Jɔ̀ɔ̌n 18:8 - Nyesoaa Kuo Win Jajle

⁸ È Ɔ tùa u kɛ̀ɛn Ɔ je, “Ě sèsae a mǒ wlò de ɛ̌ wɛ̀ mɔ̀le ɛ̈ moo Mǒ Jùsu Mǒà. Bɛ̌ nu bɛ̌ tù Mǒ bǎ keě le pɛ̀n, è ba sɔnʼǒ nyopòà mɔ̀ mǒ bu mu.”

Jɔ̀ɔ̌n 18:8 ပူးပေါင်းရင်းမြစ်များ

Matiɔ̌n 26:56

Kɛɛ noǎ wùɛà i kpɛ tùɔn ɛ̈ di ɛɛ numa tèǒ wnɔsàɔpo chlěaa keǒ Ně tè mɔ̀ i miǒ jaě le.” È Ɔɔ mɔ̀ cheěn nyo wùɛ siaǒ Ɔ bo ǔ plùa.

Jɔ̀ɔ̌n 10:28

Ě nye u kmɔ̌ sie fònfno, tèǒ nì kɔn tè u seǎ gbè sùe kpe plě nyu slě uǔ kwete mǒ sàba mu.

Jɔ̀ɔ̌n 13:1

Plě Dlǒ Mǒ Sìin Didi Dɛɛ de ngmně tǐ mǐaǒ nyni, Jùsu jia ɛle ɛ̈ moo tǐ nyniaǒ no keǒ Bɔ sɔna nɔ kmɔ̌ɔ mɔ̀ mǒ Bɔ mua de klě Ɔɔ Gbeǐ mɔ̀. Ɔ noɛɛa nyopòà neɔɔ kmɔ̌ɔ mɔ̀ mǒ no ü Ɔ kɔnʼɔ Ɔ̌ noɛɛ u mǒ kaǒ ɛ miǎ kmɔ̌ɔ dlǒ chlɛ̀chlɛ kɛn jɛɛ le.

Jɔ̀ɔ̌n 13:36

È Saemɔ̌ Pitɛ̌ gbɛ̀a Jùsu wan ɔ je, “Koɔn, è tà miǐ kɛ?” Jùsu tùa ɔ kɛ̀ɛn Ɔ je, “Tà Ě miěe slè wɔ̀ bò naǎ de klě tǐà wlòmo, kɛɛ tǐ miě diba mìě mu.”

Jɔ̀ɔ̌n 16:32

Kɛɛ a gbɛ̀ɛ le ɛ kɔn tǐ diěe, i nyni nii chɛ̀ ɛ̌ wɛ̀ mɔ̀le, è aa wùɛ a mi le gbɛ̀tɛɛba a mǐ a chɛ̀ɛ keǐ bo ble le mu, a miǒ Ně do si. Kɛɛ sɛjesɛ Ě se do ne, Ně Gbeǐ neǒǒ gbàa.

Jɔ̀ɔ̌n 18:7

È Ɔ gbàla u wan de Ɔ je, “Mɔ a pɛ̀ɛ̌n kɛ le?” Ù tùa Ɔ kɛ̀ɛn u je, “Jùsu Ɔ̈ kɔn lěe Nǎsòwɛ̌.”

Jɔ̀ɔ̌n 18:9

Dɛǒ nɛ̀ Ɔ boɔla ɛ̈ di ɛɛ numa winʼǒ Ɔ boɔlaa i mǐaǒ jaě le ɛ̈ moo, “Nyopòà nyè Mǒo Ě se u nyuu doo chɛ̀ mǎ.”

1 Kwnɛtiɛ̌ 10:13

Měne tèntɛnʼǒ bee amoo jebo ɛ se aa do, ɛ wlɛǒ bo keǒ nyopò wùɛ mɔ̀ ke, kɛɛ Nyesoa moo wlò kpae Nyesoa keǒ a mɔ̀. È Ɔ slě měne tèntɛnʼà ɛ̈ a slě wɔ̀ ba nynaa jebo mɔ̀ mǒ sɔnma mu ɛ se a jebo beeba mu. Sɔ̌noka, měne tèntɛn wùɛ ɛ̈ miěe diba Ɔ mi ɛ numa a mǐ snǔ jě a miě ɛ slè mǒ sɔn ɛ̈ di ɛɛ numa a miě ɛ wɔ̀ keǒ ba nyna ɛ jebo.

2 Kwnɛtiɛ̌ 12:9

kɛɛ Ɔ tmɔɔ̌ mǒ Ɔ je, “Ně wlòo jlajlǎ dɛ ɛ̈ɛ̌ sà Něe wlò kǔ mǒ keǒò mɔ̀ ɛɛ do nɛ̀ moo dɛ sòɛ. Mɛ̌oǒ joo nɛ̀ moo bɛ̌ nu bò wɛ̀ kbě ja le, Ně kpěǒ neě mòo mǒ i ne kɛn kpě chɔɔ.” Tèǒ nì kɔn tè Ě mi wan le poba klě plɔɔ bloblɛ mǒ ɛ̈ kwɛɛǒo něe kbě ja le wɛ̀ tè jleě mǒ bo ɛ̈ di ɛɛ numa Tentǎn Jǔu kpě miěě ja bo ne.

Ifisiɛ̌n 5:25

Amo jbeapò, keǒ Tentǎn Jǔ nuu Ɔ̌ noɛɛ Ɔɔ wǎn mǒ Ɔ̌ kǒo keǒ uu tè mɔ̀, kě ba nu a noɛɛ aa nyno mǒ.

1 Pitɛ̌ 5:7

Jùsu kɔnʼě aa tè mɔ̀, ii tè a gbà Ɔ wan Ɔ mǐ a mǒ sɛ̀ɛ le keǒ aa feanfeǒ noǎa wùɛ mɔ̀.