Jɔ̀ɔ̌n 2:11 - Nyesoaa Kuo Win Jajle

¹¹ Dɛǒ nɛ̀ mooa klekle wlòlekaen dɛ Jùsu nua. È klě ɛmoǒ wlòmo Ɔ poa Ɔ chɛ̀ɛ tè jǐ boaboǎ pepě mǒ klě Jàlalǐi wakǎ kɛn klě diěǒ monoo Kenà kɛn. Dɛǒ nɛ̀ nua nɛ Ɔɔ mɔ̀ cheěn nyo poa Ɔɔ tè kàan tè.

Jɔ̀ɔ̌n 2:11 ပူးပေါင်းရင်းမြစ်များ

Jɔ̀ɔ̌n 1:14

Win beaě tùonyu tǔn wlòmo Ɔ̌ nea nɔ ä slè klě tǐ gbei wlòmo. Tà Ɔ neěa jèɔ ämoo slè, ä jěa Ɔɔ tè jǐ boaboǎ ɛ̈ Ɔ kɔnaa wòje Ɔɔ Gbeǐ Nyesoaa Jǔu do. Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ plě Ɔ̌ tmɛɛ̌ ä kàan dɛ.

Jɔ̀ɔ̌n 1:17

Nyesoa nyea ä teteǎ Ɔ jaeaěe Mɔ̀sě mǒ, kɛɛ Jùsu Tentǎn Jǔ jalaě Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ Ɔ̌ tmɔɔ̌a ä kàan tè keǒ Nyesoa jleě mǒ.

Jɔ̀ɔ̌n 1:43

Tà chnɛ̀ tɛ̀ɛ gbàlaa le, Jùsu poa ɛ ble Bɔ mua Jàlalǐi wakǎ kɛn. È tà Ɔ wɛ̀aa mɔ̀ Ɔ mǐaa mu, Ɔ̀ jěa Felɔ̌, è kě Ɔ dɛ̌a Ɔ je, “Naǎ de.”

Jɔ̀ɔ̌n 1:50

Jùsu gbàla ɔ wan Ɔ je, “Tà Ě nu kɛ wiěn Ě jěè le keǒ bueě tu boboò nɛ̀ kɔn tè pò Ně tè kàan tè le? Mì noǎ fòe jěba i miǒ dɛà kpaa tùɔn mǒ sìn.”

Jɔ̀ɔ̌n 10:41

nyopò fòfoa diaě Ɔ mɔ̀, è kě u dedɛ̌ɛa jele u je, “Jɔ̀ɔ̌n sěɛlǎ wlòlekaen dɛ ni, kɛɛ noǎ wùɛà ɔ boɔɔ keǒ Jùsu jleě mǒ i moo kàan tè.”

Jɔ̀ɔ̌n 11:15

kɛɛ Ně plɔ blo lo keǒ aa tè mɔ̀ tà Ě see tùɔn kɛn ne ɔ kǒo ɛ̈ di ɛɛ numa a mǐ Ně tè kàan tè po. A nɛ kèke bä mu lěe ɔ mɔ̀.”

Jɔ̀ɔ̌n 11:47

Ii tè Fɛlesǐi wǎn klee Nyesoaa kpatòapoo fòe klee Jùwɛ nyoo tè tu nyo u mua snǎ mǒ, kě u dɛ̌a u je, “Mɛ ä miǐ kɛ numa keǒ Nyuà mɔ̀? A jě wlòlekaen noǎ wùɛà Ɔ nii.

Jɔ̀ɔ̌n 12:18

Tà u wɔ̌na nii keǒ wlòlekaen dɛǒ Ɔ nuaa mɔ̀, nɛ̀ kɔn tè u mua Ɔ tàto peba.

Jɔ̀ɔ̌n 12:37

Kàan tè nyopò jěa Jùsu Ɔ̌ nia wlòlekaen noǎ fòfoa, kɛɛ u sea Ɔɔ tè kàan tè po.

Jɔ̀ɔ̌n 12:41

Tà Aesaeǎ boɔɔaǒo tèǒ nɛ̀ moo tà ɔ jěaa Nyesoaa tè jǐ boaboǎ, winʼǒ ɔ boɛa li keǒ Jùsu jleě mǒ.

