Jɔ̀ɔ̌n 17:5 - Nyesoaa Kuo Win Jajle

⁵ Ně Gbeǐ, klě tǐà wlòmo nyeě tè jǐ boaboǎ keǒ Nè chɛ̀ jemǒ, tè jǐ boaboǎà Ě kɔnaa plě kmɔ̌à ɛ mǒaa wlò tùu lu.

Jɔ̀ɔ̌n 17:5 ပူးပေါင်းရင်းမြစ်များ

Matiɔ̌n 25:34

È kě Klɔ̀baǒ Ɔ miǎ nyopòǒ neɔɔ dilǎ son mɔ̀ je dǎba, ‘Amoà amo Ně Gbeǐ po ngmna mɔ̀, a diě a mǐ jɔkɛn deplěà kɔn ɛ̈ Nyesoa wɔ̀ɔ mɔ̀le keǒ a mɔ̀ sɔɔnʼě kmɔ̌à ɛɛ wlò tùla mǒ.

Jɔ̀ɔ̌n 1:18

Nyu wùɛ nɔ̀ sěɛlǎ Nyesoa jě, ɛ̀ sìnʼǒ Nyesoaa Jǔu do Ɔ̈ konwaě Ɔɔ Gbeǐ Nyesoa le Nɔ̀ tee Ɔ ämo.

Jɔ̀ɔ̌n 10:30

Ně Gbeǐ klee Mǒ Ä moo dɛɛ do.”

Jɔ̀ɔ̌n 14:9

È Jùsu gbàla ɔ wan Ɔ je, “Felɔ̌, tǐ wùɛà Ě sìnʼɔ amoo slè kě sèɛɛ̌ ji kaǒ? Nyuà ɔ̈ jě Mǒo ɔ jě Ně Gbeǐ le ke. Mɛ kɔɔ̌n tè dɛ̀ɛ̌ kɛ bò ɛ̈ moo ‘Tee Nè Gbeǐ ämo?’

Jɔ̀ɔ̌n 17:1

Tà Jùsu wɔ̀laa tè wùɛǒ boɔboɔ mɔ̀, Ɔ tanaě jɔkɛn le kě Ɔ dɛ̌a Ɔ je, “Ně Gbeǐ, tǐ nyniǒ no, nye Nè Jǔà tè jǐ boaboǎ ɛ̈ di ɛɛ numa Ɔ mǐì tè jǐ boaboǎ nye.

Jɔ̀ɔ̌n 17:24

Ně Gbeǐò, Ě jlɛ̌ nyopòà ü nyè Mǒo bu neǒǒ gbàa tà wùɛ Ě miǒo nema ɛ̈ di ɛɛ numa tè jǐ boaboǎà nyèa Mǒo keǒ tà noɛɛ Mǒo mǒ ɛɛ tè mɔ̀, u mǐ ɛ jě ɛ̈ Ě kɔnaa plě kmɔ̌ɔ chɛ̀à ɛ mǐi nuu nu.

Jɔ̀ɔ̌n 3:13

È ɛɛ tee dɛ nɛ̀ moo nyu wùɛ nɔ̀ sěɛlaě jɔkɛn mi, ɛ̀ sìnʼǒ Jbɛjuu Jǔu doà Ɔ̈ sɔn lěe Jɔkɛn mǒ Ɔ̈ diɔɔ wɔ̀ɔn.

Jɔ̀ɔ̌n 8:58

È Ɔ tùia u kɛ̀ɛn Ɔ je, “Plě Eblɛ̌hɛ̀mo mǒ kɔnʼɔ no Ě ne kmɔ̌.”

Flepiɛ̌n 2:6

Kàan tè Ɔ moo Nyesoa klě Ɔɔ kmɔ̌ neneɛ mǒ, kɛɛ Ɔ seaǒ nyopò demǒ ne bɛɛ keǒ bu nua Ɔɔ dɛ wòje Nyesoa.

Hiblǔ 1:10

Kě Nyesoa dǎ Ɔ je ke ɛ̈ moo, “Koɔn, sɔɔnʼě ɛɛ wlò tùla mǒ Mò nua kmɔ̌ klee jɔkɛn.

Hiblǔ 1:3

Nɔ̀ moo Nyu Ɔ̈ tee ɛɛ ɛ̈ moo Nyesoa ne kɛn tùɔn plě Nyesoaa kmɔ̌ nɛ̀ neě Ɔ ja teěn. Nɔ̀ ni kmɔ̌à ɛ̌ neǒ klě Ɔɔ kpě kɛne win wlòmo. Tà Ɔ nu ɛɛ ɛ wɔ̀le ɛɛ keǒ tùonyugbee dɛ kukǔu tè bi poo loo wlò le, è Ɔ ne bo klě jɔkɛn klě Ja Tmɔ Nyesoaa dilǎ son mɔ̀ keǒ tùɔnʼǒ kɔnʼǒo tùtuɛ fòɛ kɛn.

1 Pitɛ̌ 1:20

Plě Nyesoa mǐa kmɔ̌à ɛɛ nunuɛ wlò tù, Tentǎn Jǔ Nɔ̀ Ɔɔ chɛ̀ tbala Bɔ̈ nua ɛmo konkwaà, kɛɛ Nyesoa po Ɔ pepě mǒ keǒ aa tè mɔ̀ klě kmɔ̌à ɛɛ demǒ bɔɔ̌ chnɛ̀ jlǒ wě wlòmo.

1 Pitɛ̌ 1:21

Tentǎn Jǔ Nɔ̀ nu ɛ ǎ kɔn wlò kpaea klě Nyesoa mǒ Ɔ̈ dǔa Ɔɔ jemǒ Ɔ̈ sàlaě Ɔɔ kǒla mǒ Ɔ̌ nyea Ɔ tè jǐ boaboǎ ɛ̈ di ɛɛ numa a mǐ Ɔmo Nyesoa wlò kpae le klee a mǐ Ɔ wlò je kuun nu.

1 Jɔ̀ɔ̌n 1:2

Tà Ɔ wǒaa tàmo, ä jěa Ɔ lo plě ä ni Ɔɔ sàse dɛ klě tǐà wlòmo klě a mɔ̀, Nɔ̀ kɔn tè ä tmɛɛ̌ amo, Ɔ̈ nye ämoo kmɔ̌ sie fònfno. Ɔ neaě Nyesoa mɔ̀ Ɔ̈ moo äa Gbeǐ plě Nyesoa poa Ɔ pepě mǒ keǒ ä mɔ̀.

Wlɛ̀velesɔ̌n 13:8

Nyopò wùɛ neɔɔ blǒɔ mɔ̀ nù mi ɔɔ wɛ̀ sàba ü sɔɔnʼaě kmɔ̌à ɛɛ wlò tùla mǒ ü kɔn nyneǎ seaa chleě le klě Blajǔà kǒaa Ɔɔ fònfno chněedɛ̌ wlòmo.

Wlɛ̀velesɔ̌n 3:21

Nyu wùɛ ɔ̈ mii duduɛ kɔnma, nɔ̀ Ě mi fɔ̌ nyema ɔ klee Mǒo sɔ̌n ä miǒ Ně klɔ̀ba gbèsɛɛ kɛn bo ne wòje keǒ Ě nuaa Ě kɔnaa dudu ii tè Mǒ klee Ně Gbeǐi sɔ̌n Ä neǒo Ɔɔ klɔ̀ba gbèsɛɛ kɛn bo.’