Jɔ̀ɔ̌n 3:18 - Nyesoaa Kuo Win Jajle

¹⁸ Nyu wùɛ ɔ̈ mi Ɔɔ tè kàan tè poba ɔ se tè jɛɛa kɔn, kɛɛ nyu wùɛ ɔ̈ se Ɔɔ tè kàan tè po tè jɛɛa nɛ̀ neǒ ɔ kɛn ɛ̌ wɛ̀ mɔ̀le. Mɛ̌oǒ joo nɛ̀ moo ɔɔ̌ po Nyesoaa Jǔu doo tè kàan tè.

Jɔ̀ɔ̌n 3:18 ပူးပေါင်းရင်းမြစ်များ

Mǎkè 16:16

Nyu wùɛ ɔ̈ mi Něe tè kàan tè poba plě ɔ̈ mii ně dlǒ pooba nɔ̀ mi waba klě ɔɔ kpni kukwǐi plɔ tu kɛn bo maěa slè, kɛɛ nyu wùɛ ɔ̈ se Něe tè kàan tè poba mu, gbè sùesuɛ nɛ̀ neǒ ɔ kɛn ɛ̈ mooěe na slè.

Jɔ̀ɔ̌n 1:12

Kɛɛ nyopò wùɛ ü mi Ɔɔ jebo kmema plě ü mi Ɔɔ tè kàan tè poba, Ɔ mi u kpě nyema keǒ bu moo Nyesoaa jlǔ.

Jɔ̀ɔ̌n 1:18

Nyu wùɛ nɔ̀ sěɛlǎ Nyesoa jě, ɛ̀ sìnʼǒ Nyesoaa Jǔu do Ɔ̈ konwaě Ɔɔ Gbeǐ Nyesoa le Nɔ̀ tee Ɔ ämo.

Jɔ̀ɔ̌n 20:31

Wlòlekaen noǎà nì chleě le kělɔ chněedɛ̌ɔ wlòmo ɛ̈ di ɛɛ numa a mǐ Jùsuu tè kàan tè po ɛ̈ moo Nɔ̀ moo Nyesoaa Tentǎn Jǔ plě Ɔ̈ moo Nyesoaa Jǔ, è klě Ɔɔ nynɛ̌ɛ kàan tè popoɛǒ wlòmo a mi kmɔ̌ sie fònfno kɔnma.

Jɔ̀ɔ̌n 3:16

È nè wan gbà dɛǒ ɛɛ kɛ̀ɛn tùtuɛ nɛ̀ moo Nyesoa noɛɛ kmɔ̌ɔ nyopòà mǒ no chɔɔ dɔ̌, tèǒ nì kɔn tè Ɔ nyee Ɔɔ Jǔu do keǒ Bɔ moo äa kpni kukwǐi chɔ̀no ɛ̈ di ɛɛ numa nyu wùɛ ɔ̈ mi Ɔɔ tè kàan tè poba ɔɔ̌ di kǒ, kɛɛ ɔ miǎ kmɔ̌ sie fònfno kɔn.

Jɔ̀ɔ̌n 3:36

Nyu wùɛ ɔ̈ mii Nyesoaa Jǔu tè kàan tè poba ɔ kɔn kmɔ̌ sie fònfno, kɛɛ nyu wùɛ ɔ̈ se Ɔɔ tè kàan tè poba mu ɔ seǎ kmɔ̌ sie fònfno jěba mu, kɛɛ Nyesoaa jlo nɛ̀ kɔn bɛ neǒ ɔ kɛn tǐ wùɛ mɔ̀.”

Jɔ̀ɔ̌n 5:24

Kàan tèà Ě tmɛɛ̌ amo, nyu wùɛ ɔ̈ pe Mǒo nɔkǔ jebo plě ɔ̈ poo Nyuà dbo Mǒo Ɔɔ tè kàan tè ɔ kɔn kmɔ̌ siee fònfno. Ɔmo nyuǒ ɔ seǎ blilǐ mɔ̀ tùtuɛ kɔnma mu, ɔ sɔn lě kmɔ̌ sie kǒla mǒ ɔ̌ kɔn kmɔ̌ sie fònfno.

Jɔ̀ɔ̌n 6:40

Kòo, Ně Gbeǐ jlɛ̌ nyu wùɛ bɔ kɔn kmɔ̌ sie fònfno ɔ̈ jěe Jbɛjuu Jǔà plě ɔ̈ po Ɔɔ tè kàan tè, è klě demǒ bɔɔ̌ chnɛ̀ jlǒ waěǒ wlòmo Ɔ jlɛ̌ Mǒà Bo dǔǎ u jemǒ Bo sàlaě u kǒla mǒ.”

