Jɔ̀ɔ̌n 17:3 - Nyesoaa Kuo Win Jajle

³ Kmɔ̌ sie fònfnoo konkɔn nɛ̀ moo nyu bɔ ji Mò kàan Nyesoa Nè do plě klee Jùsu Tentǎn Jǔà dbòo.

Jɔ̀ɔ̌n 17:3 ပူးပေါင်းရင်းမြစ်များ

Mǎkè 9:37

“Nyu wùɛ ɔ̈ mii jǔ gbeà kuun Mǒo wlò je jebo kmema wòje keà jǔà ɔɔ ka nee je, è Ně chɛ̀à ɔ kmeě jebo. È nyu wùɛ ɔ̈ mi Mǒo jebo kmema, ɛ se bɔ kmeě jeboo do, kɛɛ Nyuà dbo Mǒo Nɔ̀ǒ ɔ kme jebo.”

Lǔkù 9:48

è kě Ɔ dɛ̌a u je Ɔ je, “Nyu wùɛ ɔ̈ mii jǔ gbeà kuun Mǒo wlò je jebo kmema wòje keà jǔà ɔɔ ka nee je, è Ně chɛ̀à ɔ kmeě jebo. È nyu wùɛ ɔ̈ mi Mǒo jebo kmema, è Nyuà dbo Mǒo Nɔ̀ǒ ɔ kmeě jebo. Klě a slè nyuà tìeǒ ɔɔ chɛ̀ ja nɔ̀ kɔn tè kma chɔɔ klě Nyesoa jǐ kɛn.”

Jɔ̀ɔ̌n 10:36

kɛɛ tà Nyesoa sà Mǒo Ɔ̈ dbo Mǒo kělɔ kmɔ̌ɔ mɔ̀ kělɔ a mɔ̀, a tmɛɛ̌ Mǒ ɛ̈ moo tà Ě je Ě moo Ɔɔ Jǔ, Ě pe Ɔ wan fla.

Jɔ̀ɔ̌n 11:42

Ě ji ɛle pèě jebo nɔkǔ tǐ wùɛ mɔ̀, è dɛà Ě boɛɛà Ě boɛ ɛle sosǒ keǒ nyopòà nynanàa tùɔnʼà kɛn bo mɔ̀ ɛ̈ di ɛɛ numa u mǐ i kàan tè po ɛ̈ moo Mò dbo Mǒ.”

Jɔ̀ɔ̌n 14:26

Bɛ̌ sìn, Ně Gbeǐ mi Wlò Wlòmo Ble Tùɔ̌ dboba klě Ně nynɛ̌ wlòmo Ɔ̈ moo Ngmà Je Ne Sùsu. Nɔ̀ mi a noǎ wùɛ teeba plě Ɔ miě a noǎ wùɛ Ě tmɔɔ̌ amoo wlòmo pooba.

Jɔ̀ɔ̌n 17:18

Keǒ nùu È dbo Mǒo kělɔ kmɔ̌ɔ mɔ̀, kě Ě nu Ě dbe ulu klě kmɔ̌ wlòmo ke.

Jɔ̀ɔ̌n 17:21

Ě bɛ̀tee le ɛ̈ di ɛɛ numa uu wùɛ u mǐ dɛɛ do nu. Ně Gbeǐ, keà nùu È neeě Mǒo mǒ plě Ě neeě Mòo mǒ, kě bu nu bu neeě Ä mǒ.

Jɔ̀ɔ̌n 17:23

Ě neeǒ u mɔ̀, È neeǒǒ mɔ̀. Nɛ bu nu dɛɛ do klě Ä mǒ kpǎkpǎ ɛ̈ di ɛɛ numa kmɔ̌ɔ nyopò mi ɛ ji ɛ̈ moo Mò dbo Mǒ plě Ě noɛɛ u mǒ keà nù Mǒo mǒ noɛɛa.

Jɔ̀ɔ̌n 17:25

Ně Jebo Siǐn Gbeǐ, kmɔ̌ɔ nyopòà u seè ji, kɛɛ Mǒà Ě jiì li plě nyopòà ǔ ji ɛ ɛ̈ moo Mò dbo Mǒ.

Jɔ̀ɔ̌n 17:8

Mɛ̌oǒ joo nɛ̀ moo win pò Mǒo wan nì Ě tee u plě ǔ blě i kwa, tèǒ nì kɔn tè u ji ɛ sɛjesɛ ɛ̈ moo klě Ě sɔn lěè mɔ̀ mǒ plě ǔ po i kàan tè ɛ̈ moo Mò dbo Mǒ.

