Jɔ̀ɔ̌n 17:23 - Nyesoaa Kuo Win Jajle

²³ Ě neeǒ u mɔ̀, È neeǒǒ mɔ̀. Nɛ bu nu dɛɛ do klě Ä mǒ kpǎkpǎ ɛ̈ di ɛɛ numa kmɔ̌ɔ nyopò mi ɛ ji ɛ̈ moo Mò dbo Mǒ plě Ě noɛɛ u mǒ keà nù Mǒo mǒ noɛɛa.

Jɔ̀ɔ̌n 17:23 ပူးပေါင်းရင်းမြစ်များ

Jɔ̀ɔ̌n 10:38

kɛɛ bɛ̌ nu Bo ke i ni plě bǎ se Ně tè kàan tè poo chɛ̀, è a blɛɛ je ba po wlòlekaen noǎà Ě nii ii tè kàan tè ɛ̈ di ɛɛ numa a mǐ ɛ ji kàan tè ɛ̈ moo Ně Gbeǐ Nɔ̀ neěě Mǒ plě Ě neeě Ɔ mǒ.”

Jɔ̀ɔ̌n 13:35

Bɛ̌ nu bǎ nonoɛɛ měne, nyopò wùɛ mi ɛ jiba ɛ̈ moo amoo Ně mɔ̀ na nyo.”

Jɔ̀ɔ̌n 14:10

Sè ke i kàan tè po ɛ̈ moo Ě neeě Gbeǐ mǒ, Gbeǐ neeɔɔ̌ mǒ le? Noǎà Ě tmɛɛ̌ amoo i slě Ně chɛ̀ dlǒ wlòmo sɔn, kɛɛ Ně Gbeǐà neeě Mǒo mǒ Nɔ̀à ni Ɔɔ konkwa klěě mǒ.

Jɔ̀ɔ̌n 14:23

È Jùsu tùa ɔ kɛ̀ɛn Ɔ je, “Bɛ̌ nu nyu bɔ̌ noɛɛ neě mǒ ɔ tùiǒ Ně teteǎ bo, è Ně Gbeǐ mi ɔ mǒ noɛɛma, è Mǒ klee Ně Gbeǐ Ä miě ɔ mɔ̀ diba Ä miě tǐn.

Jɔ̀ɔ̌n 15:9

Ě noɛɛ a mǒ no wòje keà Ně Gbeǐ nu Mǒo mǒ noɛɛa. A neě Ně mǒ noɛnoɛ mǒ bo.

Jɔ̀ɔ̌n 16:27

A noɛɛ neě mǒ no ǎ po Ně tè kàan tè ɛ̈ moo klě Ě sɔnʼě Ɔ mɔ̀ mǒ, nɛ̀ kɔn tè Ɔ noɛɛ a mǒ.

Jɔ̀ɔ̌n 17:11

Klě Ě diěè mɔ̀, ii tè Ě see kɛ̀ɔ kmɔ̌ɔ wlòmo nema mu, kɛɛ umoà nù Ě siɔ kmɔ̌ɔ mɔ̀. Tèǒ nì kɔn tè Ngmà Je Ne Gbeǐ, tù nyopòà jǐ mɔ̀ klě Nè nynɛ̌ wlòmo ɛ̈ di ɛɛ numa u mǐ dɛɛ do nu wòje keà Ä nuu Ä nuu dɛɛ do.

Jɔ̀ɔ̌n 17:21

Ě bɛ̀tee le ɛ̈ di ɛɛ numa uu wùɛ u mǐ dɛɛ do nu. Ně Gbeǐ, keà nùu È neeě Mǒo mǒ plě Ě neeě Mòo mǒ, kě bu nu bu neeě Ä mǒ.

Jɔ̀ɔ̌n 17:24

Ně Gbeǐò, Ě jlɛ̌ nyopòà ü nyè Mǒo bu neǒǒ gbàa tà wùɛ Ě miǒo nema ɛ̈ di ɛɛ numa tè jǐ boaboǎà nyèa Mǒo keǒ tà noɛɛ Mǒo mǒ ɛɛ tè mɔ̀, u mǐ ɛ jě ɛ̈ Ě kɔnaa plě kmɔ̌ɔ chɛ̀à ɛ mǐi nuu nu.

Jɔ̀ɔ̌n 17:26

Ě poò pepě mǒ keǒ u mɔ̀ plě Ě miǐ jè ɛ numa ɛ̈ di ɛɛ numa mǒ noɛnoɛà nyè Mǒo ɛ miě u mǒ be, Ě miě u mǒ ne.”

Jɔ̀ɔ̌n 17:3

Kmɔ̌ sie fònfnoo konkɔn nɛ̀ moo nyu bɔ ji Mò kàan Nyesoa Nè do plě klee Jùsu Tentǎn Jǔà dbòo.

Jɔ̀ɔ̌n 17:8

Mɛ̌oǒ joo nɛ̀ moo win pò Mǒo wan nì Ě tee u plě ǔ blě i kwa, tèǒ nì kɔn tè u ji ɛ sɛjesɛ ɛ̈ moo klě Ě sɔn lěè mɔ̀ mǒ plě ǔ po i kàan tè ɛ̈ moo Mò dbo Mǒ.

Jɔ̀ɔ̌n 3:17

Nyesoa se Ɔɔ Jǔ dbo kělɔ kmɔ̌ɔ mɔ̀ keǒ Bɔ bɛ̌ nyopò kokǒ wun kɛn, kɛɛ keǒ Bɔ mǐ u gblà klě uu kpni kukwǐ slè.

