Jɔ̀ɔ̌n 3:2 - Nyesoaa Kuo Win Jajle

² Tǒn jlǒ waě tɛ̀ɛ mɔ̀ nɔ̀ diaě Jùsu mɔ̀, kě ɔ dɛ̌a Ɔ je ɔ je, “Tee Nyu, ä ji ɛle Mòà Mò moo Tee Nyu Ɔ̈ sɔnʼěe Nyesoa mɔ̀ mǒ. Ɛ se nyu kɔn ɔ̈ wɔ̀le je bɔ nuu noǎà nìi ɛ̀ sìnʼǒ Nyesoa Bɔ̌ neeǒ ɔ mɔ̀ plě.”

Jɔ̀ɔ̌n 3:2 ပူးပေါင်းရင်းမြစ်များ

Matiɔ̌n 22:16

Nɛ̀ kɔn tè u dboa uu mɔ̀ cheěn nyoo tìe klee Hɛwlǒo nyopòo tìe nù mua lě Jùsu mɔ̀, kě u dɛ̌a Lɔ je u je, “Tee Nyu, ä ji ɛle Mòo sèn bo mǎ Nyu Ɔ̈à tee lee kàan dɛ keǒ Nyesoa dɛ mɔ̀ plě nyopòo dlǒ mɔ̀le sìɛnʼɛ dɛ ɛɛ̌ kpaa leè kbě keǒ Bò nu dɛ plě Nè wlò ɛɛ̌ sàǒ nyuu do ɛɛ̌ siǒ nyopò tùu.

Matiɔ̌n 23:7

Plě ǔ noɛɛ nyopò bu kɔ u bìse nàkne kɛn ble bu dae u tee nyo klě pɛlě plooa mǒ.

Matiɔ̌n 23:8

Kɛɛ aa Tee Nyu ne do sosǒ, è aa wùɛ a moo mamǔpò, ii tè nyopò buǔ dɛɛ a tee nyo keǒ u ni nuu deda.

Mǎkè 12:14

Ii tè u diaě Ɔ mɔ̀, kě u dɛ̌a Ɔ je u je, “Tee Nyu, ä ji ɛle Mòo sèn bo mǎ Nyu. È nyopòo dlǒ mɔ̀le sìɛnʼɛ dɛ ɛɛ̌ kpae leè kbě keǒ Bò nu dɛ plě Nè sàǒ nyuu do Nè siǒ nyopò tùu, kɛɛ tèe dɛ monoo kàan ɛ̈ Nyesoa jlɛ̌ bo nyopò bu nuu. Tèà nì kɔn tè ä jlɛ̌ bä ji ɛ, ɛ wɛɛn kɛǒ lè bä sà dlǒ wlě klě Wlǔmɔ nyoo klɔ̀ba mɔ̀le, deě bäǎ sɛ̀ li? Mɛ monoǒ kɛ Nè dlǒ mɔ̀le sìɛnʼɛ dɛ?” U jěa lɛ ɛ̈ moo u kmea Ɔno. Bɔ̌ nua, “A sà li,” Ɔ̀ wala Jùwɛ nyoo tetě, Bɔ̌ nua, “Aǎ sɛ̀ li,” Ɔ̀ wala Wlǔmɔ nyoo tetě.

Jɔ̀ɔ̌n 1:38

È Jùsu dawlǎla bo Ɔ̌ jěa lu ǔ nɛa Ɔ de, Ɔ̀ gbàla u wan Ɔ je, “Mɛ a pɛ̀ɛ̌n kɛ le?” Ù tùa Lɔ kɛ̀ɛn u je, “Wlabàe, È tà tìǐn kɛ?” Wlabàe sɛ̀n nynɛ̌ Tee Nyu.

Jɔ̀ɔ̌n 10:38

kɛɛ bɛ̌ nu Bo ke i ni plě bǎ se Ně tè kàan tè poo chɛ̀, è a blɛɛ je ba po wlòlekaen noǎà Ě nii ii tè kàan tè ɛ̈ di ɛɛ numa a mǐ ɛ ji kàan tè ɛ̈ moo Ně Gbeǐ Nɔ̀ neěě Mǒ plě Ě neeě Ɔ mǒ.”

Jɔ̀ɔ̌n 12:37

Kàan tè nyopò jěa Jùsu Ɔ̌ nia wlòlekaen noǎ fòfoa, kɛɛ u sea Ɔɔ tè kàan tè po.

Jɔ̀ɔ̌n 14:10

Sè ke i kàan tè po ɛ̈ moo Ě neeě Gbeǐ mǒ, Gbeǐ neeɔɔ̌ mǒ le? Noǎà Ě tmɛɛ̌ amoo i slě Ně chɛ̀ dlǒ wlòmo sɔn, kɛɛ Ně Gbeǐà neeě Mǒo mǒ Nɔ̀à ni Ɔɔ konkwa klěě mǒ.

Jɔ̀ɔ̌n 15:24

Bɛ̌ nu Bo see wlòlekaen noǎ wùɛà nu keǒ u mɔ̀ ïà nyu tɔ̀ɔ sěɛlǎa ni, è u see kpni kukwǐi tè jɛɛa kɔn. Kɛɛ baǎje bǔ jě Mǒ Bo ke i ni, kaǒ u faen Mǒ klee Ně Gbeǐ le.