Jɔ̀ɔ̌n 3:17

Nyesoa se Ɔɔ Jǔ dbo kělɔ kmɔ̌ɔ mɔ̀ keǒ Bɔ bɛ̌ nyopò kokǒ wun kɛn, kɛɛ keǒ Bɔ mǐ u gblà klě uu kpni kukwǐ slè.

Jɔ̀ɔ̌n 3:34

Nyesoa sàǒ Ɔɔ chɛ̀ɛ Sùsu Nɛ̀ Ɔ nye Nyuà Ɔ dboo Nɛ̀ jǐ Ɔ je, ii tè Ɔ boɛ dɛ Nyesoa boɛɛ.

Jɔ̀ɔ̌n 5:44

Aa sosǒ a pepee nyneǎ le, kɛɛ aǎ tɛ̀n ɛ mǒo chɛ̀ keǒ ba jě nynɛ̌ le popoɛ klě Nyesoa mɔ̀, è ke a miǐ kɛ Ně tè kàan tè popoɛ numa?

Jɔ̀ɔ̌n 6:57

Keà ɛ nuu Ně Kmɔ̌ Ne Gbeǐ dbo Mǒo plě Ě nee kmɔ̌ keǒ Ɔɔ tè mɔ̀, dɛɛ doǒ nɛ̀ ɛ mono, nyu wùɛ ɔ̈ mi Mǒo diba ɔ mi kmɔ̌ nema keǒ Ně tè mɔ̀.

Jɔ̀ɔ̌n 7:29

Klě Ɔ mɔ̀ Ě sɔnʼě mǒ, Nɔ̀ dbo Mǒ, ii tè Ě ji Ɔlo.”

Jɔ̀ɔ̌n 8:19

È u gbɛ̀a Ɔ wan u je, “È tà Gbèǐ neě kɛ?” È Jùsu tùa u kɛ̀ɛn Ɔ je, “A se Mǒ klee Ně Gbeǐ ji. Bɛ̌ nu bǎ jii Mǒ, è a mii Ně Gbeǐ jiba ke.”

1 Kwnɛtiɛ̌ 15:34

A di aa chɛ̀ mɔ̀ a mǐ kpni kukwǐ bɔ̌. Aa tìe tùu ni dɛ wòje keà nyu see Nyesoa ji, Ě boɛ ili ɛ miǒ a tònwe je po.

1 Kwnɛtiɛ̌ 8:4

Ii tè klě tǐà wlòmo a nɛ bä boɔɔ nmià u sàe lee nǔkpuǐ bɔ̀ je ɛɛ didi tè kɛn. Ä ji ɛle sɛje ɛ̈ moo nǔkpuɔ̌ se fònfno mǒ ne kělɔ kmɔ̌ɔ mɔ̀ plě ä ji ɛ ɛ̈ moo Nyesoa ne do sosǒ.

2 Kwnɛtiɛ̌ 4:6

Mɛ̌oǒ joo nɛ̀ moo Nyesoaa doǒ Ɔ̈ nuaa pepě ɛ̌ fɔnaa klě kwijlě slè Nɔ̀ fɛn klě äa wlè jleě ɛ̈ nu ɛɛ ä kɔnʼɔ pepě ɛ̈ monoo Nyesoaa tè jǐ boaboǎa tè le jbojbɛ ɛ̈ fɛɛnʼǒo Jùsu Tentǎn Jǔ je.

Flepiɛ̌n 3:10

Tèǒ nì kɔn tè Ě jlɛ̌ boǒ ji Tentǎn Jǔ klee kpěǒ sàlaě Ɔɔ kǒla mǒ plě Ě jlɛ̌ bo kɔnʼǒ kàan noǎǒ Ɔɔ kokoɛ̌ klee sònwɛ jejeɛ̌ nye ämoo wakǎ jleě mǒ.

Flepiɛ̌n 3:8

Bɛ̌ nu bo po imo noǎǒ kàan dɛǒ neǒo nyu bɔ ji Tentǎn Jǔ Jùsu wlòmo je Ɔ̈ moo ně Koɔn, ii wùɛ Ě jě li ɛ̈ moo i se dɛ mǒ ne. Keǒ Ɔɔ tè mɔ̀ Ě sàǒ noǎ wùɛ mɔ̀ jleě plě Ě jě li ɛ̈ moo i moo wɔ̀te ɛ̈ di ɛɛ numa Ě mǐ Tentǎn Jǔ kɔn

1 Tɛseloniǎ 1:9

Uu chɛ̀ tmɛɛ̌ äne ke a nua ämoo jebo kmekmɛ plě ke a nuaǒ nǔkpuǐi wɛ̀ sèsa dɛ demǒ sonsɔn a nii kàan kmɔ̌ ne Nyesoa konkwa mɔ̀ nuua.

