Jɔ̀ɔ̌n 2:19 - Nyesoaa Kuo Win Jajle

¹⁹ Jùsu tùa u kɛ̀ɛn Ɔ je, “Bǎ nymii kǎ fòɛà jǐ le, Ě mi ɛ poba klě chnɛ̀ jlǒ wěe tan wlòmo de.”

Jɔ̀ɔ̌n 2:19 ပူးပေါင်းရင်းမြစ်များ

Matiɔ̌n 12:40

Kě Nyesoaa win dɛ̌ i je, ‘Ke kɔn doǒ Jònǎ nuaa ɔ̌ sìnʼa lěe jbodoɛ̌ wlòmo chnɛ̀ jlǒ wěe tan klee tǒn jlǒ wěe tan,’ (Jonah 1.17) kě Mǒ Jbɛjuu Jǔà Ě mi numa, Ě miě blǒ wlò beba klě Ě miě chnɛ̀ jlǒ wěe tan klee tǒn jlǒ wěe tan sìnma.

Matiɔ̌n 16:21

È Jùsu tùngmaea Ɔɔ mɔ̀ cheěn nyo tmɔɔ̌a Ɔ je, “Ɛ wɛɛnʼǒ le Bo muě Jlǔsnɛ u miǐ kme, Ě mǐ sònwɛ jě klě Jùwɛ nyoo bòlibo klee kpatòapoo fòe klee teteǎ tee nyo kwete mǒ. U miǐ dbǎba, kɛɛ bɛ̌ sìn, klě chnɛ̀ jlǒ wěe tan nenɛ wlòmo Nyesoa miǐ jemǒ dǔba de.”

Matiɔ̌n 27:40

kě u dɛ̌a Ɔ je u je, “Ɛ̀nhɛɛ̀, dɛ̌ jè mia kɛ Nyesoaa kǎ fòɛ blǒ mǒ wlǎba mìa ɛ po klě chnɛ̀ jlǒ wěe tan wlòmoò, dɛ̌ Mòǒ jo? Gblà Dìe! Sɛje bɛ̌ nu Bò moo Nyesoaa Jǔ, è Bò sàě Dìe pète bɛ̌ tuǒ jleě!”

Matiɔ̌n 27:63

è kě u dɛ̌a u je, “Chì kpa ämo, i beě ä mǒ wlò tǐà jleě sen le tmɔ̌ Nyuà Ɔ neěa jèe kmɔ̌, winʼà nì Ɔ boɛa ɛ̈ moo Bɔ̌ kǒa klě chnɛ̀ jlǒ wěe tan nenɛ wlòmo Nyesoa miǎě Ɔ kǒla mǒ sàba Ɔ miǎ kmɔ̌ ne.

Mǎkè 14:58

“Dɛà nɛ̀ Ɔ boɛa le ä wɛ̌nʼa, Nyesoaa kǎ fòɛà äa nyopò poo Ɔ je Ɔ mi ɛ wlǎba plě Ɔ mǐ ɛ bě tɛ̀ɛ po klě chnɛ̀ jlǒ wěe tan wlòmo ɛ̈à tùonyuu son seǒ jleě mǒ mu.”

Mǎkè 15:29

Nyopòǒ nɛaa snǔǒ mɔ̀ ü sìinʼaǒo tàǒ bǔ kea Jùsu jě, u blɛa dlě je le ǔ tbɛa Ɔ je le ǔ pea Ɔ pà kɛn, kě u dɛ̌a u je, “Ɛ̀nhɛɛ̀, dɛ̌ jè mia kɛ Nyesoaa kǎ fòɛ blǒ mǒ wlǎba mìa ɛ po klě chnɛ̀ jlǒ wěe tan wlòmoò, dɛ̌ Mòǒ jo?

Mǎkè 8:31

È Jùsu tùngmaea Ɔɔ mɔ̀ cheěn nyo teea Ɔ je, “Jbɛjuu Jǔà Ɔ kɔn Bɔ jě sònwɛ fòfoa. Jùwɛ nyoo bòlibo klee Nyesoaa kpatòapoo fòe klee teteǎ tee nyo mi Ɔ jleě mɔ̀ sàba u mǐ Ɔ dbǎ. Kɛɛ bɛ̌ sìn, klě chnɛ̀ jlǒ wěe tan nenɛ wlòmo Nyesoa mi Ɔ jemǒ dǔba de.”

Jɔ̀ɔ̌n 11:25

È Jùsu tùa ɔ kɛ̀ɛn Ɔ je, “Mǒà Mǒ moo jeměne duduɛ̌ klee kmɔ̌ sie fònfno ii Mǎ. Kàan tè nyu wùɛ miǎ kǒba, kɛɛ nyuǒ mi Něe tè kàan tè poba ɔ miǎ jemǒ dǔba ɔ miǎ kmɔ̌ ne.

