Jɔ̀ɔ̌n 2:22 - Nyesoaa Kuo Win Jajle

²² Tèǒ nì kɔn tè tà Nyesoa dǔaa Jùsu jemǒ Ɔ sɔna lěe kǒla mǒ, è i beaě Ɔɔ mɔ̀ cheěn nyo mǒ wlò ɛ̈ moo Ɔ boɔa tèà le, ii tè uu Nyesoa winʼi tè kàan tè popoɛ klee tè wùɛ Ɔ boɔa uu je i beea le kɛn.

Jɔ̀ɔ̌n 2:22 ပူးပေါင်းရင်းမြစ်များ

Lǔkù 24:26

A je ɛ se kɛǒ je blɛɛ le keǒ Nyesoaa Tentǎn Jǔ Bɔ jě sònwɛ taeǒ plě Ɔ miǎě Ɔɔ tè jǐ boaboǎ wlòmo bee?”

Lǔkù 24:44

È kě Ɔ dɛ̌a u je Ɔ je, “Tà a klee Mǒ ä nɛɛ̌a jèe, noǎ wùɛ kɔn tè Ě tmɛɛ̌a amoo nìà kpa tùɔn ï kɔn tè Mɔ̀sě klee Nyesoaa wnɔsàɔpo chlěaa klee ï Dèběsee Bleble Chněedɛ̌ boɔaa keǒǒ jleě mǒ, ii wùɛ nìà jaěǒ teěn.”

Jɔ̀ɔ̌n 12:16

Ɔɔ mɔ̀ cheěn nyo uǔ jboa ɛmo dɛ wùɛǒ le klě tǐǒ wlòmo ɛ̌ kpala ɛ kpa Ɔ̌ beaě tè jǐ boaboǎ wlòmo plě ǔ jboǒa kɛ ɛmo dɛǒ kpalaa tùɔn le keǒ Ɔ mɔ̀ ɛ̈ moo dɛ ɛ̈ Nyesoaa wnɔsàɔpo chlěaa u je ɛ̈ miaa tùɔn kpaba nɛ̀à kpa tùɔn.

Jɔ̀ɔ̌n 14:26

Bɛ̌ sìn, Ně Gbeǐ mi Wlò Wlòmo Ble Tùɔ̌ dboba klě Ně nynɛ̌ wlòmo Ɔ̈ moo Ngmà Je Ne Sùsu. Nɔ̀ mi a noǎ wùɛ teeba plě Ɔ miě a noǎ wùɛ Ě tmɔɔ̌ amoo wlòmo pooba.

Jɔ̀ɔ̌n 16:4

Ě tmɛɛ̌ a dɛ wùɛǒ lo ɛ̈ di ɛɛ numa bɛ̌ nu ii tǐ bǐ nyniǒ bǐ ke tùɔn kpɛ, i miě a wlòmo be ɛ̈ moo Ě tmɔɔ̌a i a le. Klě ɛɛ wlò tùla mǒ a klee Mǒ ä nɛɛ̌a jè le, ii tè Ě sěɛ pnɔ i a je tùi.

Jɔ̀ɔ̌n 2:11

Dɛǒ nɛ̀ mooa klekle wlòlekaen dɛ Jùsu nua. È klě ɛmoǒ wlòmo Ɔ poa Ɔ chɛ̀ɛ tè jǐ boaboǎ pepě mǒ klě Jàlalǐi wakǎ kɛn klě diěǒ monoo Kenà kɛn. Dɛǒ nɛ̀ nua nɛ Ɔɔ mɔ̀ cheěn nyo poa Ɔɔ tè kàan tè.

Jɔ̀ɔ̌n 2:17

È i beaě Ɔɔ mɔ̀ cheěn nyo mǒ wlò ɛ̈ moo ɛ chleěa le klě Nyesoaa win wlòmo keǒ Jùsu jleě mǒ ɛ̈ moo, “Nyesoa, Nè koǔà ɛɛ mǒ noɛnoɛ siɛn leě wlò jleě le wòje keà na.” (Ps 69.9)

Jɔ̀ɔ̌n 2:2

Ɛ u dala Jùsu klee Ɔɔ mɔ̀ cheěn nyo tǐnma de ngmnengmnɛ̌ǒ kɛn ke.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:16

Ì bea lěě mǒ wlò dɛ Koɔn boɔlaa ɛ̈ moo, ‘Jɔ̀ɔ̌n pe nyopò ně dlǒ, kɛɛ Mǒ miě a Ngmà Je Ne Sùsu ja poba.’

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:33

Tà Nyesoa dǔaa Jùsu jemǒ Ɔ̌ sàlaě Ɔɔ kǒla mǒ, nɛ̀ nua Ɔɔ pee win Ɔ pooaě ämoo ǐ jaěaǒ, ämoà moo äa gbeǐpòo jlǔu jlǔ. Klě bleble chněedɛ̌ǒ moo Sàǎm ɛɛ dlěe sɔ̌n kɛn, kě Nyesoa dɛ̌a Ɔ je Ɔ je, ‘Mòà Mò moo Ně Jǔ, è Mǒà Mǒ moo Nè Gbeǐ kekɛɛà.’ (Ps 2.7)