Jɔ̀ɔ̌n 2:16 - Nyesoaa Kuo Win Jajle

¹⁶ È Ɔ tmɔɔ̌a nyopòǒ pleaa hùngbei Ɔ je, “A sàɔ hùngbeià kělɔ koǔɔ bo! A bɔ̌ Ně Gbeǐi koǔà noǎ bobo ploo koǔ mǒ nunuɛ!”

Jɔ̀ɔ̌n 2:16 ပူးပေါင်းရင်းမြစ်များ

Matiɔ̌n 21:12

È Jùsu mua lě Nyesoaa kǎ fòɛ bo Ɔ̌ jɛɛaě nyopò ü pleaa noǎ klee tìe tɔ̀nwɛaa noǎ u mǐaa chɔ̀no pie le Ɔ̌ piěaǒ uu wùɛǒ plomǒ. Ɔ chinchnǐia wlě mɔ̀ sìnsiɛɛ nyoo těblea mǒ klee hùngbei plo nyoo tukwlǐ.

Matiɔ̌n 21:13

È kě Ɔ dɛ̌a u je Ɔ je, “Ɛ chleě le klě Nyesoaa win wlòmo ɛ̈ moo, Ɔɔ koǔ moo koǔà nyopò bu muě bobo u miě Ɔɔ mɔ̀ boɔ (Is 56.7), kɛɛ nɛ̀à a ni jlǐ nyoo bobo ne koǔ mǒ!”

Matiɔ̌n 22:5

Kɛɛ u sea nyebajleǒ uu win nɔkǔ jebo po, è nùǒ mumuua le. Do muaě klě ɔɔ chè mǒ, è do tɔ̀ɔ muaě ɔɔ kɔseɛ̌ pooa mǒ,

Mǎkè 11:17

Ɔ teea nyopòǒ Ɔ je, “Ɛ se kɛ chleě le klě Nyesoaa win wlòmo ɛ̈ moo Ɔɔ koǔ moo koǔà dakwɛ̌ wùɛ bu muě bobo u miě Ɔɔ mɔ̀ boɔ le, (Is 56.7) kɛɛ nɛ̀à a ni jlǐ nyoo bobo ne koǔ mǒ.”

Lǔkù 2:49

È Ɔ gbàla u wan Ɔ je, “Mɛ kɔɔ̌n tè a pɛ̀ɛ̌n kɛ Mǒ le? A see kɛ i ji ɛ̈ moo Ě kɔn Boǒ neeɔ Ně Gbeǐi koǔ bo keǒ Bo nu Ɔɔ konkwa le?”

Jɔ̀ɔ̌n 10:29

Ně Gbeǐà nye u Mǒo Ɔ kun nu Ɔ̌ sìnʼǒ nyopò wùɛ mǒ. Nyu wùɛ nɔ̀ slě wɔ̀ bɔ̈ jlǐ dɛ klě Ně Gbeǐ mɔ̀.

Jɔ̀ɔ̌n 2:15

Ii tè Ɔ nua dbǔu fǎe Ɔ̌ piěaǒ u Nyesoaa kǎ fòɛǒ bo, jà bliǎ klee blableǎ. È Ɔ gbɛ̀tɛɛa wlě mɔ̀ sìnsiɛɛ nyoo wlěǒ le Ɔ̌ chinchnǐia uu těblea mǒ.

Jɔ̀ɔ̌n 20:17

È Jùsu je, “Nè gbèě mɔ̀. Mɛ̌oǒ joo nɛ̀ moo Ě sěɛɛ̌ jè de mi klě Ně Gbeǐ mɔ̀, kɛɛ mu mì Ně mɔ̀ cheěn nyo wlòmo sèsae le, Ě mi ni klě a klee Ně Gbeǐ mɔ̀ Ɔ̈à moo a klee Mǒ äa Nyesoa ke.”

Jɔ̀ɔ̌n 5:17

Kɛɛ Jùsu tùa u kɛɛn Ɔ je, “Ně Gbeǐ Nyesoa ni konkwa tǐ wùɛ mɔ̀, ii tè dɛɛ doǒ nɛ̀ Ě ni ke.”

Jɔ̀ɔ̌n 8:49

È Jùsu tùa u kɛ̀ɛn Ɔ je, “Kǔ sùsu seɔɔ̌ ja ne, Ě tùiǒ Ně Gbeǐ, kɛɛ amo sɛ̀ɛǒ Ně tè le.

1 Timɛtě 6:5

klee ɛ jɛě jale jejǎea klě nyopò slè tǐ wùɛ mɔ̀ ü kɔnʼɔ dlǒ le sìɛnsiɛn noǎ kukwǐ jǐǒ kɛn le klee kàan dɛ see kɛ̀ lěe mǒ ne, ii tè ü jě lɛɛ ɛ̈ moo Nyesoa dɛ nunuɛ moo wlě le pònpɔn sosǒ.

2 Pitɛ̌ 2:3

Umo sen le tmɔ̌ tee nyoǒ u kɔn ngmnano, ii tè u mi a tèà monoo sen jele boɔba u mǐ wlě jě. Kɛɛ Nyesoa bɛ̌a u kokǒ wun kɛn seela tǐ jleě, ii tè uu gbè sùesuɛ diě le.