Jɔ̀ɔ̌n 17:6 - Nyesoaa Kuo Win Jajle

⁶ Ě poò mǒ pepě klě nyopòà sà lěe kmɔ̌ wlòmo nyè Mǒo mɔ̀. Mò kɔna nu, È nye u Mǒ, è u tùǒ Nè win bo.

Jɔ̀ɔ̌n 17:6 ပူးပေါင်းရင်းမြစ်များ

Jɔ̀ɔ̌n 1:18

Nyu wùɛ nɔ̀ sěɛlǎ Nyesoa jě, ɛ̀ sìnʼǒ Nyesoaa Jǔu do Ɔ̈ konwaě Ɔɔ Gbeǐ Nyesoa le Nɔ̀ tee Ɔ ämo.

Jɔ̀ɔ̌n 12:28

Tèǒ nì kɔn tè Ně Gbeǐ boaǎ Nè chɛ̀ɛ nynɛ̌ɛ tè jǐ!” È Win sɔnaě jɔkɛn mǒ kě I dɛ̌a I je, “Ě boaǎ ɛɛ tè jǐ li ɛ̌ wɛ̀ mɔ̀le plě Ě mi ɛɛ tè jǐ boaǎba de.”

Jɔ̀ɔ̌n 15:19

Bɛ̌ nu bǎ kɔnʼɔ lě kmɔ̌ wlòmo, ɛ mii a mǒ noɛɛma wòje ɛɛ nyopò. Kɛɛ Ě po ɛ ble keǒ Boǒ sàě a kmɔ̌ wlòmo, tèǒ nì kɔn tè a slě kmɔ̌ wlòmo kɔn, dɛǒ nɛ̀ kɔn tè kmɔ̌ɔ nyopò faen amo.

Jɔ̀ɔ̌n 15:3

Amoà kmee winʼà Ě tmɔɔ̌ amoo bo a snǎě mɔ̀le ɛ̌ wɛ̀ mɔ̀le.

Jɔ̀ɔ̌n 15:7

Bɛ̌ nu bǎ neǒǒ jleě mǒ bo plě noǎà Ě boɛɛ bǐ neě a mǒ bo, è bǎ gbà dɛ wùɛ a jlɛ̌ɛ wan, Nyesoa mi ɛ a nyema.

Jɔ̀ɔ̌n 17:12

Tà u klee Mǒ ä neě jè lɔɔ kmɔ̌ɔ mɔ̀, Ě tùi u mɔ̀ jǐ klě Nè nynɛ̌ wlòmo Ě nɛɛ u, ii tè uu nyuu doo chɛ̀ se mǎ, ɛ̀ sìnʼǒ nyuu doà ɔ̈ poo loo na slè mumuɛ jeja ɔ̈ mǎa ɛ̈ di ɛɛ numa Nè winʼà ï dǎla bòo i miǒ jaě le.

Jɔ̀ɔ̌n 17:14

Ě nye u Nè winʼà ne, è kmɔ̌ faen u nu. Mɛ̌oǒ joo nɛ̀ moo u slě kmɔ̌ɔ noǎ slè kɔn wòje keà Ě nuu Ě slěe kmɔ̌ɔ noǎ slè kɔn.

Jɔ̀ɔ̌n 17:16

Mɛ̌oǒ joo nɛ̀ moo u seɔ kmɔ̌ɔ mɔ̀ kɔn wòje keà Ě nuu Ě seɔ kmɔ̌ɔ mɔ̀ kɔn.

Jɔ̀ɔ̌n 17:2

Keǒ nùu È nye Ɔ kpě keǒ tùonyopo wùɛ dlǒ mǒ, kě Bɔ nu Bɔ nye nyopò wùɛ kmɔ̌ sie fònfno ü nyè Ɔɔ.

Jɔ̀ɔ̌n 17:24

Ně Gbeǐò, Ě jlɛ̌ nyopòà ü nyè Mǒo bu neǒǒ gbàa tà wùɛ Ě miǒo nema ɛ̈ di ɛɛ numa tè jǐ boaboǎà nyèa Mǒo keǒ tà noɛɛ Mǒo mǒ ɛɛ tè mɔ̀, u mǐ ɛ jě ɛ̈ Ě kɔnaa plě kmɔ̌ɔ chɛ̀à ɛ mǐi nuu nu.

