Jɔ̀ɔ̌n 3:19 - Nyesoaa Kuo Win Jajle

¹⁹ Dɛ mooaa Nyesoaa tè tùtuɛ nɛ̀ moo Pepě Ɛ̈ diɔɔ kmɔ̌ɔ mɔ̀, kɛɛ tùonyopo kɔn kmɔ̌ kukǔ, ii tè u noɛɛ kwijlě mǒ ɛ̌ sìnʼǒ Pepěǒ mǒ.

Jɔ̀ɔ̌n 3:19 ပူးပေါင်းရင်းမြစ်များ

Lǔkù 12:47

Nyebajloà ɔ̈ jii ɔɔ chì kpa ämoo kɛn wɔɔn dɛ, kɛɛ ɔ̈ see mɔ̀le wɛ̀ keǒ ɛ mɔ̀ plě ɔ̈ see dɛ ɔ jlɛ̌ɛ nu, ɔ miǎ ɔ beba chɔɔ dɔ̌.

Lǔkù 16:14

Fɛlesǐi wǎn noɛɛa mǒ wlě, ii tè tà u wɔ̌naa tèǒ, è Jùsu Nɔ̀ǒ u tbɛɛa wan měne.

Jɔ̀ɔ̌n 1:4

È Win Nɔ̀ moo kmɔ̌ sie fònfnoo Mǎ, è Fònfnoǒ Ɛ moo Pepě keǒ tùonyopo mɔ̀.

Jɔ̀ɔ̌n 1:5

Pepěǒ Ɛ fɛn ne klě kwijlě slè, è kwijlě sěɛ ɛ je chle.

Jɔ̀ɔ̌n 12:31

Ɛ nu tǐ keǒ Nyesoa Bɔ tù kmɔ̌à ɛɛ blilǐ, Ɔ mǐ ɛɛ win kwa kɔn nyu ɔ̈ moo kǔ wan du.

Jɔ̀ɔ̌n 12:43

È tè kɔn tè u nia nɛɛ nɛ̀ moo u noɛɛa mǒ tùonyopo bu bìsea u le ɛ̌ sìnʼaǒ Nyesoa Bɔ bìse u le mǒ.

Jɔ̀ɔ̌n 12:46

Mǒà Mǒ moo Pepě Ɔ diɔ kmɔ̌ɔ mɔ̀. Ii tè nyu wùɛ ɔ̈ mi Něe tè kàan tè poba ɔ seě kwijlě slè bo nema mu.

Jɔ̀ɔ̌n 5:44

Aa sosǒ a pepee nyneǎ le, kɛɛ aǎ tɛ̀n ɛ mǒo chɛ̀ keǒ ba jě nynɛ̌ le popoɛ klě Nyesoa mɔ̀, è ke a miǐ kɛ Ně tè kàan tè popoɛ numa?

Jɔ̀ɔ̌n 7:17

Nyu wùɛ ɔ̈ jlɛ̌ bɔ̈ nu Ɔɔ kɛn wɔɔn dɛ, ɔ ji ɛle ɛ̈ moo dɛà Ě tee lee ɛ sonwɛě mǒ Nyesoa mɔ̀, ɛ seɔ Ně chɛ̀ mɔ̀ mǒ sɔn.

Jɔ̀ɔ̌n 7:7

Kmɔ̌ɔ nyopò slě wɔ̀ bu faen amo, kɛɛ Ě tmɛɛ̌ u kaǒ ɛ̈ moo noǎǒ u nii i moo kukǔ, nɛ̀ kɔn tè u faen Mǒ.

Jɔ̀ɔ̌n 8:12

Ɛ kɔna tà tɔ̀ɔ u wǒaǒo de Jùsu boɛaěe nyopòǒ mɔ̀, kě Ɔ dɛ̌a Ɔ je, “Mǒà Mǒ moo Pepě keǒ kmɔ̌ ne tùonyopo mɔ̀, nyu wùɛ ɔ̈ mi Mǒo mɔ̀ nama ɔ seǎě kwijlě slè le nama mu kpe, kɛɛ ɔ mi Pepě kɔnma ɛ̈ nyee nyu kmɔ̌ siee fònfno.”

Jɔ̀ɔ̌n 9:5

Tà Ě neě jèɔ kmɔ̌ɔ wlòmo Ě moo kmɔ̌à ɛɛ Pepě.”

Wlǔmɔ 1:32

Kàan tè u ji ke Nyesoaa teteǎ dɛ̌ɛ le ɛ̈ moo nyopòǒ ni imoo noǎǒ, kmɔ̌ sie kokoɛ̌ nɛ̀ blɛɛ u je plě ɛ se bu nu imo noǎǒ ɛ doo tè, kɛɛ imo noǎa doǒ nì u pe nyopò tùu kbě ja le keǒ bu nu ke.

Wlǔmɔ 2:8

Kɛɛ nyopòà ü tùi uu doo tè plě ü sɛ̀ɛ Nyesoaa kàan dɛà jleě mɔ̀ plě ü nenee dɛ kukǔ kmɔ̌, nù Ɔ miǎ jlo měne beeba, Ɔ miǎǒ uu plɔ tu kɛn bo maě ne.

2 Tɛseloniǎ 2:12

È ɛ blěe dɛ miě ɛɛ wlòmo sɔnma nɛ̀ moo nyu wùɛ ɔ̈ see Nyesoaa kàan tuposàà ɛɛ tè kàan tè po, kɛɛ ɔ̈ kwɛnʼɛ plɔɔ bloblɛ keǒ dɛ kukǔ nunuɛ mɔ̀, ɔ mi na slè mumuɛɛ wun kɛn bɛɛ̌ba.

1 Pitɛ̌ 2:8

È kě Nyesoaa win dɛ̌ de i je, “Ɛmo Tiblěǒ Nɛ̀ nyopòo tìe mi bòba, è Nɛ̀ mi u wɔ̀ɔn le poba.” (Is 8.14) U se Nyesoaa win kàan tè po, ii tè u bò bojoɛɛ. Dɛǒ nɛ̀ moo Nyesoaa ble po dɛ keǒ u mɔ̀.

2 Pitɛ̌ 3:3

Klekle dɛ ba jboo le nɛ̀ moo klě kmɔ̌à ɛɛ demǒ bɔɔ̌ chnɛ̀ jlǒ wě wlòmo, nyopòà pee Nyesoa dɛ pà kɛn u miǎě diba, u nɛ uu chɛ̀ɛ noǎ kukwǐi jlajlǎ dɛ de.