ̈ kɔnʼɔ Nyesoaa noǎà Ɔ nuu win kwa.