Jɔ̀ɔ̌n 3:16 - Nyesoaa Kuo Win Jajle

¹⁶ È nè wan gbà dɛǒ ɛɛ kɛ̀ɛn tùtuɛ nɛ̀ moo Nyesoa noɛɛ kmɔ̌ɔ nyopòà mǒ no chɔɔ dɔ̌, tèǒ nì kɔn tè Ɔ nyee Ɔɔ Jǔu do keǒ Bɔ moo äa kpni kukwǐi chɔ̀no ɛ̈ di ɛɛ numa nyu wùɛ ɔ̈ mi Ɔɔ tè kàan tè poba ɔɔ̌ di kǒ, kɛɛ ɔ miǎ kmɔ̌ sie fònfno kɔn.

Jɔ̀ɔ̌n 3:16 ပူးပေါင်းရင်းမြစ်များ

Matiɔ̌n 9:13

Ba mu a mǐ ɛ chěn dɛ Nyesoaa win sɛ̀nʼɛ nynɛ̌ keǒ ɛ mɔ̀ ɛ̈ moo, ‘Mǒ Nyesoa Ě jlɛ̌ nyopò bu kɔn wɔle keǒ nyopò tùu mɔ̀, ɛ̈ see bu pieě chɔ̀no je.’ (Hos 6.6) Tèǒ nì kɔn tè Ě seɔ kmɔ̌ɔ mɔ̀ di keǒ Boǒ da jebo siǐn nyo u mǐ uu wlè bo bitǐ, kɛɛ Ě diě keǒ Bo da kpni kukwǐ nyo u mǐ uu wlè bo bitǐ.”

Mǎkè 12:6

È nyuu do ɔ̈ sia kɛ̀ǒo nɔ̀ mooa ɔɔ chɛ̀ɛ jbɛjuju ɔ̈ ɔ noɛɛaa mǒ chɔɔ, nɔ̀ klě demǒ bɔɔ̌ tǐ wlòmo ɔ dboa klě u mɔ̀. È kě ɔ dɛ̌a ɔ je, ‘Bɛ̌ nu bǔ jě ně jǔà u miǒ ɔ tùba.’

Lǔkù 2:14

“Tè jǐ boaboǎ keǒ Ja Tmɔ Nyesoa mɔ̀! Ně bo wnawna keǒ kmɔ̌ ne tùonyopo mɔ̀ ü Ɔɔ plɔ bloo loo kɛn!”

Jɔ̀ɔ̌n 1:14

Win beaě tùonyu tǔn wlòmo Ɔ̌ nea nɔ ä slè klě tǐ gbei wlòmo. Tà Ɔ neěa jèɔ ämoo slè, ä jěa Ɔɔ tè jǐ boaboǎ ɛ̈ Ɔ kɔnaa wòje Ɔɔ Gbeǐ Nyesoaa Jǔu do. Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ plě Ɔ̌ tmɛɛ̌ ä kàan dɛ.

Jɔ̀ɔ̌n 1:18

Nyu wùɛ nɔ̀ sěɛlǎ Nyesoa jě, ɛ̀ sìnʼǒ Nyesoaa Jǔu do Ɔ̈ konwaě Ɔɔ Gbeǐ Nyesoa le Nɔ̀ tee Ɔ ämo.

Jɔ̀ɔ̌n 1:29

Tà chnɛ̀ tɛ̀ɛ gbàlaa le, Jɔ̀ɔ̌n jěa Jùsu Ɔ̌ diaě ɔ mɔ̀, è kě ɔ dɛ̌a ɔ je, “A chèǒ bo, Nyesoaa Blajǔ Ɔ wɔ̀ɔ mɔ̀le keǒ chɔ̀no mɔ̀ keǒ kmɔ̌ɔ nyopòo kpni kukwǐi tè mɔ̀ Nɔ̀à.

Jɔ̀ɔ̌n 10:28

Ě nye u kmɔ̌ sie fònfno, tèǒ nì kɔn tè u seǎ gbè sùe kpe plě nyu slě uǔ kwete mǒ sàba mu.

Jɔ̀ɔ̌n 3:15

ɛ̈ di ɛɛ numa nyu wùɛ ɔ̈ mi Ɔɔ tè kàan tè poba ɔ mǐ kmɔ̌ sie fònfno kɔn.

Jɔ̀ɔ̌n 3:18

Nyu wùɛ ɔ̈ mi Ɔɔ tè kàan tè poba ɔ se tè jɛɛa kɔn, kɛɛ nyu wùɛ ɔ̈ se Ɔɔ tè kàan tè po tè jɛɛa nɛ̀ neǒ ɔ kɛn ɛ̌ wɛ̀ mɔ̀le. Mɛ̌oǒ joo nɛ̀ moo ɔɔ̌ po Nyesoaa Jǔu doo tè kàan tè.

Jɔ̀ɔ̌n 3:36

Nyu wùɛ ɔ̈ mii Nyesoaa Jǔu tè kàan tè poba ɔ kɔn kmɔ̌ sie fònfno, kɛɛ nyu wùɛ ɔ̈ se Ɔɔ tè kàan tè poba mu ɔ seǎ kmɔ̌ sie fònfno jěba mu, kɛɛ Nyesoaa jlo nɛ̀ kɔn bɛ neǒ ɔ kɛn tǐ wùɛ mɔ̀.”