2 Tɛseloniǎ 1:8

È nyopòǒ se Ɔ ji Ɔ miǎ na numa Ɔ miǎǒ uu plɔ tu kɛn bo maě ne klee nyopòà se Ɔɔ kàan tuposàa tè kàan tè po ɛ̈ kwɛɛǒo äa Koɔn Jùsu jleě mǒ bo.

Hiblǔ 3:1

Ii tè ně ngmà je ne Tentǎn Jǔu wǎn ane, amoà Nyesoa daa a po Jùsu nɔkǔ jebo Ɔ̈ moo Nyesoaa tuposà kpa Nyu klee Bodiɔ keǒ äa tè wlò popoɛ mɔ̀ ɛ̈ kɔn tè ä sà lěe wun mǒ.

2 Pitɛ̌ 1:2

Ɛ̈ kɔn amo diěe a mǐi Jùsu ji chɔɔ Ɔ̈ moo äa Koɔn, nɛ Nyesoaa wlòo jlajlǎ dɛà ɛ̈ɛ̌ sà Ɔɔ wlò kǔ mǒ keǒ a mɔ̀ klee ně bo wnawna a kɔnʼɔ ï sonwɛě Ɔɔ mɔ̀ mǒ bi bebee kɛne.

2 Pitɛ̌ 1:3

Nyesoaa Ngmà Je Ne kpě nye ä dɛ wùɛ ä sòɛɛ keǒ bä nee Nyesoa dɛ kmɔ̌ klee dɛ wùɛ ä sòɛɛ ä mǐ Ɔmo Nyesoaa chɛ̀ ji Ɔ̈ da ämoo ä miǒ Ɔɔ tè jǐ boaboǎ klee Ɔɔ kàan kmɔ̌ wakǎ jleě mǒ kɔn.

2 Pitɛ̌ 1:8

Dɛ ɛ nuu nɛ̀ moo bɛ̌ nu kmɔ̌ taeǒ bɛ̌ fò lěè ja, ɛ miì numa mì kàan dɛ nu, ɛ miěè kàan noǎ mɔ̀ ja plě ɛ miě dɛ le jbojbɛ ja ɛ̈ kwɛɛǒo äa Koɔn Jùsu Tentǎn Jǔ jleě mǒ bo.

1 Jɔ̀ɔ̌n 1:2

Tà Ɔ wǒaa tàmo, ä jěa Ɔ lo plě ä ni Ɔɔ sàse dɛ klě tǐà wlòmo klě a mɔ̀, Nɔ̀ kɔn tè ä tmɛɛ̌ amo, Ɔ̈ nye ämoo kmɔ̌ sie fònfno. Ɔ neaě Nyesoa mɔ̀ Ɔ̈ moo äa Gbeǐ plě Nyesoa poa Ɔ pepě mǒ keǒ ä mɔ̀.

1 Jɔ̀ɔ̌n 1:3

Dɛà äa chɛ̀ ä jěaa plě ä wɔ̌naa nɛ̀ kɔn tèà ä tmɛɛ̌ amo ɛ̈ di ɛɛ numa a mǐ ä kɛn be ä miǒ tàa do na klě Nyesoa dɛ mǒ Ɔ̈ moo äa Gbeǐ klee Ɔɔ Jǔ Jùsu Tentǎn Jǔ

1 Jɔ̀ɔ̌n 2:23

Nyu wùɛ ɔ̈ mi Ɔɔ Jǔǒ jleě mǒ sàba, è Ɔɔ Gbeǐǒ ɔ sà jleě mɔ̀ ke. Nyu wùɛ ɔ̈ mii Jǔǒ jebo kmema, è Ɔɔ Gbeǐǒ ɔ kme jebo ke.

1 Jɔ̀ɔ̌n 4:6

Kɛɛ ämoà ä sɔnʼě mǒ Nyesoa mɔ̀, nyu wùɛà jii Nyesoa ɔ pe ä jebo nɔkǔ. Nyu wùɛà seǒo Nyesoa mɔ̀ mǒ sɔn ɔɔ̌ po äa win nɔkǔ jebo. Dɛǒ nɛ̀ ä jbee Nyesoaa kàan Sùsu klee sùsuà gbee lee nyopò mǒ.

1 Jɔ̀ɔ̌n 5:20

Ä ji ɛ de ɛ̈ moo Nyesoaa Jǔ diě le Ɔ̌ nye ä tèe le jbojbɛ, nɛ̀ ni ɛ ä ji kàan Nyesoa. Ä neeě kàan Nyesoa mǒ klee Ɔɔ Jǔ Jùsu Tentǎn Jǔ. Dɛǒ nɛ̀ moo kàan Nyesoa klee kmɔ̌ sie fònfno.