Jɔ̀ɔ̌n 3:13 - Nyesoaa Kuo Win Jajle

¹³ È ɛɛ tee dɛ nɛ̀ moo nyu wùɛ nɔ̀ sěɛlaě jɔkɛn mi, ɛ̀ sìnʼǒ Jbɛjuu Jǔu doà Ɔ̈ sɔn lěe Jɔkɛn mǒ Ɔ̈ diɔɔ wɔ̀ɔn.

Jɔ̀ɔ̌n 3:13 ပူးပေါင်းရင်းမြစ်များ

Matiɔ̌n 28:20

plě ba tee u bu tùǒ noǎ wùɛà ble ï Ě tee amoo. È bi beě a wlòmo ɛ̈ moo Ě kɔn Boǒ neeě a mɔ̀ tǐ wùɛ mɔ̀, ɛ mǐ ɛ kpa kpa ɛ miǎ kmɔ̌à ɛɛ dlǒ chlɛ̀chlɛ kɛn jɛɛ le, kě bɛ ne.”

Matiɔ̌n 8:20

È Jùsu tɛ̀na ɔ mǒ kě Ɔ dɛ̌a Ɔ je, “Totǒgbea kɔn bǐtìi i tǐnʼěe wan plě noeà neěe jɔ mǒ i kɔn dlě, kɛɛ Jbɛjuu Jǔà Ɔ se pɛna kɔn.”

Jɔ̀ɔ̌n 1:18

Nyu wùɛ nɔ̀ sěɛlǎ Nyesoa jě, ɛ̀ sìnʼǒ Nyesoaa Jǔu do Ɔ̈ konwaě Ɔɔ Gbeǐ Nyesoa le Nɔ̀ tee Ɔ ämo.

Jɔ̀ɔ̌n 13:3

Jùsu jia ɛle ɛ̈ moo Ɔɔ Gbeǐ poaě Ɔ noǎ wùɛ kwete mǒ Ɔ̌ jia lɛ de ɛ̈ moo Ɔ sɔnaě mǒ Gbeǐ mɔ̀ plě Ɔ̌ mia de klě Ɔ mɔ̀.

Jɔ̀ɔ̌n 17:5

Ně Gbeǐ, klě tǐà wlòmo nyeě tè jǐ boaboǎ keǒ Nè chɛ̀ jemǒ, tè jǐ boaboǎà Ě kɔnaa plě kmɔ̌à ɛ mǒaa wlò tùu lu.

Jɔ̀ɔ̌n 3:12

Bɛ̌ nu Bo ke a kmɔ̌ mɔ̀ noǎa tè tmɛɛ̌ ne baǎ po lii tè kàan tè, è Bo ke a Nyesoaa Sùsuu noǎa tè tmɛɛ̌ ne, è ke tae a miǐ kɛ ii tè kàan tè popoɛ numa?

Jɔ̀ɔ̌n 3:31

Nyuà sɔn lěe jɔkɛn mǒ Ɔɔ tè kma chɔɔ ǐ sìnʼǒ nyu wùɛ mǒ. Nyopòà sɔn nɔɔ kmɔ̌ mɔ̀ mǒ u moo kmɔ̌ɔ nyopò, u boɛɛ kmɔ̌ɔ noǎa tè kɛn. Nyuà sɔn lěe jɔkɛn mǒ Nɔ̀ kɔn tè kma ï sìnʼǒ nyopò wùɛ mǒ.

Jɔ̀ɔ̌n 6:33

Nyesoaa Kou Nɛ̀ moo Nyuà Ɔ̈ sɔn lěe jɔkɛn mǒ Ɔ̈ nye nee kmɔ̌ sie fònfno keǒ nyopò wùɛ mɔ̀.”

Jɔ̀ɔ̌n 6:38

Mɛ̌oǒ joo nɛ̀ moo Ě slě jɔkɛn mǒ sɔn keǒ Bo nu Ně chɛ̀ɛ kɛn wɔɔn dɛ, kɛɛ keǒ Bo nu Nyesoaà dbo Mǒo Ɔɔ dɛ Ɔ jlɛ̌.

Jɔ̀ɔ̌n 6:42

Ii tè u gbògbɛɛa wan le u je, “Ɛ se kɛ Jùsuà Ɔ̈ moo Jòsɛ̌foo Jǔ le? Ä se kɛ Ɔɔ naǎ klee gbeǐ ji le? È ke Ɔ wɔ̀ je Bɔ nuǔ kɛ ämo tmɔɔ̌a ɛ̈ moo Ɔ sɔnʼě mǒ jɔkɛn?”

Jɔ̀ɔ̌n 6:46

Ɛmoǒ ɛ se ɛ nynɛ̌ sɛ̀n ɛ̈ moo nyu wùɛ nɔ̀ jě Ně Gbeǐ, ɛ̀ sìnʼǒ Mǒà sɔnʼě Ɔɔ mɔ̀ mǒ Mǒ jě Lɔ.

Jɔ̀ɔ̌n 6:51

Mǒ moo Kou Ɛ̈ sɔn lěe jɔkɛn mǒ Ɛ̈ nyee nyopò fònfno. Nyu wùɛ ɔ̈ mi Ɛɛ diba ɔ mi kmɔ̌ nema tǐ wùɛ mɔ̀. Ně fǒà nɛ̀ moo kou Ě mi nyema ɛ̈ di ɛɛ numa nyopòà neɔ kmɔ̌ɔ mɔ̀ u mǐ kmɔ̌ sie fònfno kɔn.”

Jɔ̀ɔ̌n 6:62

È bɛ̌ nu bǎ jě Jbɛjuu Jǔà Bɔ̌ mu kɛ jɔkɛn de klě tà Ɔ ne pnɔ lěe lèe? Deě plě a mǐ Ně tè kàan tè po?

Jɔ̀ɔ̌n 8:42

È kě Jùsu dɛ̌a u je Ɔ je, “Bɛ̌ nu sɛjesɛ Nyesoa Bɔ̌ moo aa Gbeǐ, è a mii Mǒ mǒ noɛɛma. Mɛ̌oǒ joo nɛ̀ moo Nɔ̀ kɔn mɔ̀ Ě sɔnʼě mǒ Ě neà tàa. Ě slě di keǒ Ně chɛ̀ mɔ̀, kɛɛ Nɔ̀ dbo Mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:34

Dèběsee chɛ̀ seaě jɔkɛn mu plě sɛjesɛ ɔ sea ɔɔ chɛ̀ nynɛ̌ sɛ̀n, kɛɛ kě ɔ dɛ̌a ɔ je, ‘Kě Nyesoa dǎ ně Koɔn je Ɔ je, “Neeàǎ dilǎ son mɔ̀ bo

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:28

A tù aa chɛ̀ jǐ mɔ̀ a mǐ aa bǐì Tentǎn Jǔu wǎn jǐ mɔ̀ tù ü Ngmà Ne Je Sùsu poě amoo kwete mǒ ba tùu jǐ mɔ̀. Ba moo jǐ mɔ̀ tù nyo keǒ Tentǎn Jǔu wǎn mɔ̀ ü Nyesoa nu Ɔɔ chɛ̀ɛ nyopò mǒ keǒ Ɔɔ Jǔu kokoɛ̌ kɛn.

Wlǔmɔ 10:6

Kɛɛ dɛà nɛ̀ ɔ boɔ keǒ nyu bɔ siǐnʼǒ jebo klě tè wlò popoɛ mǒ ɔ je, “Nè dɛ̌ bò klě dìe wlò jleě ɛ̈ moo, ‘Mɔ miě jɔkɛn muma?’ ” Ɛ̈ sɛ̀nʼɛ nynɛ̌ mɔ miěe Tentǎn Jǔ jaba keǒ Bɔ sɛ̀ɛ ä mǒ.

1 Kwnɛtiɛ̌ 15:47

Nyesoa nua fnò ɔ̌ nua nyane jbɛju. Sɔ̌n nonɔ Jbɛju moo Koɔn Ɔ̈ sɔnaěe jɔkɛn mǒ.

Ifisiɛ̌n 1:23

ü moo Ɔɔ fǒ plě ü moo Ɔɔ jele wèwɛ Ɔ̈ wɔ̀ lěe noǎ wùɛ jele klě tà wùɛ.