Jɔ̀ɔ̌n 19:4 - Nyesoaa Kuo Win Jajle

⁴ È Pàlɛ̌te dia lɔ plomǒ kělɔ u mɔ̀ de, kě ɔ dɛ̌a ɔ je, “A chèà bo, Ě jɛě Jùsu lu klě plomǒ klě a mɔ̀, a mǐ ɛ ji ɛ̈ moo Ě se jǐlenymi dɛ jě ɛ̈ Ɔ nuu ɛ̈ kɔn tè bi jɛɛ Ɔɔ.”

Jɔ̀ɔ̌n 19:4 ပူးပေါင်းရင်းမြစ်များ

Matiɔ̌n 27:19

Tà Pàlɛ̌te neěa jè lěe ɔɔ blilǐ tù kpǎta wlòmo bo ɔ fea luu bu tùa lɔɔ kɛ̀ɛn, è tuposà sɔnaě Pàlɛ̌tee nynɔ mɔ̀ mǒ kě ɛ dɛ̌a ɛ je, “Jbɛjuǒ Ɔ se tè wlǎ, nè ni Ɔ dɛ mǒ. Mɛ kɔɔ̌n tèǒ joo nɛ̀ moo tǒn jlǒ waěà ä sɔn lěe wlòmo Ě ja jajie kukǔ ɛ̈ pa mǒo wan le keǒ Ɔɔ tè mɔ̀.”

Matiɔ̌n 27:24

Tà Pàlɛ̌te jěa lɛɛ ɛ̈ moo ɔɔ win slě wɔ̀ bi sàlaǒ dɛ keǒ u jleě mǒ plě u tùngmaea jale jejǎea klě uu chɛ̀ slè, è ɔ dǔa ně mǒ ɔ̌ jlala kwete keǒ u jemǒ, kě ɔ dɛ̌a ɔ je, “Mǒà Ě se tè jɛɛa kɔn keǒ Jùsuu kokoɛ̌ mɔ̀, kɛɛ amo Ɔɔ tè jɛɛa neǒ dlǒ.”

Matiɔ̌n 27:4

È kě ɔ dɛ̌a ɔ je, “Ě wlǎ tè keǒ Nyuà see dɛ nu bo diě Ɔ bo demǒ sà keǒ bu dbǎ Lɔ.” Kɛɛ kě u dɛ̌a Jùdǎse je u je, “Mɛ ä kɔɔn noǒ kɛě ɛ mɔ̀? Nè chɛ̀ɛ tèǒo kɛ̀.”

Matiɔ̌n 27:54

È tà Wlǔmɔ nyoo tabɔ̀ klee uu jǐgbàdiɔ ü tùiaa Jùsu jǐ mɔ̀ u jěaa blǒo de sèkea klee noǎ wùɛ ï kpalaa tùɔn, è kètekee bea u bo wan, kě u dɛ̌a u je, “I moo kàan tè Nyuà Ɔ moo Nyesoaa Jǔ!”

Lǔkù 23:4

È kě Pàlɛ̌te dɛ̌a Nyesoaa kpatòapoo fòe klee diblɛ̌ǒ je ɔ je, “Ě se dɛ jě ɛ̈ moo kenkan dɛ Jbɛjuà Ɔ nuu.”

Lǔkù 23:41

Mǒ klee mò kokoɛ̌ blɛɛ ämoo je nɛ̀à ä kwěà. Ä chɛ̀ɛ de nu kmɔ̌ɔ tèǒ, kɛɛ Ɔmoà Ɔ se dɛ kukǔ nu!”

Lǔkù 23:47

Tà tabɔ̀ɔ jǐgbàdiɔ jěaa dɛǒ kpalaa tùɔn, ɔ pea Nyesoaa nynɛ̌ le ɔ je, “Kàan tè Nyuà sɛjesɛ Ɔ moo jebo siǐn Nyu!”

Jɔ̀ɔ̌n 18:33

Tà Pàlɛ̌te wɔ̌naa dɛǒ, è ɔ muaě ɔɔ blilǐ tùla mǒ ɔ̌ dala Jùsu ɔ̌ gbàla Ɔ wan ɔ je, “Deě Mò moo kɛ Jùwɛ nyoo Klɔ̀ba?”