Jɔ̀ɔ̌n 5:19

È Jùsu tùia u kɛɛn Ɔ je, “Kàan tèà Ě tmɛɛ̌ amo, Nyesoaa Jǔà Ɔ slě wɔ̀ Ɔɔ do Bɔ nu dɛ keǒ Ɔɔ chɛ̀ mɔ̀, kɛɛ dɛ Ɔ jě Ɔɔ Gbeǐ nii nɛ̀ Ɔ ni sosǒ, ii tè Jǔà Ɔ ni dɛɛ teěnʼǒ ɛ̈ Ɔɔ Gbeǐ nii.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:24

kɛɛ Nyesoa dǔa Ɔ jemǒ Ɔ̌ gblàlaě Ɔ kokoɛ̌ɛ chnechně noǎa slè. Ɛ slě ɛ wɔ̀ bo kokoɛ̌ bɛ di Ɔ kwa blě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:32

Nyesoa Nɔ̀ dǔa Jùsu jemǒ Ɔ̈ sàlaě Ɔ kǒla mǒ, è äa pɛpɛ wùɛ ä moo sàse keǒ ɛ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:15

Nyuà Ɔ̈ moo Fònfnoo Wlò Le Tùtuɛ Nɔ̀ a dbǎla, kɛɛ Nyesoa dǔa Ɔ jemǒ Ɔ̌ sàlaě Ɔ kǒla mǒ, äa wùɛà nɛ̀ kɔn sàse dɛ ä ni.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:26

Nyesoa sàlaě Ɔɔ Nyebajlo Jùsu kǒla mǒ Ɔ̌ dboa Lɔ klekle kělɔ a mɔ̀, Ɔ mǐ a ngmna mɔ̀ po ɛ̈ Ɔ nii keǒ Bɔ bitǐ aa do doo wlè ble bi tbɛ dɛ kukǔ kɛn.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 6:14

Ä wɔ̌n ɔɔ win ɔ̌ dɛ̌ bò ɛ̈ moo, Jùsuà kɔn lěe Nǎsòwɛ̌, Ɔ mi Nyesoaa kǎ fòɛà blǒ mǒ wlǎba, Ɔ miǒ äa blětà noǎ pɛpɛ wùɛ snǔ mɔ̀ sà ïà Mɔ̀sě si ämoo kwete mǒ.”

Wlǔmɔ 4:24

Nyesoaa win sɛ̀n ä nynɛ̌ ke ämoà Ɔ wɛ̀ɛ mɔ̀le Bɔ dae lee jebo siǐn nyo ü poo Nyesoaa tè kàan tè Ɔ̈à dǔaa Jùsu jemǒ äa Koɔn Ɔ̈ sàlaě Ɔɔ kǒla mǒ.

Wlǔmɔ 6:4

Bɛ̌ nu bä poo ně dlǒ, ɛ wǒ je keà ä kǒo plě u mǎna ämoo Tentǎn Jǔ kɛn bo u tùa ämoo bo. Dɛǒ nɛ̀ nu ɛ keǒ Tentǎn Jǔ nuaa äa Gbeǐ Nyesoaa kpě sàlaě Ɔɔ kǒla mǒ, kě ɛ nu ke ä mi kmɔ̌ jajlo nema.

Wlǔmɔ 8:11

Ke ɛ toon jleě mǒ bo Nyesoaa Sùsu dǔu Jùsu jemǒ Ɛ̌ sàě Ɔɔ kǒla mǒ, bɛ̌ nu Ɔɔ Sùsu Bɛ̌ neě a ja, Ɔmoǒ Ɔ̈ dǔu Jùsu jemǒ Ɔ̈ sàě Ɔɔ kǒla mǒ Ɔ mi aa kokǒ blǒ fǒǒ sùsu mǒ poba ɛ mǐ kmɔ̌ ne ke.

1 Kwnɛtiɛ̌ 15:12

Ke ɛ toon jleě mǒ bo ä boɛɛ Nyesoaa win ɛ̈ moo Tentǎn Jǔ dǔǎ jemǒ Ɔ̌ sɔnaě kǒla mǒ, è mɛ kɔɔ̌n tè aa tìe tùu je nyu bɔ̌ kǒǒ kɛ ɔ seǎa jemǒ dǔba mu?

Klasɔ̌n 2:12

Tà a pooaa ně dlǒ, aa tè wlò popoɛ a kɔnʼɔ klě Nyesoaa kpě mǒ ï dǔaa Tentǎn Jǔ jemǒ ï sàlaě Ɔɔ kǒla mǒ nɛ̀ nu amo ɛ̌ wǒ keà a kǒaa u tùa a klee Tentǎn Jǔ bo keǒ tàa do.

1 Pitɛ̌ 3:18

Tentǎn Jǔ kǒa waěe do keǒ kpni kukwǐ wùɛɛ tè mɔ̀, Nɔ̀ moo Jebo Siǐn Nyu Ɔ̈ kǒa keǒ ämo se jebo siǐn nyoo tè mɔ̀ ɛ̈ di ɛɛ numa Ɔ miě ä Nyesoa mɔ̀ kpa. U dbǎla Ɔɔ fǒ, kɛɛ Ɔɔ Sùsu neě jè kmɔ̌.