Jɔ̀ɔ̌n 2:4 - Nyesoaa Kuo Win Jajle

⁴ Kɛɛ Jùsu tùa ɔ kɛ̀ɛn Ɔ je, “Ně naǎ, nè si kɛǒ ɛɛ̌ mɔ̀le? Ɛ sěɛɛ̌ jè Ně tǐ ni.”

Jɔ̀ɔ̌n 2:4 ပူးပေါင်းရင်းမြစ်များ

Matiɔ̌n 15:28

È kě Jùsu dɛ̌a ɔ kɛ̀ɛn tùtuɛ Ɔ je, “Nynɔ, nè tè wlò popoɛ kun dɔ̌, ii tè keǒ ni ɛɛ jlajlǎ nɛ̀ bɛ moo no keǒò mɔ̀.” Sɔɔnʼaǒ tǐǒ jleě mǒ è nynɔǒ ɔɔ nynejuju nɔ̀ǒ kɔn kwɛ̌ bɔ̌a dɛ.

Matiɔ̌n 8:29

Tà u jboaa Jùsu, u pnɛ̌a dɛ jleě le u je, “Nyesoaa Jǔ, mɛ jlɛ̀ Bò nuǔ kɛ ä mǒ? Dì kɛɛ̌ le Mì ä sònwɛ tù plě tǐ miǒ nyni le?”

Lǔkù 2:49

È Ɔ gbàla u wan Ɔ je, “Mɛ kɔɔ̌n tè a pɛ̀ɛ̌n kɛ Mǒ le? A see kɛ i ji ɛ̈ moo Ě kɔn Boǒ neeɔ Ně Gbeǐi koǔ bo keǒ Bo nu Ɔɔ konkwa le?”

Jɔ̀ɔ̌n 12:23

Jùsu tùa u kɛ̀ɛn Ɔ je, “Tǐ nyniǒ no keǒ Jbɛjuu Jǔà Bɔ beě tè jǐ boaboǎ wlòmo.

Jɔ̀ɔ̌n 13:1

Plě Dlǒ Mǒ Sìin Didi Dɛɛ de ngmně tǐ mǐaǒ nyni, Jùsu jia ɛle ɛ̈ moo tǐ nyniaǒ no keǒ Bɔ sɔna nɔ kmɔ̌ɔ mɔ̀ mǒ Bɔ mua de klě Ɔɔ Gbeǐ mɔ̀. Ɔ noɛɛa nyopòà neɔɔ kmɔ̌ɔ mɔ̀ mǒ no ü Ɔ kɔnʼɔ Ɔ̌ noɛɛ u mǒ kaǒ ɛ miǎ kmɔ̌ɔ dlǒ chlɛ̀chlɛ kɛn jɛɛ le.

Jɔ̀ɔ̌n 2:3

Tà nmɔ wùɛ ɛ wɛ̀a lěe, Jùsuu naǎ tmɔɔ̌a Nɔ ɔ je, “Uu nmɔ wɛ̀ɛ le.”

Jɔ̀ɔ̌n 20:13

U gbàla Mɛwlě wan u je, “Nynɔ, mɛ kɔɔ̌n tè fìǐn kɛ?” È ɔ tùa u kɛ̀ɛn ɔ je, “U kpa ně Koɔn no, u sà Lɔɔ tàà le, tà u kpaǒ Ɔɔ Ě seǒ ji.”

Jɔ̀ɔ̌n 20:15

È Jùsu gbɛ̀a ɔ wan Ɔ je, “Nynɔ, mɛ kɔɔ̌n tè fìǐn kɛ? Mɔ pɛ̀ɛ̌n kɛ le?” Mɛwlě jěa lɛ ɛ̈ moo ɛ mooa bòǒ ɛɛ konkɔn nyu Ɔ̌ boɛaě ɔ mɔ̀, ii tè kě ɔ dɛ̌a Ɔ je ɔ je, “Kunkunyɔ, bɛ̌ tù Mò Bò kpa Lɔ, è Bò sèsae leě wlòmo tàǒ kpàǒ Ɔɔ ɛ̈ di ɛɛ numa Ě mǐ Ɔ kpa.”

Jɔ̀ɔ̌n 7:30

Tà u wɔ̌na imoo tèǒ, u jlɛ̌ bu kmea Nɔ, kɛɛ ɛ sěɛɛ̌la jè tǐ ni keǒ bu kmea Nɔ, ii tè nyu wùɛ nɔ̀ sea Ɔ le tǒ.

Jɔ̀ɔ̌n 7:6

Ii tè kě Jùsu dɛ̌a u je Ɔ je, “Ɛ sěɛɛ̌ jè tǐ ni keǒ Mǒà Boǒ mu, kɛɛ keǒ a mɔ̀ ɛ nu tɛɛ tǐ ba jě ba kpa.

Jɔ̀ɔ̌n 7:8

A kɛn nya a mu digbaǐi de ngmnengmnɛ̌ǒ kɛn, Mǒà Ě seě jè muma mu, ɛ seɛ̌ tǐ ni keǒ Mǒà Boǒ mu.”

Jɔ̀ɔ̌n 8:20

Tà Jùsu kea luu tee le klě Nyesoaa kǎ fòɛ bo, klě Ɔ boɛɛa imo tèà, Ɔ konwaěa nyee noǎa blɔ̀kun le. Nyu wùɛ sea Ɔ kme. Mɛ̌oǒ joo nɛ̀ moo ɛ sěɛɛ̌la jè tǐ ni keǒ bu kmea Nɔ.

2 Kwnɛtiɛ̌ 5:16

Sɔɔnʼě tǐǒ kɔn jleě ä mooa kàan tè po nyo, äǎ tùǒ nyu wùɛ tè jleě mǒ keǒ tùonyugbee dlǒ le sìɛnsiɛn nu ɛɛ jejeɛ̌, kɛɛ keǒ Nyesoa nu ɛɛ jejeɛ̌. I moo kàan tè klě tǐ tìi wlòmo ä tùiaǒ Tentǎn Jǔ tè jleě mǒ klě ɛmo dlǒ le sìɛnsiɛnʼǒ mǒ, kɛɛ äǎ nuu kɛ̀ lɛ.