Jɔ̀ɔ̌n 2:23 - Nyesoaa Kuo Win Jajle

²³ Tà Jùsu nea lěe Jlǔsnɛ klě Dlǒ Mǒ Sìin Didi Dɛɛ de ngmně tǐ wlòmo, nyopò fòfoa jěa wlòlekaen noǎ Ɔ niaa ne ǔ poa Ɔɔ tè kàan tè.

Jɔ̀ɔ̌n 2:23 ပူးပေါင်းရင်းမြစ်များ

Lǔkù 8:13

Ii tìeǒ beě seɛ̌ blǒ kɛn i nynaǒ pènmo bo nyopòà wɔ̌nʼɔ winʼà tǐi doo tǐ jleě ii chǒn beě wlò jleě ü kme nii bo, kɛɛ uu tè wlò popoɛ chɛɛ̌n mǒ no. Ii tè bǔ po i kàan tè klě tǐ gbei wlòmo plě bo měne tèntɛn bɛ̌ diě, è nùǒ muu de.

Jɔ̀ɔ̌n 11:45

Tà nyopòǒ ü diaa Mɛwlě jebo chèba u jěaa dɛǒ Jùsu nuaa, uu dɛ fòfoa poa Ɔɔ tè kàan tè.

Jɔ̀ɔ̌n 2:11

Dɛǒ nɛ̀ mooa klekle wlòlekaen dɛ Jùsu nua. È klě ɛmoǒ wlòmo Ɔ poa Ɔ chɛ̀ɛ tè jǐ boaboǎ pepě mǒ klě Jàlalǐi wakǎ kɛn klě diěǒ monoo Kenà kɛn. Dɛǒ nɛ̀ nua nɛ Ɔɔ mɔ̀ cheěn nyo poa Ɔɔ tè kàan tè.

Jɔ̀ɔ̌n 2:13

Tà tǐ konwaěaa le keǒ Jùwɛ nyoo Dlǒ Mǒ Sìin Didi Dɛɛ de ngmnengmnɛ̌ mɔ̀, Jùsu jaěa je Ɔ̌ muaě Jlǔsnɛ

Jɔ̀ɔ̌n 3:2

Tǒn jlǒ waě tɛ̀ɛ mɔ̀ nɔ̀ diaě Jùsu mɔ̀, kě ɔ dɛ̌a Ɔ je ɔ je, “Tee Nyu, ä ji ɛle Mòà Mò moo Tee Nyu Ɔ̈ sɔnʼěe Nyesoa mɔ̀ mǒ. Ɛ se nyu kɔn ɔ̈ wɔ̀le je bɔ nuu noǎà nìi ɛ̀ sìnʼǒ Nyesoa Bɔ̌ neeǒ ɔ mɔ̀ plě.”

Jɔ̀ɔ̌n 4:45

Nyopòǒ ü nea lěe Jàlalǐi wakǎ kɛn u muaě Jlǔsnɛ klě Dlǒ Mǒ Sìin Didi Dɛɛ de ngmně tǐ wlòmo ǔ jěa noǎ wùɛ Jùsu nuaa klě ɛmo de ngmnengmnɛ̌ǒ kɛn, ii tè tà Ɔ muaě uu mɔ̀, u kmea Ɔ bo je.

Jɔ̀ɔ̌n 5:36

Kɛɛ konkwe fòeà Ně Gbeǐ nye Mǒo Bo nuu nì moo sàse fòɛ keǒǒ mɔ̀ ɛ̌ sìnʼǒ Jɔ̀ɔ̌n mǒ. Wlòlekaen noǎà Ě nii nì tee ɛ ɛ̈ moo Ně Gbeǐ Nɔ̀ dbo Mǒ.

Jɔ̀ɔ̌n 6:14

Tà nyopòǒ u jěaa wlòlekaen dɛǒ Ɔ nuaa, è dɛà nɛ̀ u tùngmaea boboɛ u je, “Nyuà tàà Ɔ wɔ̀le je Bɔ moo Nyesoaa Wnɔsàɔ Ɔ̈ kɔn Bɔ dia lɔɔ kmɔ̌ mɔ̀.”

Jɔ̀ɔ̌n 6:2

Nyopò fòfoa jěa wlòlekaen noǎ Ɔ niaa keǒ kmakma nyo jleě mǒ no, ii tè u nɛa Ɔ de.

Jɔ̀ɔ̌n 7:31

Nyopò fòfoa poa Ɔɔ tè kàan tè klě diblɛ̌ǒ slè, kě u dɛ̌a u je, “Bɛ̌ nu bo Nyesoaa Tentǎn Jǔà Bɔ̌ diě, Ɔ mi kɛ wlòlekaen noǎ fòfoa numa ɛ miǒ Jbɛjuà mǒ sìn le? È Jbɛjuà Nɔ̀ kɔn Bɔ moo Tentǎn Jǔ.”

Kalesiɛ̌n 5:6

Keǒ ä klee Tentǎn Jǔ Jùsu bä moo dɛɛ do, ɛ slě ɛ mɔ̀ kɔn bɛ̈ ä bɛ̌ foeě ɔ̀ɔ̌ ä se foeě bɛ̌, kɛɛ dɛɛ do Ɔ sòɛɛ nɛ̀ moo tè wlò popoɛ klě Ɔ mǒ. Bɛ̌ nu bä noɛɛ Nyesoa klee nyopò tùu mǒ, è ä tee ɛle ɛ̈ moo ä kɔn tè wlò popoɛǒ lo.

1 Jɔ̀ɔ̌n 3:23

Nyesoaa win Ɔ tmɛɛ̌ ämoo nì moo bä po Ɔɔ Jǔǒ Ɔɔ nynɛ̌ɛ tè kàan tè Ɔ̈ moo Tentǎn Jǔ Jùsu plě bä nonoɛɛ měne wòje keǒ Jùsu nu ämoo tmɔɔ̌a.