Jɔ̀ɔ̌n 18:4 - Nyesoaa Kuo Win Jajle

⁴ Jùsu jia dɛǒ diaa tùɔn kpaba le keǒ Ɔ jleě mǒ. Ii tè Ɔ sɔnaě bòǒ wlòmo Ɔ̌ beaě plomǒ Ɔ̌ gbàla u wan Ɔ je, “Mɔ a pɛ̀ɛ̌n kɛ le?”

Jɔ̀ɔ̌n 18:4 ပူးပေါင်းရင်းမြစ်များ

Matiɔ̌n 16:21

È Jùsu tùngmaea Ɔɔ mɔ̀ cheěn nyo tmɔɔ̌a Ɔ je, “Ɛ wɛɛnʼǒ le Bo muě Jlǔsnɛ u miǐ kme, Ě mǐ sònwɛ jě klě Jùwɛ nyoo bòlibo klee kpatòapoo fòe klee teteǎ tee nyo kwete mǒ. U miǐ dbǎba, kɛɛ bɛ̌ sìn, klě chnɛ̀ jlǒ wěe tan nenɛ wlòmo Nyesoa miǐ jemǒ dǔba de.”

Matiɔ̌n 26:2

“A ji ɛle chnɛ̀ jlǒ wěe sɔ̌n nì siǒ Dlǒ Mǒ Sìin Didi Dɛɛ de ngmně tǐ miǒ nyni, è Jbɛjuu Jǔà u miě Ɔ bo demǒ sàba u miǒ Ɔ pète bɛ̌ tu jleě kɔ.”

Matiɔ̌n 26:21

u kea dɛ di, è kě Ɔ dɛ̌a u je Ɔ je, “Tèe jleě nìà Ě tmɛɛ̌ amo, aa nyuu do nɔ̀ miěě bo demǒ sàba.”

Matiɔ̌n 26:31

Tàǒ klě Jùsu tmɛɛ̌aě u ɛ̈ moo, “Ale wùɛà a miǒǒ bo siba klě tǒn jlǒ waěà wlòmo. Mɛ̌oǒ joo nɛ̀ moo Nyesoaa win nì boɔ li i je, ‘Mǒ Nyesoa Ě mi Blableǎ Jǐ Mɔ̀ Tù Nyu dbǎba Ɔɔ blableǎ mǐ le gbɛ̀tɛɛ le.’ ” (Zech 13.7)

Lǔkù 24:44

È kě Ɔ dɛ̌a u je Ɔ je, “Tà a klee Mǒ ä nɛɛ̌a jèe, noǎ wùɛ kɔn tè Ě tmɛɛ̌a amoo nìà kpa tùɔn ï kɔn tè Mɔ̀sě klee Nyesoaa wnɔsàɔpo chlěaa klee ï Dèběsee Bleble Chněedɛ̌ boɔaa keǒǒ jleě mǒ, ii wùɛ nìà jaěǒ teěn.”

Jɔ̀ɔ̌n 13:1

Plě Dlǒ Mǒ Sìin Didi Dɛɛ de ngmně tǐ mǐaǒ nyni, Jùsu jia ɛle ɛ̈ moo tǐ nyniaǒ no keǒ Bɔ sɔna nɔ kmɔ̌ɔ mɔ̀ mǒ Bɔ mua de klě Ɔɔ Gbeǐ mɔ̀. Ɔ noɛɛa nyopòà neɔɔ kmɔ̌ɔ mɔ̀ mǒ no ü Ɔ kɔnʼɔ Ɔ̌ noɛɛ u mǒ kaǒ ɛ miǎ kmɔ̌ɔ dlǒ chlɛ̀chlɛ kɛn jɛɛ le.

Jɔ̀ɔ̌n 13:11

Jùsu jia nyu tae miaě Ɔɔ bo demǒ sàba le, nɛ̀ kɔn tè Ɔ dɛ̌a bò ɛ̈ moo, “Ɛ se aa wùɛ a se mnǒ le wɛ̀.”

Jɔ̀ɔ̌n 18:5

È u tùa Ɔ kɛ̀ɛn u je, “Jùsu Ɔ̈ kɔn lěe Nǎsòwɛ̌ dǐa.” È Jùsu je, “Mǒà.” È Jùdǎseà sàlaě Ɔɔ bo demǒ kě ɔ nynanaǒ u gbàa bo.

Jɔ̀ɔ̌n 18:7

È Ɔ gbàla u wan de Ɔ je, “Mɔ a pɛ̀ɛ̌n kɛ le?” Ù tùa Ɔ kɛ̀ɛn u je, “Jùsu Ɔ̈ kɔn lěe Nǎsòwɛ̌.”

Jɔ̀ɔ̌n 19:28

Tà dɛǒ ɛ sìnʼaa, Jùsu jěa lɛ ɛ̈ moo Ɔɔ konkwa wùɛ wɛ̀a mɔ̀ no kpǎkpǎ. Ɔ jlɛ̌ Bɔ nua Nyesoaa win bi jaěaǒ, ii tè Ɔ je, “Nenǎ toà ni Mǒ!”

Jɔ̀ɔ̌n 6:64

È aa tìe tùu aǎ po Ně tè kàan tè kaǒ.” È tè kɔn tè Jùsu boɛaa tèà nɛ̀ moo Ɔ jia ɛle ɛ̈ moo sɔɔnʼě ɛɛ wlò tùla mǒ nyopò tùu sea Ɔɔ tè kàan tè poba mu plě nyu tɔ̀ɔ miaě Ɔ bo demǒ sàba.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:28

Mɛ̌oǒ joo nɛ̀ moo tèe ɛɛ̌ le ɛ̈ moo mìǎǎ jemǒ dǔba plě Nè tùɔn kɛn neneɛ miǎ Ně plɔ bloo lo.’ ” (Ps 16.8-11)

1 Pitɛ̌ 4:1

Ke ɛ toon jleě mǒ bo Tentǎn Jǔu fǒ jěe sònwɛ keǒ aa tè mɔ̀, kě ba nu ke a wɛ̀ mɔ̀le keǒ ba jě sònwɛ. Mɛ̌oǒ joo nɛ̀ moo plě nyu miě kpni kukwǐ kwete mǒ sɔn, ɔɔ fǒ kɔn bɛ jě sònwɛ.