Jɔ̀ɔ̌n 18:38

È Pàlɛ̌te gbàla Ɔ wan ɔ je, “Mɛ monoǒ kɛ kàan tè?” Tà Pàlɛ̌te wɔ̀laa tèǒ boɔboɔ mɔ̀, è nɔ̀ǒ mua de klě plomǒ ɔ̌ sèsaea Jùwɛ nyo wlòmo ɔ je, “Ě se dɛ jě keǒ Ɔ jleě mǒ ɛ̈ Ɔ nuu ɛ̈ monoo tè wlawlǎ.

Jɔ̀ɔ̌n 19:6

Tà Nyesoaa kpatòapoo fòe klee tabɔ̀ǒ u jěaa Jùsu, è u pnɛ̌a dɛ jleě le u je, “A kɔǒ Ɔ pète bɛ̌ tu jleě! A kɔǒ Ɔ pète bɛ̌ tu jleě!” È Pàlɛ̌te tùia u kɛ̀ɛn ɔ je, “A dǔ Ɔ mǒ, a miǒ Ɔ pète bɛ̌ tu jleě kɔ! Ě se kenkan dɛ jě ɛ̈ Ɔ nuu ɛ kɔn tè mǐ Ɔɔ jɛ!”

2 Kwnɛtiɛ̌ 5:21

Nyesoa nua Tentǎn Jǔà dɛ kukǔ slě mǒ ne keǒ Bɔ wǒa dɛ kukǔ nuɔ keǒ äa tè mɔ̀ ɛ̈ di ɛɛ numa Ɔmo Nyesoa Ɔ mǐ ä jebo siǐn nyo mǒ nu klě Tentǎn Jǔ mǒ.

Hiblǔ 7:26

Bodiɔ taeǒ moo Jùsu Nɔ̀ sɛ̀ dɛ ä sòɛɛ tàmo. Mɛ̌oǒ joo nɛ̀ moo Ɔ ne je ngmà, tè jɛɛa seǒ Ɔ jleě mǒ ne, Ɔ snǎě mɔ̀le plě Nyesoa sàě Ɔ dɔ̌ klě kpni kukwǐ nyo slè Ɔ̌ dǔ Ɔ jemǒ Ɔ̌ kpaě Ɔ jɔkɛn klě tùɔnʼà kɔn tè kmaa kɛn.

1 Pitɛ̌ 1:19

kɛɛ Ɔ nua Tentǎn Jǔu nymɔ Ɔ̈ snǎ lěe mɔ̀le wòje blajǔ u dbɛ̌ɛ keǒ Dlǒ Mǒ Sìin Didi Dɛɛ de ngmnengmnɛ̌ mɔ̀ ɔ̈ kɔɔ̌ dɛ klee kɛɛ seǒo jleě mǒ ne.

1 Pitɛ̌ 2:22

wòje ke Nyesoaa win dɛ̌ɛ ɛ̈ moo, “Ɔ sea dɛ kukǔ nu plě Ɔ sěɛlǎ sen tmɛ̌.” (Is 53.9)

1 Pitɛ̌ 3:18

Tentǎn Jǔ kǒa waěe do keǒ kpni kukwǐ wùɛɛ tè mɔ̀, Nɔ̀ moo Jebo Siǐn Nyu Ɔ̈ kǒa keǒ ämo se jebo siǐn nyoo tè mɔ̀ ɛ̈ di ɛɛ numa Ɔ miě ä Nyesoa mɔ̀ kpa. U dbǎla Ɔɔ fǒ, kɛɛ Ɔɔ Sùsu neě jè kmɔ̌.

1 Jɔ̀ɔ̌n 3:5

A ji ɛle ɛ̈ moo Tentǎn Jǔ diě keǒ Bɔ poo äa kpni kukwǐi tè wlò le plě a ji ɛle ɛ̈ moo Ɔɔ̌ nu kpni kukwǐ.