Jɔ̀ɔ̌n 6:40

Kòo, Ně Gbeǐ jlɛ̌ nyu wùɛ bɔ kɔn kmɔ̌ sie fònfno ɔ̈ jěe Jbɛjuu Jǔà plě ɔ̈ po Ɔɔ tè kàan tè, è klě demǒ bɔɔ̌ chnɛ̀ jlǒ waěǒ wlòmo Ɔ jlɛ̌ Mǒà Bo dǔǎ u jemǒ Bo sàlaě u kǒla mǒ.”

Wlǔmɔ 5:10

Tǐǒ jleě ä mooa Nyesoaa jlae nyo, Ɔ̀ nu ä mǒ Ɔɔ nenawa ɛ̈ diiěe Ɔɔ Jǔ Jùsuu kokoɛ̌ mǒ. Klě tǐà wlòmo ä moo Ɔɔ mɔ̀niapo ii tè ä ji ɛle sɛjesɛ ɛ̈ moo Ɔɔ Jǔ mi ä waba klě Ɔɔ chɛ̀ɛ fònfno mǒ.

Wlǔmɔ 5:8

Kɛɛ tà ä neěa jè lěe kpni kukwǐ slè, Tentǎn Jǔ kǒa keǒ ä mɔ̀. Klě ɛmoǒ mǒ klě Nyesoa pooě Ɔɔ mǒ noɛnoɛ fòɛ pepě mǒ keǒ ä mɔ̀.

Wlǔmɔ 8:32

Bɛ̌ nu Bɔ̌ sea Ɔɔ chɛ̀ɛ Jǔ son kɛn bo mǎ, kɛɛ Bɔ̌ nyea Ɔ ämo Bɔ̌ kǒa keǒ äa wùɛ mɔ̀, è ke a je Ɔ slě wɔ̀ Bɔ poǒ kɛ Ɔ klee ämoo sɔ̌n ngmna mɔ̀ keǒ noǎ wùɛ Ɔ kɔnʼɔ mɔ̀?

Ifisiɛ̌n 2:4

Kɛɛ Nyesoa kɔn wɔle je jbojbɛ chɔɔ plě Ɔ̌ noɛɛ ä mǒ chɔɔ dɔ̌,

2 Tɛseloniǎ 2:16

Äa Koɔn Jùsu Tentǎn Jǔ klee äa Gbeǐ Nyesoa noɛɛ ä mǒ no plě Ǔ kɔn Uu wlòo jlajlǎ dɛ ɛ̈ɛ̌ sà Uu wlò kǔ mǒ keǒ ä mɔ̀. Ii tè U mii nya Ǔ pe ä kbě ja le klee Ǔ nye ä kàan wlò je kunkuɛn.

Taetɔ̌ 3:4

Kɛɛ Nyesoa Ɔ̈ moo äa Wowa Nyu Nɔ̀ po Ɔɔ kàan wlò klee mǒ noɛnoɛ pepě mǒ keǒ ä mɔ̀

Hiblǔ 2:9

Kɛɛ ä ji Jùsu Ɔ̈ Nyesoa tìeaa ja najiǒpòo tè sìnʼaǒo mǒ dɛ gbee, klě tǐà wlòmo Nyesoa nye Ɔ tè jǐ boaboǎ klee bo tùtuɛ keǒ sònwɛǒ Ɔ jěaa mɔ̀ Ɔ̌ kǒaa. Nyesoaa wlòo jlajlǎ dɛà Ɔ kɔnʼɔ ɛ̈ɛ̌ sà Lɔɔ wlò kǔ mǒ keǒ ä mɔ̀ nɛ̀ kɔn tè Jùsu koǒaǒ nyu wùɛɛ tà.

1 Jɔ̀ɔ̌n 3:1

Ba jě ke äa Gbeǐ Nyesoa nu ämoo mǒ noɛɛa, dɛǒ nɛ̀ nu ɛ Ɔ̌ dɛɛ ä Ɔɔ jlǔ. Dɛǒ nɛ̀ ä mono! Dɛ kɔn tè dɛ kukǔ nyoǒ neěe kmɔ̌ wlòmo uǔ kme ämoo jebo nɛ̀ moo uǔ kme Nyesoa jebo.

1 Jɔ̀ɔ̌n 4:19

Nyesoa Nɔ̀ moo klekle Ɔ noɛɛ ä mǒ, ii tè bä noɛɛ Ɔ mǒ.

Wlɛ̀velesɔ̌n 1:5

klee klě Jùsu Tentǎn Jǔ mɔ̀ Ɔ̈ moo wlò kpae Sàse klee klekle Nyu Ɔ̈ sàeěe kǒla mǒ plě Ɔ̈ kɔnʼɔ klɔ̀bapoo wùɛ win kwa ü neɔɔ blǒɔ mɔ̀. Bìsea keǒ Jùsu mɔ̀ keǒ Bɔ di ä mǒ noɛɛ ne Bɔ di ä kpni kukwǐi plɔ tu kɛn bo maěe dbǔ mɔ̀ bɛ̌ ɛ̈ Ɔɔ kokoɛ̌ nuu.