Jɔ̀ɔ̌n 6:56

nyu wùɛ ɔ̈ mi Něe fǒ diba plě ɔ̈ mi Něe nymɔ nǎma ɔ miěě mǒ nema plě Ě miě ɔ mǒ ne.

1 Kwnɛtiɛ̌ 1:30

Nyesoa Nɔ̀ jaě amo a klee Tentǎn Jǔ Jùsu ǎ nu dɛɛ do Ɔ̌ nye ä tɔ̀n klě Tentǎn Jǔ mǒ, è plě Ɔ̌ nu ä jebo siǐn nyo klee ngmà je ne nyo mǒ plě Nɔ̀ gblà ämo klě kpni kukwǐi plɔɔ tu kɛn bo maěa bobo klě Ɔ mǒ.

2 Kwnɛtiɛ̌ 5:21

Nyesoa nua Tentǎn Jǔà dɛ kukǔ slě mǒ ne keǒ Bɔ wǒa dɛ kukǔ nuɔ keǒ äa tè mɔ̀ ɛ̈ di ɛɛ numa Ɔmo Nyesoa Ɔ mǐ ä jebo siǐn nyo mǒ nu klě Tentǎn Jǔ mǒ.

Kalesiɛ̌n 3:28

Tèǒ nì kɔn tè mɔ̀le bebɛ̌ seǒ Jùwɛ nyo klee kuodakwɛ̌ slè ne klee keǒ kèiapo klee nyopòà see kèiapo slè ne plě keǒ jbɛju klee nynɔ slè. Aa wùɛ a moo dɛɛ do klě aa tè wlò popoɛ mǒ ɛ̈ a kɔnʼɔ klě Tentǎn Jǔ Jùsu mǒ.

Flepiɛ̌n 3:15

Ämoà snǎ lěe mɔ̀le ɛmo dɛǒ nɛ̀ bä sìɛn dlǒ mɔ̀le. Bɛ̌ nu aa tìee dlǒ le sìɛnsiɛn bɛ̌ ne dɔ̌, Nyesoa mi a de jaeba a mǐ dɛǒ monoo mǒ slɛɛ̌ dɛ dlǒ mɔ̀le sìɛn ne.

Klasɔ̌n 1:28

Ä boɛɛ kɛn Tentǎn Jǔu tè klě nyopò wùɛ mɔ̀, ä wɛ uu wùɛ wlò je plě ä tee u Nyesoaa tɔ̀n ɛ̈ di ɛɛ numa ä mǐ nyopò wùɛ nu u miě mɔ̀le snǎ klě uu tè wlò popoɛ mǒ ɛ̈ u kɔnʼɔ klě Tentǎn Jǔ mǒ.

Klasɔ̌n 2:2

ɛ̈ di ɛɛ numa u mǐ kbě ja le be klee mǒ nonoɛɛa miǒ u tàa do po, è u mi wlò je kunkuɛn jakǎ blěba ɛ̈ sonwɛ lěe Nyesoaa Je Wɛ̌ Dɛɛ tèe le jbojbɛ mɔ̀ mǒ Ɛ̈ monoo Tentǎn Jǔ.

Klasɔ̌n 3:14

Mǒ noɛnoɛ nɛ̀ bɛ pɛnʼǒ dɛ wùɛ dlǒ mǒ bo. Mǒ noɛnoɛ nɛ̀ ni nyopò wùɛ ǔ kenkmeeǒ mɔ̀ ble kpǎkpǎ.

1 Pitɛ̌ 5:10

Nyesoa kɔn wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀ tǐ wùɛ mɔ̀ plě Ɔ̌ da amo klě Ɔɔ kmɔ̌ sie tè jǐ boaboǎǒ slè ɛ̈ diiě aa tè wlò popoɛ a kɔnʼɔ mǒ klě Tentǎn Jǔ mǒ. Ii tè bɛ̌ nu bǎ jě sònwɛ klě tǐ gbei wlòmo bɛ̌ sìn, Nɔ̀ mi a jemǒ dǔba klee Nɔ̀ mi a kbě ja le poba plě Ɔ miǒ a mɔ̀ mǎma.

1 Jɔ̀ɔ̌n 1:3

Dɛà äa chɛ̀ ä jěaa plě ä wɔ̌naa nɛ̀ kɔn tèà ä tmɛɛ̌ amo ɛ̈ di ɛɛ numa a mǐ ä kɛn be ä miǒ tàa do na klě Nyesoa dɛ mǒ Ɔ̈ moo äa Gbeǐ klee Ɔɔ Jǔ Jùsu Tentǎn Jǔ

1 Jɔ̀ɔ̌n 3:1

Ba jě ke äa Gbeǐ Nyesoa nu ämoo mǒ noɛɛa, dɛǒ nɛ̀ nu ɛ Ɔ̌ dɛɛ ä Ɔɔ jlǔ. Dɛǒ nɛ̀ ä mono! Dɛ kɔn tè dɛ kukǔ nyoǒ neěe kmɔ̌ wlòmo uǔ kme ämoo jebo nɛ̀ moo uǔ kme Nyesoa jebo.

1 Jɔ̀ɔ̌n 4:19

Nyesoa Nɔ̀ moo klekle Ɔ noɛɛ ä mǒ, ii tè bä noɛɛ Ɔ mǒ.

Wlɛ̀velesɔ̌n 3:9

A tanàle, Ě mi Setɛ̀nʼɛ wǎn numa u miǒ a jemǒ bo chlì keǒ aa be wɔ̀ɔn u mǐ ɛ boɔ ɛ̈ moo Ě noɛɛ a mǒ no. U je u moo Jùwɛ nyo, kɛɛ u moo sen le tmɔ̌ nyo, u se Jùwɛ nyo sɛjesɛ.