Jɔ̀ɔ̌n 14:13

È tǐ wùɛ mɔ̀ bǎ gbà dɛ wan klě Ně nynɛ̌ wlòmo, Ě mi ɛ numa ɛ̈ di ɛɛ numa Jǔà Ɔ mǐ Gbeǐi tè jǐ boaǎ le.

Jɔ̀ɔ̌n 16:27

A noɛɛ neě mǒ no ǎ po Ně tè kàan tè ɛ̈ moo klě Ě sɔnʼě Ɔ mɔ̀ mǒ, nɛ̀ kɔn tè Ɔ noɛɛ a mǒ.

Jɔ̀ɔ̌n 16:30

Kèke ä jiǐ lɛ ɛ̈ moo jì noǎ wùɛ le, dɛ see kɛ̀ǒ ne ɛ̈ kɔn tè nyu bɔ gbà Mòo wan. Dɛǒ nɛ̀ kɔn tè ä po Nè tè kàan tè ɛ̈ moo klě sɔ̀nʼě Nyesoa mɔ̀ mǒ.”

Jɔ̀ɔ̌n 2:1

Chnɛ̀ jlǒ wěe sɔ̌n nì sìnʼa, è nyu tɔ̀ɔ nɔ̀ kɔn nynɔ dia tǐnma klě Jàlalǐi wakǎ kɛn klě diěǒ monoo Kenà kɛn. Jùsuu naǎ nea kɛn tùɔn.

Jɔ̀ɔ̌n 2:23

Tà Jùsu nea lěe Jlǔsnɛ klě Dlǒ Mǒ Sìin Didi Dɛɛ de ngmně tǐ wlòmo, nyopò fòfoa jěa wlòlekaen noǎ Ɔ niaa ne ǔ poa Ɔɔ tè kàan tè.

Jɔ̀ɔ̌n 3:2

Tǒn jlǒ waě tɛ̀ɛ mɔ̀ nɔ̀ diaě Jùsu mɔ̀, kě ɔ dɛ̌a Ɔ je ɔ je, “Tee Nyu, ä ji ɛle Mòà Mò moo Tee Nyu Ɔ̈ sɔnʼěe Nyesoa mɔ̀ mǒ. Ɛ se nyu kɔn ɔ̈ wɔ̀le je bɔ nuu noǎà nìi ɛ̀ sìnʼǒ Nyesoa Bɔ̌ neeǒ ɔ mɔ̀ plě.”

Jɔ̀ɔ̌n 4:3

Ii tè Ɔ klee Ɔɔ mɔ̀ cheěn nyo u sɔnaě Jùdǐa wakǎ kɛn mǒ ǔ mia de klě Jàlalǐi wakǎ kɛn.

Jɔ̀ɔ̌n 4:46

Tà dɛǒ ɛ sìnʼaa, è Jùsu mua de de klě tà Ɔ ponpnɔaě ně nmɔ mǒ klě diěǒ moo Kenà wlòmo ɛ̈ neěe Jàlalǐi wakǎ kɛn. È Wlǔmɔ nyoo kòngmnaa nyefòɛ tɔ̀ɔ nɔ̀ kɔn jbɛjuju kmɛa klě Kapanìa dǐa.

Jɔ̀ɔ̌n 4:54

Dɛǒ nɛ̀ mooa sɔ̌n nenɛ wlòlekaen dɛ Jùsu nua tǐǒ jleě Ɔ sɔnaa Jùdǐa wakǎ kɛn mǒ Ɔ dia lěe Jàlalǐi.

Jɔ̀ɔ̌n 5:23

ɛ̈ di ɛɛ numa nyu wùɛ miǒ Jǔà tù keǒ u nii ǔ tùiǒo Nyesoa Ɔ̈ monoo Gbeǐ. È nyu wùɛ ɔ̈ seǒo Jǔ tù, ɔ seǒ Gbeǐ tù ke Ɔ̈ dboo Jǔà.

Jɔ̀ɔ̌n 6:14

Tà nyopòǒ u jěaa wlòlekaen dɛǒ Ɔ nuaa, è dɛà nɛ̀ u tùngmaea boboɛ u je, “Nyuà tàà Ɔ wɔ̀le je Bɔ moo Nyesoaa Wnɔsàɔ Ɔ̈ kɔn Bɔ dia lɔɔ kmɔ̌ mɔ̀.”

