Jɔ̀ɔ̌n 17:8 - Nyesoaa Kuo Win Jajle

⁸ Mɛ̌oǒ joo nɛ̀ moo win pò Mǒo wan nì Ě tee u plě ǔ blě i kwa, tèǒ nì kɔn tè u ji ɛ sɛjesɛ ɛ̈ moo klě Ě sɔn lěè mɔ̀ mǒ plě ǔ po i kàan tè ɛ̈ moo Mò dbo Mǒ.

Jɔ̀ɔ̌n 17:8 ပူးပေါင်းရင်းမြစ်များ

Matiɔ̌n 13:11

È Ɔ tùa u kɛ̀ɛn Ɔ je, “Nyesoa nu ɛ ɛ̌ wɔ̀le ɛ keǒ ba jbo Ɔɔ win kwa konkɔnʼà ɛɛ tè le ɛ̈ wɛ̌ pnɔɔ je, kɛɛ keǒ umoǒ mɔ̀ Ɔ se ɛ pepě mǒ po.

Jɔ̀ɔ̌n 12:49

Mɛ kɔɔ̌n tèǒ joo nɛ̀ moo noǎ wùɛà Ě boɛ amoo je Ě slě i Ně chɛ̀ dlǒ wlòmo sà, noǎ wùɛà Ě boɛɛ i sɔnʼě mǒ Ně Gbeǐi doǒ mɔ̀ Ɔ̈ dbo Mǒo, Nɔ̀ tmɔɔ̌ Mǒ Bo boɔ li.

Jɔ̀ɔ̌n 14:10

Sè ke i kàan tè po ɛ̈ moo Ě neeě Gbeǐ mǒ, Gbeǐ neeɔɔ̌ mǒ le? Noǎà Ě tmɛɛ̌ amoo i slě Ně chɛ̀ dlǒ wlòmo sɔn, kɛɛ Ně Gbeǐà neeě Mǒo mǒ Nɔ̀à ni Ɔɔ konkwa klěě mǒ.

Jɔ̀ɔ̌n 15:15

Ně dae lee kɛ̀ a na wien po nyebajle. Mɛ̌oǒ joo nɛ̀ moo nyebajlo se dɛ ɔɔ chì kpa ämo nii ji. Ě dɛɛ a nenawa. Mɛ̌oǒ joo nɛ̀ moo noǎ wùɛ Ě wɔ̌nʼě Něe Gbeǐ mɔ̀ nì Ě po pepě mǒ keǒ amo.

Jɔ̀ɔ̌n 16:27

A noɛɛ neě mǒ no ǎ po Ně tè kàan tè ɛ̈ moo klě Ě sɔnʼě Ɔ mɔ̀ mǒ, nɛ̀ kɔn tè Ɔ noɛɛ a mǒ.

Jɔ̀ɔ̌n 16:30

Kèke ä jiǐ lɛ ɛ̈ moo jì noǎ wùɛ le, dɛ see kɛ̀ǒ ne ɛ̈ kɔn tè nyu bɔ gbà Mòo wan. Dɛǒ nɛ̀ kɔn tè ä po Nè tè kàan tè ɛ̈ moo klě sɔ̀nʼě Nyesoa mɔ̀ mǒ.”

Jɔ̀ɔ̌n 17:14

Ě nye u Nè winʼà ne, è kmɔ̌ faen u nu. Mɛ̌oǒ joo nɛ̀ moo u slě kmɔ̌ɔ noǎ slè kɔn wòje keà Ě nuu Ě slěe kmɔ̌ɔ noǎ slè kɔn.

Jɔ̀ɔ̌n 17:18

Keǒ nùu È dbo Mǒo kělɔ kmɔ̌ɔ mɔ̀, kě Ě nu Ě dbe ulu klě kmɔ̌ wlòmo ke.

Jɔ̀ɔ̌n 17:21

Ě bɛ̀tee le ɛ̈ di ɛɛ numa uu wùɛ u mǐ dɛɛ do nu. Ně Gbeǐ, keà nùu È neeě Mǒo mǒ plě Ě neeě Mòo mǒ, kě bu nu bu neeě Ä mǒ.

Jɔ̀ɔ̌n 17:23

Ě neeǒ u mɔ̀, È neeǒǒ mɔ̀. Nɛ bu nu dɛɛ do klě Ä mǒ kpǎkpǎ ɛ̈ di ɛɛ numa kmɔ̌ɔ nyopò mi ɛ ji ɛ̈ moo Mò dbo Mǒ plě Ě noɛɛ u mǒ keà nù Mǒo mǒ noɛɛa.

Jɔ̀ɔ̌n 17:3

Kmɔ̌ sie fònfnoo konkɔn nɛ̀ moo nyu bɔ ji Mò kàan Nyesoa Nè do plě klee Jùsu Tentǎn Jǔà dbòo.