Jɔ̀ɔ̌n 17:26

Ě poò pepě mǒ keǒ u mɔ̀ plě Ě miǐ jè ɛ numa ɛ̈ di ɛɛ numa mǒ noɛnoɛà nyè Mǒo ɛ miě u mǒ be, Ě miě u mǒ ne.”

Jɔ̀ɔ̌n 17:7

È klě tǐà wlòmo u ji ɛle ɛ̈ moo noǎ wùɛǒ nyè Mǒo klě i sɔn lěè mɔ̀ mǒ.

Jɔ̀ɔ̌n 18:9

Dɛǒ nɛ̀ Ɔ boɔla ɛ̈ di ɛɛ numa winʼǒ Ɔ boɔlaa i mǐaǒ jaě le ɛ̈ moo, “Nyopòà nyè Mǒo Ě se u nyuu doo chɛ̀ mǎ.”

Jɔ̀ɔ̌n 6:37

Nyu wùɛ Ně Gbeǐ mi Mǒo nyema ɔ miɔɔ̌ mɔ̀ diba. È Ě seǎ nyu wùɛ mɔ̀le plù kpe ɔ̈ miɔ Mǒo mɔ̀ diba.

Jɔ̀ɔ̌n 6:39

Nyesoaà dbo Mǒo Ɔ se jlǎ Bo mǎ nyu wùɛ Ɔ nye Mǒo, kɛɛ klě demǒ bɔɔ̌ chnɛ̀ jlǒ waě wlòmo Ɔ jlɛ̌ Bo dǔǎ u jemǒ Bo nyeǎ u kmɔ̌ sie fònfno.

Jɔ̀ɔ̌n 8:51

Kàan tè nìà Ě boɛ a je, nyu wùɛ ɔ̈ miǒo winʼà Ě boɛɛ bo tùba ɔ seǎ kǒ kpe.”

Jɔ̀ɔ̌n 8:52

È Jùwɛ nyo tùia Ɔ kɛ̀ɛn u je, “Kèke ä jiǐ ɛ kàan tè ɛ̈ moo kǔ sùsu neěè ja. Eblɛ̌hɛ̀mo klee Nyesoaa wnɔsàɔpo wùɛ u kǒ lo, kɛɛ kě dɛ̀ ä je ɛ̈ moo nyuà ɔ̈ miǒo winʼà bòɛɛ bo tùba ɔ seǎ kǒ kpe.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:48

Tà kuodakwɛ̌ wɔ̌na imoo tèǒ, ùu plɛ bloa le ǔ pea Nyesoaa nynɛ̌ le keǒ Ɔɔ tuposàǒ mɔ̀. È nyopò wùɛà Nyesoa tbalaa keǒ kmɔ̌ sie fònfnoǒ mɔ̀ ü bu kɔn nɛɛ, ù poa tuposàǒ kàan tè.

Wlǔmɔ 11:2

Nyesoa seǒ Ɔɔ nyopò plomǒ po ü Ɔ sàlaǒo seela tǐ jleě. A se kɛ i ji dɛǒ Nyesoaa win boɛɛ klě Ilaejɔ̀ɔ tɔ̀n tè wlòmo le? Ɔ bɛ̀tea Nyesoa le keǒ Bɔ sùea Ǐsòwɛ̌ kwɛɛn gbè, kě ɔ dɛ̌a

2 Kwnɛtiɛ̌ 4:6

Mɛ̌oǒ joo nɛ̀ moo Nyesoaa doǒ Ɔ̈ nuaa pepě ɛ̌ fɔnaa klě kwijlě slè Nɔ̀ fɛn klě äa wlè jleě ɛ̈ nu ɛɛ ä kɔnʼɔ pepě ɛ̈ monoo Nyesoaa tè jǐ boaboǎa tè le jbojbɛ ɛ̈ fɛɛnʼǒo Jùsu Tentǎn Jǔ je.