Jɔ̀ɔ̌n 6:47

È kàan tè nìà Ě boɛ a je, nyu wùɛ ɔ̈ po Něe tè kàan tè ɔ kɔn kmɔ̌ sie fònfno.

Wlǔmɔ 5:1

Äa Koɔn Jùsu Tentǎn Jǔ Nɔ̀ nu ɛ ɛ̌ wɔ̀le ɛ ä kɔn tè wlò popoɛ, nɛ̀ Nyesoa nyna kɛn bo Ɔ̌ nu ä jebo siǐn nyo mǒ. Tèǒ nì kɔn tè ně bo wnawna neǒ ä klee Nyesoa slè.

Wlǔmɔ 8:1

È dɛ äa wùɛ ä jboo le nɛ̀ moo nyopòà poo Jùsu Tentǎn Jǔu tè kàan tè, Nyesoa se u gbè sùeba mu.

Wlǔmɔ 8:34

Mɔ miǐ kɛ ä kokǒ wun kɛn bɛ̌ba? Tentǎn Jǔ Jùsu kǒ keǒ ä mɔ̀ plě ɛ se ɛɛ do, Nyesoa sàě Ɔ kǒla mǒ. È klě tǐà wlòmo Ɔ neeě Nyesoaa dilǎ son mɔ̀ bo Ɔ̌ bɛ̀te keǒ äa tè mɔ̀.

Hiblǔ 12:25

Ba jě lɛ ɛ̈ moo aa wlè biǐ jɛkɛ̌ keǒ ba po Nyesoaa win nɔkǔ jebo. Tǐǒ jleě Ɔ boɛa Ɔɔ winʼǒ klě kmɔ̌ mɔ̀, nyopòǒ je ü sea Ɔɔ nɔkǔ jebo po, Ɔɔ plɔɔ tu kɛn bo maěaǒ u sea ɛ je plùu lu. Bɛ̌ nu bä tbɛ Ɔ kɛn Ɔ̈à sèsɛɛ ämoo wlòmo jɔkɛnʼɛ tè, a mi plɔɔ tu kɛn bo maěa fòɛ kɔnma.

Hiblǔ 2:3

Ii tè bɛ̌ nu bä sà tuposà taeǒ nɔkǔ mǒ ɛ̈ kɔn tè boǎa jǐ ɛ̈ kwɛɛǒo äa wowa dɛ jleě mǒ bo, è ke ä wɔ̀le je bä nuǔ kɛ Nyesoaa plɔɔ tu kɛn bo maěa je plùua? Koɔn Jùsu Nɔ̀ moo klekle Nyu Ɔ̈ tmɔɔ̌ ɛɛ tè ämo plě nyopòà kɔn chɛ̀ poaǒo Jùsu wien nɔkǔ ǔ poo ɛ kòo kɛn keǒ ä mɔ̀.

Hiblǔ 3:19

Ii tè ä ji ɛle ɛ̈ moo dɛ kɔn tè u seaě ɛɛ wɔ̀ keǒ bu nynia lěe fɛla tùɔnʼǒ kɛn nɛ̀ moo u sea tè wlò popoɛ kɔn klě Nyesoa mǒ.

1 Jɔ̀ɔ̌n 3:23

Nyesoaa win Ɔ tmɛɛ̌ ämoo nì moo bä po Ɔɔ Jǔǒ Ɔɔ nynɛ̌ɛ tè kàan tè Ɔ̈ moo Tentǎn Jǔ Jùsu plě bä nonoɛɛ měne wòje keǒ Jùsu nu ämoo tmɔɔ̌a.

1 Jɔ̀ɔ̌n 4:9

Ke Nyesoa ni Ɔɔ mǒ noɛnoɛ teea keǒ ä mɔ̀ nɛ̀ moo Ɔ dbo Ɔɔ Jǔu do kělɔ kmɔ̌ɔ mɔ̀ ɛ̈ di ɛɛ numa ä mǐ kmɔ̌ sie fònfno kɔn klě Ɔ mǒ.

1 Jɔ̀ɔ̌n 5:10

nyu wùɛ ɔ̈ mi Ɔɔ Jǔu tè kàan tè poba, ɔ tmɛɛ̌ ɛ nyopò tùu, kɛɛ nyu wùɛà se lii kàan tè poba mu, ɔ jě Nyesoa mǒ sen. Mɛ̌oǒ joo nɛ̀ moo ɔ se dɛǒ kɔn sàse dɛ Ɔ nuu ɛɛ tè kàan tè po.

1 Jɔ̀ɔ̌n 5:12

Nyu wùɛà mii tè wlò popoɛ kɔnma klě Nyesoaa Jǔǒ mǒ, ɔ kɔn kmɔ̌ sie fònfno, kɛɛ nyu wùɛ ɔ̈ se ɛɛ kɔnma mu, ɔ se fònfnoǒ kɔn.