Jɔ̀ɔ̌n 3:17 - Nyesoaa Kuo Win Jajle

¹⁷ Nyesoa se Ɔɔ Jǔ dbo kělɔ kmɔ̌ɔ mɔ̀ keǒ Bɔ bɛ̌ nyopò kokǒ wun kɛn, kɛɛ keǒ Bɔ mǐ u gblà klě uu kpni kukwǐ slè.

Jɔ̀ɔ̌n 3:17 ပူးပေါင်းရင်းမြစ်များ

Matiɔ̌n 1:23

“A tanʼǒ leò, nyneju ɔ̈ see jbɛju tè ji ɔ miǎ kwlě mǒ nema, ɔ miǎ Jbɛjuju kɔn, u miǎ Ɔɔ nynɛ̌ Imanyùɛ daeba.” (Is 7.14) Imanyùɛ ɛ̈ sɛ̀nʼɛ nynɛ̌ Nyesoa Neeǒ Ä Mɔ̀. (Is 8.8)

Matiɔ̌n 18:10

Nɛ̀ kɔn tè ba gbɛ̀ɛ le ɛ̈ di ɛɛ numa aǎ di jlǔ klɔkwlěà dlǒ le jǎ. Mɛ kɔɔ̌n tèǒ joo nɛ̀ moo, Ě tmɛɛ̌ ane, uu najiǒpò neě jɔkɛn keǒ Ně Gbeǐ jemǒ tǐ wùɛ mɔ̀, è u wɔ̀ě ɛle keǒ bu wǒ a le keǒ Ɔ jemǒ.”

Matiɔ̌n 18:11

È dɛ tɛ̀ɛ Jùsu boɛa uu je nɛ̀à Ɔ je, “Jbɛjuu Jǔà Ɔ diě keǒ Ɔ mǐ nyopòà gblà u kpni kukwǐ kɔnʼɔ win kwa.

Lǔkù 19:10

Mǒ Jbɛjuu Jǔà Ě diě keǒ Bo mǐ nyopòà kpni kukwǐ kɔnʼɔ win kwa gblà.”

Lǔkù 9:56

Jbɛjuu Jǔà Ɔ slě di Ɔ mǐ tùonyopoo fònfno gbè sùe, kɛɛ keǒ Bɔ mǐ uu fònfno gblà.” È nùǒ muaě diě tɛ̀ɛ kɛn.

Jɔ̀ɔ̌n 1:29

Tà chnɛ̀ tɛ̀ɛ gbàlaa le, Jɔ̀ɔ̌n jěa Jùsu Ɔ̌ diaě ɔ mɔ̀, è kě ɔ dɛ̌a ɔ je, “A chèǒ bo, Nyesoaa Blajǔ Ɔ wɔ̀ɔ mɔ̀le keǒ chɔ̀no mɔ̀ keǒ kmɔ̌ɔ nyopòo kpni kukwǐi tè mɔ̀ Nɔ̀à.

Jɔ̀ɔ̌n 10:36

kɛɛ tà Nyesoa sà Mǒo Ɔ̈ dbo Mǒo kělɔ kmɔ̌ɔ mɔ̀ kělɔ a mɔ̀, a tmɛɛ̌ Mǒ ɛ̈ moo tà Ě je Ě moo Ɔɔ Jǔ, Ě pe Ɔ wan fla.

Jɔ̀ɔ̌n 11:42

Ě ji ɛle pèě jebo nɔkǔ tǐ wùɛ mɔ̀, è dɛà Ě boɛɛà Ě boɛ ɛle sosǒ keǒ nyopòà nynanàa tùɔnʼà kɛn bo mɔ̀ ɛ̈ di ɛɛ numa u mǐ i kàan tè po ɛ̈ moo Mò dbo Mǒ.”

Jɔ̀ɔ̌n 17:18

Keǒ nùu È dbo Mǒo kělɔ kmɔ̌ɔ mɔ̀, kě Ě nu Ě dbe ulu klě kmɔ̌ wlòmo ke.

Jɔ̀ɔ̌n 17:21

Ě bɛ̀tee le ɛ̈ di ɛɛ numa uu wùɛ u mǐ dɛɛ do nu. Ně Gbeǐ, keà nùu È neeě Mǒo mǒ plě Ě neeě Mòo mǒ, kě bu nu bu neeě Ä mǒ.

Jɔ̀ɔ̌n 17:23

Ě neeǒ u mɔ̀, È neeǒǒ mɔ̀. Nɛ bu nu dɛɛ do klě Ä mǒ kpǎkpǎ ɛ̈ di ɛɛ numa kmɔ̌ɔ nyopò mi ɛ ji ɛ̈ moo Mò dbo Mǒ plě Ě noɛɛ u mǒ keà nù Mǒo mǒ noɛɛa.

Jɔ̀ɔ̌n 17:25

Ně Jebo Siǐn Gbeǐ, kmɔ̌ɔ nyopòà u seè ji, kɛɛ Mǒà Ě jiì li plě nyopòà ǔ ji ɛ ɛ̈ moo Mò dbo Mǒ.

Jɔ̀ɔ̌n 17:3

Kmɔ̌ sie fònfnoo konkɔn nɛ̀ moo nyu bɔ ji Mò kàan Nyesoa Nè do plě klee Jùsu Tentǎn Jǔà dbòo.

Jɔ̀ɔ̌n 17:8

Mɛ̌oǒ joo nɛ̀ moo win pò Mǒo wan nì Ě tee u plě ǔ blě i kwa, tèǒ nì kɔn tè u ji ɛ sɛjesɛ ɛ̈ moo klě Ě sɔn lěè mɔ̀ mǒ plě ǔ po i kàan tè ɛ̈ moo Mò dbo Mǒ.