Jɔ̀ɔ̌n 6:2

Nyopò fòfoa jěa wlòlekaen noǎ Ɔ niaa keǒ kmakma nyo jleě mǒ no, ii tè u nɛa Ɔ de.

Jɔ̀ɔ̌n 6:26

Jùsu tùa u kɛ̀ɛn Ɔ je, “Kàan tèà Ě boɛ a je, dɛ kɔn tè a pɛ̀n Mǒo le nɛ̀ moo a di flɔ̌ɔ fòfoa ǎ jǐ kwlě, nɛ̀ se wlòlekaen dɛà a jěe ɛɛ tè.

Jɔ̀ɔ̌n 6:30

Ii tè u gbɛ̀a Ɔ wan u je, “Bä jě wlòlekaen dɛ tae mì kɛɛ numa ɛ̈ bä jěe ä mǐ Nèe tè kàan tè po? Mɛ mìǐ kɛ numa?

Jɔ̀ɔ̌n 7:31

Nyopò fòfoa poa Ɔɔ tè kàan tè klě diblɛ̌ǒ slè, kě u dɛ̌a u je, “Bɛ̌ nu bo Nyesoaa Tentǎn Jǔà Bɔ̌ diě, Ɔ mi kɛ wlòlekaen noǎ fòfoa numa ɛ miǒ Jbɛjuà mǒ sìn le? È Jbɛjuà Nɔ̀ kɔn Bɔ moo Tentǎn Jǔ.”

Jɔ̀ɔ̌n 9:16

È kě Fɛlesǐi wǎnʼa tìe dɛ̌a u je, “Jùsu Ɔɔ̌ tùǒ Nyesoaa de fɛ chnɛ̀ jlǒ waěe teteǎ bo, ii tè Ɔ seě Nyesoa mɔ̀ mǒ sɔn.” Kɛɛ kě uu tìe dɛ̌a u je, “È ke nyuà moo kɛɛ dɛ kukǔ nuɔ ɔ wɔ̀le je bɔ nuǔ wlòlekaen dɛ taeǒ nunuɛ?” Ii tè ɛ plooa ɛ wakě klě uu chɛ̀ slè.

2 Kwnɛtiɛ̌ 3:18

Ä se äa jigbè tata je kaen ne, ii tè ä jě Koɔnʼɔ tè jǐ boaboǎ le, ɛmo tè jǐ boaboǎǒ ɛ̈ǒ sɔn lěe Koɔn mɔ̀ mǒ Ɔ̈ monoo Sùsu nɛ̀ sɛ̀ äa kmɔ̌ de le, ä wǒ Ɔ je chɔɔ plě ä kɔn Ɔɔ tè jǐ boaboǎǒ ɛɛ kpɛntɛɛ̌.

2 Kwnɛtiɛ̌ 4:17

Äa sònwɛ jejeɛ̌ chěnchaěà ɛ se mǒ tmɔ ɛ̈à ä jěe kělɔ kmɔ̌ɔ mɔ̀, ɛ se dɛ mono ɛ seǒ kmɔ̌ siee tè jǐ boaboǎ fòɛǒ ɛ̈ nyee ämoo mǒ sìn.

2 Kwnɛtiɛ̌ 4:6

Mɛ̌oǒ joo nɛ̀ moo Nyesoaa doǒ Ɔ̈ nuaa pepě ɛ̌ fɔnaa klě kwijlě slè Nɔ̀ fɛn klě äa wlè jleě ɛ̈ nu ɛɛ ä kɔnʼɔ pepě ɛ̈ monoo Nyesoaa tè jǐ boaboǎa tè le jbojbɛ ɛ̈ fɛɛnʼǒo Jùsu Tentǎn Jǔ je.

1 Jɔ̀ɔ̌n 5:13

Ě chleě a mɔ̀ imo noǎà ii tè ɛ̈ di ɛɛ numa amoà poo Nyesoaa Jǔu nynɛ̌ɛ tè kàan tè a mǐ ɛ ji ɛ̈ moo a kɔn kmɔ̌ sie fònfno.