Jɔ̀ɔ̌n 3:17

Nyesoa se Ɔɔ Jǔ dbo kělɔ kmɔ̌ɔ mɔ̀ keǒ Bɔ bɛ̌ nyopò kokǒ wun kɛn, kɛɛ keǒ Bɔ mǐ u gblà klě uu kpni kukwǐ slè.

Jɔ̀ɔ̌n 3:33

Nyu wùɛ ɔ̈ mii tuposàǒ Ɔ pee ɛɛ tè kàan tè poba, ɔmo nyuǒ ɔ tee ɛle ɛ̈ moo ɔ po ɛ kɛn kòo ɛ̈ moo Nyesoa boɛ kàan tè.

Jɔ̀ɔ̌n 6:68

È Saemɔ̌ Pitɛ̌ tùa Ɔ kɛ̀ɛn ɔ je, “Koɔn, mɔ ä kɔɔ̌n kɛ ä miě mɔ̀ muma? Nè winʼà nì blě kmɔ̌ sie fònfno.

Jɔ̀ɔ̌n 8:42

È kě Jùsu dɛ̌a u je Ɔ je, “Bɛ̌ nu sɛjesɛ Nyesoa Bɔ̌ moo aa Gbeǐ, è a mii Mǒ mǒ noɛɛma. Mɛ̌oǒ joo nɛ̀ moo Nɔ̀ kɔn mɔ̀ Ě sɔnʼě mǒ Ě neà tàa. Ě slě di keǒ Ně chɛ̀ mɔ̀, kɛɛ Nɔ̀ dbo Mǒ.

1 Kwnɛtiɛ̌ 11:23

Mɛ̌oǒ joo nɛ̀ moo dɛǒ nɛ̀ sɔnʼě Koɔn mɔ̀ mǒ Ě chěn plě Ě tee amo ɛ̈ moo tǒn jlǒ waěǒ kɔn mɔ̀ u sàea lěe äa Koɔn Jùsu bo demǒ, Ɔ dǔa flɔ̌ɔ tìe mǒ

1 Kwnɛtiɛ̌ 15:1

Ně bǐì Tentǎn Jǔu wǎn ane, Ě jlɛ̌ bi beě a wlò jleě Nyesoaa kàan tuposàà Ě poa amoo je plě a blěaǒo mɔ̀ kwa ɛ̈ a nynaa kɛn bo klě tǐà wlòmo.

1 Tɛseloniǎ 2:13

È dɛ tɛ̀ɛ kɔn tè ä pee Nyesoa tàto de tǐ wùɛ mɔ̀ nɛ̀ moo, tà a wɔ̌naa tuposàà ä po amoo je ɛ̈ sɔn lěe Nyesoa mɔ̀ mǒ, a se ɛ jebo kme wòje win sɔn lěe tùonyopo mɔ̀ mǒ, kɛɛ sɛje a kmea i jebo ke i nee wòje Nyesoaa kàan win ï nii konkwa klě amoà poo kàan tè mǒ.

1 Tɛseloniǎ 4:1

Ně bǐì Tentǎn Jǔu wǎn ane, dɛ tɛ̀ɛ neǒo de nɛ̀ moo ä teea ale ke ba nuu kmɔ̌ neneɛ klee ba nuu Nyesoaa plɔ blooa. Kmɔ̌ǒ nɛ̀ a ne klě tǐà wlòmo, kɛɛ ä gbɛ̀ɛ ɛ a wan chɔɔ dɔ̌ klě Koɔnʼɔ nynɛ̌ wlòmo keǒ ba ne kmɔ̌ bɛ̈ sìnʼǒo dɛǒ ä tee amoo mǒo chɛ̀.

1 Jɔ̀ɔ̌n 4:14

Äa chɛ̀ ä jě Nyesoaa Jǔǒ lo plě ä moo sàsepo keǒ nyopò tùu mɔ̀ ɛ̈ moo Nyesoa Ɔ̈ moo äa Gbeǐ Ɔ dbo Ɔɔ Jǔ Ɔ mǐ tùonyopo gblà klě uu kpni kukwǐi plɔ tu kɛn bo maěa bobo.

Wlɛ̀velesɔ̌n 1:1

Chněedɛ̌à ɛ boɛɛ kɛn noǎ Nyesoa nyeaa Jùsu Tentǎn Jǔ Bɔ teeaa Nyesoaa na wien po nyebajle klee nynejlu ï kɔn bi kpalaa tùɔn ï kɔn tǐ seaǒo mɔ̀ tmɔ. Tentǎn Jǔ dboa Ɔɔ najiǒpòi kělɔ mǒ Jɔ̀ɔ̌n mɔ̀ ɔ̈ moo Ɔɔ na wien po nyebajlo Ɔ̌ teeaǎ noǎǒ.