Jɔ̀ɔ̌n 20:21

È kě Jùsu dɛ̌a de Ɔ je, “Ně bo wnawna keǒ a mɔ̀. Klě tǐà wlòmo Ě dbe ale wòje keǒ Ně Gbeǐ nuu Ɔ̌ dbo Mǒo.”

Jɔ̀ɔ̌n 3:34

Nyesoa sàǒ Ɔɔ chɛ̀ɛ Sùsu Nɛ̀ Ɔ nye Nyuà Ɔ dboo Nɛ̀ jǐ Ɔ je, ii tè Ɔ boɛ dɛ Nyesoa boɛɛ.

Jɔ̀ɔ̌n 5:36

Kɛɛ konkwe fòeà Ně Gbeǐ nye Mǒo Bo nuu nì moo sàse fòɛ keǒǒ mɔ̀ ɛ̌ sìnʼǒ Jɔ̀ɔ̌n mǒ. Wlòlekaen noǎà Ě nii nì tee ɛ ɛ̈ moo Ně Gbeǐ Nɔ̀ dbo Mǒ.

Jɔ̀ɔ̌n 5:38

Ɔɔ winʼà a seǒ i bo tù. Mɛ̌oǒ joo nɛ̀ moo a se Nyuà Ɔ dboo Ɔɔ tè kàan tè po.

Jɔ̀ɔ̌n 5:45

Aǎ jě lɛ ɛ̈ moo Ě mi a tè jɛɛba klě Ně Gbeǐ mɔ̀. Mɔ̀sěà a kɔn lěe wlò je kunkuɛn mǒ nɔ̀ mi a tè jɛɛba.

Jɔ̀ɔ̌n 6:29

È Jùsu tùa u kɛ̀ɛn Ɔ je, “Nyesoaa konkwa Ɔ jlɛ̌ ba nuu nɛ̀ moo ba po Nyuà Ɔ dboo kělɔ a mɔ̀ Ɔɔ tè kàan tè.”

Jɔ̀ɔ̌n 6:38

Mɛ̌oǒ joo nɛ̀ moo Ě slě jɔkɛn mǒ sɔn keǒ Bo nu Ně chɛ̀ɛ kɛn wɔɔn dɛ, kɛɛ keǒ Bo nu Nyesoaà dbo Mǒo Ɔɔ dɛ Ɔ jlɛ̌.

Jɔ̀ɔ̌n 6:40

Kòo, Ně Gbeǐ jlɛ̌ nyu wùɛ bɔ kɔn kmɔ̌ sie fònfno ɔ̈ jěe Jbɛjuu Jǔà plě ɔ̈ po Ɔɔ tè kàan tè, è klě demǒ bɔɔ̌ chnɛ̀ jlǒ waěǒ wlòmo Ɔ jlɛ̌ Mǒà Bo dǔǎ u jemǒ Bo sàlaě u kǒla mǒ.”

Jɔ̀ɔ̌n 6:57

Keà ɛ nuu Ně Kmɔ̌ Ne Gbeǐ dbo Mǒo plě Ě nee kmɔ̌ keǒ Ɔɔ tè mɔ̀, dɛɛ doǒ nɛ̀ ɛ mono, nyu wùɛ ɔ̈ mi Mǒo diba ɔ mi kmɔ̌ nema keǒ Ně tè mɔ̀.

Jɔ̀ɔ̌n 7:29

Klě Ɔ mɔ̀ Ě sɔnʼě mǒ, Nɔ̀ dbo Mǒ, ii tè Ě ji Ɔlo.”

Jɔ̀ɔ̌n 8:11

È ɔ tùa Ɔ kɛ̀ɛn ɔ je, “Uuǔn, Koɔn.” È kě Jùsu dɛ̌a ɔ je Ɔ je, “Ně chɛ̀à Ě seè kokǒ wun kɛn bɛ̌ba mu, kɛɛ mu, nè niǎ kɛ̀ kpni kukwǐ de.”

Jɔ̀ɔ̌n 8:42

È kě Jùsu dɛ̌a u je Ɔ je, “Bɛ̌ nu sɛjesɛ Nyesoa Bɔ̌ moo aa Gbeǐ, è a mii Mǒ mǒ noɛɛma. Mɛ̌oǒ joo nɛ̀ moo Nɔ̀ kɔn mɔ̀ Ě sɔnʼě mǒ Ě neà tàa. Ě slě di keǒ Ně chɛ̀ mɔ̀, kɛɛ Nɔ̀ dbo Mǒ.

1 Jɔ̀ɔ̌n 2:2

Jùsuu chɛ̀ Nɔ̀ sàe äa kpni kukwǐi tùgba, ɛ̈ see äa kpni kukwǐi do, kɛɛ keǒ nyopò wùɛɛ kpni kukwǐ mɔ̀ ü neɔɔ kmɔ̌ɔ mɔ̀ ke.

1 Jɔ̀ɔ̌n 4:14

Äa chɛ̀ ä jě Nyesoaa Jǔǒ lo plě ä moo sàsepo keǒ nyopò tùu mɔ̀ ɛ̈ moo Nyesoa Ɔ̈ moo äa Gbeǐ Ɔ dbo Ɔɔ Jǔ Ɔ mǐ tùonyopo gblà klě uu kpni kukwǐi plɔ tu kɛn bo maěa bobo.