Jɔ̀ɔ̌n 20:1 - Nyesoaa Kuo Win Jajle

¹ Ɛ mooa Sɔ̌ndee kènta gbìi tà kwijlě ngmně neěa jè lěe plomǒ, Mɛwlě Mɛkɛniì diaě klě sɛklɛ bǐtìe wien ɔ̌ jěa seɔ̌ǒ ɛ̌ sɔnaǒ bǐtìe wien mǒ.

Jɔ̀ɔ̌n 20:1 ပူးပေါင်းရင်းမြစ်များ

Matiɔ̌n 27:56

Klě nynoǒ slè klě Mɛwlě Mɛkɛniì nea lě klee Mɛwlě ɔ̈ monoo Jìmǐse klee Jòsɛ̌foo naǎ plě Sɛbɛ̀dii jlǔu naǎ.

Matiɔ̌n 27:60

è Nɔ̀ǒ ɔ dǔa mǒ ɔ kpalaě ɔɔ chɛ̀ɛ sɛklɛ bǐtìe jajlo wan ɛ̈à ɔ nua ɔɔ nyopò u blǔaa klě seɔ̌ wlòmo keǒ ɔɔ chɛ̀ mɔ̀. U gblìseea seɔ̌ fòɛ měne ǔ kana bǐtìeǒ je, è nùǒ mua.

Matiɔ̌n 27:64

Tèǒ nì kɔn tè tmɔɔ̌ nè tabɔ̀ bu tù sɛklɛ bǐtìeǒ jbooa u mǐ ɛ jǐ mɔ̀ tù klě chnɛ̀ jlǒ wěe tan wlòmo, nɛ̀ bɛ̌ se nu Ɔɔ mɔ̀ cheěn nyo kɔn bu diě u mǐ Ɔɔ blǒ fǒǒ jlǐ, u mǐ nyopò tmɔɔ̌ no ɛ̈ moo, ‘Ɔ dǔ mǒ je.’ È senʼǒ i miǒ le sìnma i miǒ ii nyane noǎǒ Ɔ tmɛ̌aa mǒ sìn.”

Matiɔ̌n 27:66

Kě u nua mumuɛ ǔ tùa bǐtìeǒ jbooa plě ǔ tùaǒ tabɔ̀ bo.

Matiɔ̌n 28:1

Tà Nyesoaa defɛ chnɛ̀ jlǒ waěǒ moo Sɛ̌ɛ̀de ɛ sìnʼaa, Sɔ̌ndee kènta gbìi Mɛwlě Mɛkɛniì klee Mɛwlě tɔ̀ɔ nù muaě sɛklɛ bǐtìeǒ wien bo chèba.

Matiɔ̌n 28:2

Klě jǐ kapǒ ka wlòmo, è blǒ nɛ̀ǒ sèkea u bobo klě kpě kɛne tǔn wlòmo. Mɛ kɔɔ̌n tèǒ joo nɛ̀ moo Nyesoaa najiǒpòi nɔ̀ sɔnaě jɔkɛn mǒ ɔ̈ dia lě ɔ̈ gblìseea seɔ̌ǒ měne ɔ̈ sàlaǒ ɛ sɛklɛ bǐtìeǒ wien ɔ̌ nea ɛ kɛn bo.

Mǎkè 15:46

È Jòsɛ̌fo tɔ̀na jǐlenmɔ dalo u sɛ̀ɛǒo kǔ ɔ̌ dǔa kokǒ fǒǒ mǒ ɔ̌ sàlaǒ ɛ pète bɛ̌ tu jleě ɔ̌ finfiɛ̌ɛa ɛ daloǒ ɔ̌ kpala ɛ klě sɛklɛ bǐtìe wan ɛ̈ ɔ blǔaa klě seɔ̌ wlòmo, klě ɔ tùaě Ɔ bo. U gblìseea seɔ̌ fòɛ měne ǔ kana bǐtìeǒ je.

Mǎkè 16:9

Tà Jùsu dǔaa jemǒ klě Sɔ̌ndee kènta gbìi wlòmo, klekle nyu Ɔ woǒa je nɔ̀ moo Mɛwlě Mɛkɛniì ɔ̈ Ɔ sàla lěe kǔ sìsii nyiɛta ja.

Jɔ̀ɔ̌n 11:38

Tà Jùsu nyniaǒo sɛklɛ bǐtìe wien, è Ɔɔ wlò tutuǒa bo de. Bǐtìeǒ u kaenʼa ɛ je seɔ̌ fòɛ.

Jɔ̀ɔ̌n 11:41

Ii tè ǔ sàlaǒ seɔ̌ǒ keǒ bǐtìeǒ wien. È Jùsu chèaě jɔ mǒ bo, kě Ɔ dɛ̌a Ɔ je, “Ně Gbeǐ, Ě peè tàto Bò di Ně win wɔ̌n tǐ wùɛ mɔ̀.

Jɔ̀ɔ̌n 19:25

Jùsuu naǎ klee Ɔɔ naǎa mamǔ nyneju klee Mɛwlě ɔ̈ mooa Klopàa nynɔ plě klee Mɛwlě Mɛkɛniì nù nynanaǒ pète bɛ̌ tuǒ gbàa bo.

Jɔ̀ɔ̌n 20:26

Tà wǐki waěe do sìnʼaa, è Ɔɔ mɔ̀ cheěn nyo bòa le de klě koǔǒ bo, Tɔmɔ̌se neaě u slè le. U poaǒ chnia le ǔ gbàla i. È Jùsu wǒaě u slè Ɔ̌ nynana bo, kě Ɔ dɛ̌a Ɔ je, “Ně bo wnawna keǒ a mɔ̀.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:7

Tà ɛ nuaa Sɛ̌ɛ̀dee wìtie, ä bòa le ä mǐa Koɔnʼɔ wìti didi dɛ di. Ke ɛ toon jleě mǒ bo Pɔ̀ɔ̌ miaa muma bo chnɛ̀ bɛ̌ gbàlaa le, ɔ boɔa nyopòǒ Nyesoaa win je boɔ boɔ tòto wuleea kɛn mǒ.

1 Kwnɛtiɛ̌ 16:2

Keǒ Nyesoaa defɛ chnɛ̀ jlǒ waě wùɛ mɔ̀, wlěǒ aa nyu wɔ̀lee tentɛ̌n bɔ jaě i a mǐ i bo tù ɛ̈ di ɛɛ numa bo diě aǎ dii kɛ wlě tìi tɛ̌n.

Wlɛ̀velesɔ̌n 1:10

Koɔnʼɔ defɛ chnɛ̀ jlǒ waě tɛ̀ɛ mɔ̀ ɛ̈ moo Sɛ̌ɛ̀de, Nyesoaa Sùsu Nɛ̀ bea lěě ja. È Ě wɔ̌na win ï pnɛ̌aa le klěě demǒ wòje keà nokpa boɛaa,