Jɔ̀ɔ̌n 17:2 - Nyesoaa Kuo Win Jajle

² Keǒ nùu È nye Ɔ kpě keǒ tùonyopo wùɛ dlǒ mǒ, kě Bɔ nu Bɔ nye nyopò wùɛ kmɔ̌ sie fònfno ü nyè Ɔɔ.

Jɔ̀ɔ̌n 17:2 ပူးပေါင်းရင်းမြစ်များ

Matiɔ̌n 11:27

È kě Ɔ dɛ̌a nyopòǒ je Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do, è nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Matiɔ̌n 25:46

È u miǎǒ Klɔ̀ba jemǒ sɔnma u mǐǎě tàa de mooěe kmɔ̌ siee plɔɔ tu kɛn bo maěa mǒ mu, kɛɛ jebo siǐn nyo miǎ muma u mǐǎ kmɔ̌ siee fònfno kɔn tǐ wùɛ mɔ̀.”

Matiɔ̌n 28:18

È Ɔ kèklaeaǒ u gbàa kě Ɔ dɛ̌a u je Ɔ je, “Nyesoa nyeě kpě pɛpɛ wùɛ ï neěe jɔkɛn klee kělɔ kmɔ̌ mɔ̀ keǒ dɛ wùɛ mɔ̀.

Jɔ̀ɔ̌n 17:24

Ně Gbeǐò, Ě jlɛ̌ nyopòà ü nyè Mǒo bu neǒǒ gbàa tà wùɛ Ě miǒo nema ɛ̈ di ɛɛ numa tè jǐ boaboǎà nyèa Mǒo keǒ tà noɛɛ Mǒo mǒ ɛɛ tè mɔ̀, u mǐ ɛ jě ɛ̈ Ě kɔnaa plě kmɔ̌ɔ chɛ̀à ɛ mǐi nuu nu.

Jɔ̀ɔ̌n 17:6

Ě poò mǒ pepě klě nyopòà sà lěe kmɔ̌ wlòmo nyè Mǒo mɔ̀. Mò kɔna nu, È nye u Mǒ, è u tùǒ Nè win bo.

Jɔ̀ɔ̌n 17:9

Ě bɛ̀tee le keǒ uu tè mɔ̀. Ně bàteǒ kpni kukwǐ nyoo tà, kɛɛ nyopòà nyè Mǒo uu do nù kɔn tè Ě bɛ̀te Mò. Mɛ̌oǒ joo nɛ̀ moo Mò kɔn nu,

Jɔ̀ɔ̌n 3:35

Nyesoa moo Gbeǐ Ɔ̌ noɛɛ Ɔɔ Jǔ mǒ, tèǒ nì kɔn tè Ɔ sàǒ noǎ wùɛ nì Ɔ poě Ɔ kwete mǒ.

Jɔ̀ɔ̌n 4:14

kɛɛ nyu wùɛ Ě mii něà nyema ɔ̈ mi ɛɛ nǎma, nenǎ to seǎ ɔ nu kpe. Nyu wùɛ Ě mii něǒ nyema, ɛ mi ně chlolǎe wǒba klě ɔ mǒ, ɛ mǐ ɔ kmɔ̌ sie fònfno nye.”

Jɔ̀ɔ̌n 6:27

Aǎ ni didi dɛà ɛ̈ mii jǐ le nymima ɛɛ konkwa, kɛɛ a nu Didi Dɛà nyee nyu kmɔ̌ sie fònfnoo konkwa, nɛ̀ Jbɛjuu Jǔà Ɔ mi a nyema. Mɛ̌oǒ joo nɛ̀ moo Ɔɔ Gbeǐ Nyesoa poo ɛ kɛn kòo keǒ Ɔ mɔ̀.”

Jɔ̀ɔ̌n 6:37

Nyu wùɛ Ně Gbeǐ mi Mǒo nyema ɔ miɔɔ̌ mɔ̀ diba. È Ě seǎ nyu wùɛ mɔ̀le plù kpe ɔ̈ miɔ Mǒo mɔ̀ diba.

Jɔ̀ɔ̌n 6:39

Nyesoaà dbo Mǒo Ɔ se jlǎ Bo mǎ nyu wùɛ Ɔ nye Mǒo, kɛɛ klě demǒ bɔɔ̌ chnɛ̀ jlǒ waě wlòmo Ɔ jlɛ̌ Bo dǔǎ u jemǒ Bo nyeǎ u kmɔ̌ sie fònfno.

Wlǔmɔ 6:23

Kokoɛ̌ nɛ̀ moo snǒ sàe dɛ kpni kukwǐ mi a nyema. Kɛɛ Nyesoaa nyee dɛà Ɔ nye ämoo ɛ̈ see dɛ po nɛ̀ moo kmɔ̌ sie fònfno ɛ̈ diiě Tentǎn Jǔ Jùsu mǒ Ɔ̈ moo äa Koɔn.

1 Kwnