Jɔ̀ɔ̌n 20:9 - Nyesoaa Kuo Win Jajle

⁹ È u sěɛɛ̌a jè dɛǒ le jbe kaǒ ɛ̈ dɛ̌ bòo klě Nyesoaa win wlòmo ɛ̈ moo, Ɔ blɛɛ je Bɔ dǔa jemǒ Bɔ sɔnaě kǒla mǒ.

Jɔ̀ɔ̌n 20:9 ပူးပေါင်းရင်းမြစ်များ

Matiɔ̌n 22:29

È Jùsu tùa u kɛ̀ɛn Ɔ je, “Nyesoaa winʼà a se i ji plě a seǒ Ɔɔ kpě dɛ kɛn ji, ii tè aa dlǒ mɔ̀le sìɛnʼɛ dɛ ɛ kan ne.

Lǔkù 24:26

A je ɛ se kɛǒ je blɛɛ le keǒ Nyesoaa Tentǎn Jǔ Bɔ jě sònwɛ taeǒ plě Ɔ miǎě Ɔɔ tè jǐ boaboǎ wlòmo bee?”

Lǔkù 9:45

Kɛɛ Ɔɔ mɔ̀ cheěn nyo sea dɛ Ɔ sɛ̀nʼaa nynɛ̌ ji. Mɛ̌oǒ joo nɛ̀ moo Nyesoa wɛɛ̌a lɛ u jǐ kɛn. Dɛǒ nɛ̀ nua nɛ uǔ jboa dɛǒ Ɔ sɛ̀nʼaa nynɛ̌ le plě u pea fano keǒ bu gbàla ɔ wan.

Jɔ̀ɔ̌n 2:22

Tèǒ nì kɔn tè tà Nyesoa dǔaa Jùsu jemǒ Ɔ sɔna lěe kǒla mǒ, è i beaě Ɔɔ mɔ̀ cheěn nyo mǒ wlò ɛ̈ moo Ɔ boɔa tèà le, ii tè uu Nyesoa winʼi tè kàan tè popoɛ klee tè wùɛ Ɔ boɔa uu je i beea le kɛn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:3

ɔ̌ sèsɛɛa ɛ kɛn le plě ɔ̌ pea ɛ pepě mǒ ke ɛ nuaǒo le wɛɛnʼa Tentǎn Jǔ Bɔ jěaa sònwɛ plě Bɔ dǔaa jemǒ Bɔ sɔna lěe kǒla mǒ, kě ɔ dɛ̌a ɔ je, “Jùsuà kɔn tè Ě dǔa amoo tmɔɔ̌a mǒ Nɔ̀ moo Tentǎn Jǔ Ɔ̈ a pɛ̀n pnɔɔ snǔ mɔ̀le!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:24

kɛɛ Nyesoa dǔa Ɔ jemǒ Ɔ̌ gblàlaě Ɔ kokoɛ̌ɛ chnechně noǎa slè. Ɛ slě ɛ wɔ̀ bo kokoɛ̌ bɛ di Ɔ kwa blě.

1 Kwnɛtiɛ̌ 15:4

È u tùa Ɔ bo plě Nyesoa dǔa Ɔ jemǒ klě chnɛ̀ jlǒ wěe tan nenɛ wlòmo keǒ Nyesoaa win dɛ̌ɛ.