Jɔ̀ɔ̌n 2:11

Dɛǒ nɛ̀ mooa klekle wlòlekaen dɛ Jùsu nua. È klě ɛmoǒ wlòmo Ɔ poa Ɔ chɛ̀ɛ tè jǐ boaboǎ pepě mǒ klě Jàlalǐi wakǎ kɛn klě diěǒ monoo Kenà kɛn. Dɛǒ nɛ̀ nua nɛ Ɔɔ mɔ̀ cheěn nyo poa Ɔɔ tè kàan tè.

Jɔ̀ɔ̌n 20:16

È Jùsu dala ɔlo Ɔ je, “Mɛwlě!” È ɔ chèa Ɔ ja, è kě Mɛwlě dɛ̌a Ɔ je ɔ je, “Wlebonì!” ɛ̈ sɛ̀nʼɛ nynɛ̌ Tee Nyu klě Hiblǔ win wlòmo.

Jɔ̀ɔ̌n 3:26

Ii tè u mua Jɔ̀ɔ̌n wan gbàba u je, “Tee nyu, nyuà kɔn tè bòɛaa Ɔ̈ diaě mòo mɔ̀ klě Jɔ̀ɔ̌dɛnʼɛ wakǎ tɛ̀ɛǒ mɔ̀ Ɔɔ tè be kɛ lěe mò wlò le? Nɔ̀ pe nyopò ně dlǒ le, nɛ̀ kɔn tè nyopò wùɛ miě Ɔ mɔ̀.”

Jɔ̀ɔ̌n 4:31

Klě ɛmo tǐǒ wlòmo Jùsuu mɔ̀ cheěn nyo neaǒ Ɔ demǒ doo, kě u dɛ̌a u je, “Tee Nyu, di dɛ.”

Jɔ̀ɔ̌n 5:36

Kɛɛ konkwe fòeà Ně Gbeǐ nye Mǒo Bo nuu nì moo sàse fòɛ keǒǒ mɔ̀ ɛ̌ sìnʼǒ Jɔ̀ɔ̌n mǒ. Wlòlekaen noǎà Ě nii nì tee ɛ ɛ̈ moo Ně Gbeǐ Nɔ̀ dbo Mǒ.

Jɔ̀ɔ̌n 6:2

Nyopò fòfoa jěa wlòlekaen noǎ Ɔ niaa keǒ kmakma nyo jleě mǒ no, ii tè u nɛa Ɔ de.

Jɔ̀ɔ̌n 7:31

Nyopò fòfoa poa Ɔɔ tè kàan tè klě diblɛ̌ǒ slè, kě u dɛ̌a u je, “Bɛ̌ nu bo Nyesoaa Tentǎn Jǔà Bɔ̌ diě, Ɔ mi kɛ wlòlekaen noǎ fòfoa numa ɛ miǒ Jbɛjuà mǒ sìn le? È Jbɛjuà Nɔ̀ kɔn Bɔ moo Tentǎn Jǔ.”

Jɔ̀ɔ̌n 9:16

È kě Fɛlesǐi wǎnʼa tìe dɛ̌a u je, “Jùsu Ɔɔ̌ tùǒ Nyesoaa de fɛ chnɛ̀ jlǒ waěe teteǎ bo, ii tè Ɔ seě Nyesoa mɔ̀ mǒ sɔn.” Kɛɛ kě uu tìe dɛ̌a u je, “È ke nyuà moo kɛɛ dɛ kukǔ nuɔ ɔ wɔ̀le je bɔ nuǔ wlòlekaen dɛ taeǒ nunuɛ?” Ii tè ɛ plooa ɛ wakě klě uu chɛ̀ slè.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:38

A ji Jùsu Ɔ̈ kɔn lěe Nǎsòwɛ̌ dǐa plě ke Nyesoa nuě Ɔɔ Ngmà Je Ne Sùsu ja popoɛ klee kpě Ɔ nye Nɔɔ. Nyesoa neeaǒ Ɔ mɔ̀, ii tè Ɔ nɛa blě kɛne Ɔ̌ nia kàan noǎ Ɔ̌ peana nyopò wùɛ ü nea lěe kǔu kpě bobo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:22

È Pitɛ̌ kpɛɛa win nya ɔ je, “Ǐsòwɛ̌ kwɛɛn ane, a poǒ nɔkǔ jebo, wlòlekaen noǎ klee wan bo kàe noǎa klee jboo noǎà Nyesoa nuuěe Jùsu mǒ klě a slè Ɔ̈ kɔn lěe Nǎsòwɛ̌ dǐa nì tee ɛ amo ɛ̈ moo Nɔ̀ sɔnaě Nyesoaa chɛ̀ mɔ̀ mǒ. È aa chɛ̀ a ji ili ɛ̈ moo i moo kàan tè.

Flepiɛ̌n 1:14

È de äa bǐì Tentǎn Jǔu wǎn fòfoa ü jě mǒo Ě neɔɔ wùlo u kɔn wlò kpaea klě Koɔn mǒ, bǔ ke Nyesoaa win boɛ u kɔn kpenkpɛ uǔ pe fano.