Klasɔ̌n 3:16

Nɛ bo Tentǎn Jǔu win bi neě a mǒ. A nu Nyesoaa tɔ̀n wùɛ a mǐ tetee le klee a miǒ snǔ mɔ̀le popoo lo. A ble Sàǎmʼa wleǎ klee wleǎ tìi, jà wleǎà Ngmà Je Ne Sùsu nɛɛ nee, a blee Nyesoa mɔ̀le klě chǒn le nunuɛ mǒ.

2 Timɛtě 1:13

Ɛmo tuposàǒ wɔ̀nʼɔ ɛ̈ sɔnʼě mǒo wien mǒ nɛ̀ bò tmɔɔ̌ nyopò tùu, è tè wlò popoɛ klee mǒ noɛnoɛ Tentǎn Jǔ Jùsu nye mòo bi muu nya.

Hiblǔ 2:12

Kě Ɔ dǎ Nyesoa je Ɔ je, “Ě mi Nè nynɛ̌ Ně mamǔpò tmɔɔ̌ma. Ě mi bleba Ě mǐ Nè nynɛ̌ le po keǒ Nè nyopò jemǒ.” (Ps 22.22)

Hiblǔ 3:6

Kɛɛ Tentǎn Jǔ mǎě bo sèn wòje Nyesoaa Jǔ Ɔ̈ kɔnʼɔ Nyesoaa nyopò win kwa. Bɛ̌ nu bä ke nya mii ni bä ke wlò kpaea klee kponkpɛ kwɛn klě Tentǎn Jǔu do mǒ, è ä moo Nyesoaa nyopò.

1 Pitɛ̌ 1:1

Mǒ Pitɛ̌à chlě chněedɛ̌à ɔ̈ moo Tentǎn Jǔ Jùsuu tuposà kpa nyu, Ě chleě ɛ amo Nyesoaa nyopò mɔ̀ ü Ɔ sà lěe ü nee kmɔ̌ wòje dakpě ü gbɛ̀tɛɛ lee blěe wakě wùɛ kɛn le, jà Pɔntɔ̀ klee Kalesìa klee Kapodosìa klee Esìa klee Betimiǎ wakě wùɛǒ.

1 Jɔ̀ɔ̌n 5:20

Ä ji ɛ de ɛ̈ moo Nyesoaa Jǔ diě le Ɔ̌ nye ä tèe le jbojbɛ, nɛ̀ ni ɛ ä ji kàan Nyesoa. Ä neeě kàan Nyesoa mǒ klee Ɔɔ Jǔ Jùsu Tentǎn Jǔ. Dɛǒ nɛ̀ moo kàan Nyesoa klee kmɔ̌ sie fònfno.

Wlɛ̀velesɔ̌n 2:13

Ě ji tà a neǒo no, tàa teěnʼǒ Setɛ̀nʼɛ klɔ̀ba gbèsɛɛ neǒo keǒ a neǒ. Kɛɛ kaǒ a kɔn wlò kpaea klěě mǒ. Ɛntèpa ɔ̈ mooa Ně sàsepoi ɔ kɔna wlò kpaea klěě mǒ. Tà ɔ nua Něe konkwa klě aa diě wlòmo, tàà Setɛ̀n tǐnʼěe, u dbǎla ɔ lo, kɛɛ aa tè wlò popoɛ a kɔnʼɔ klěě mǒ a sea ɛ mǎ.

Wlɛ̀velesɔ̌n 3:10

Ke ɛ toon jleě mǒ bo ǎ tùǒ Něe win bo keǒ ba nynaa tǐ jakě jebo, bo tǐ jakěe tǐ bǐ diě, Ě mi ɛ numa dɛ se a le tǒba mu. Imo tǐ jakěǒ i diě le keǒ kmɔ̌ wùɛà mɔ̀ i miě nyopòà neɔ ɛɛ mɔ̀ měne tɛ̀n.

Wlɛ̀velesɔ̌n 3:8

Ě ji dɛ a nii ni plě Ě ji ɛle ɛ̈ moo a se kpě fòe blě, kɛɛ a tùǒ Ně win bo klee a sěɛlǎ Ně nynɛ̌ɛ tè mǒ chnɛ̀. Tèǒ nì kɔn tè Ě nye a fɔ̌ keǒ ba nunuǔ konkwa mɔ̀ ɛ̈ nyu wùɛ slě wɔ̀ bɔ sà amoo kwa.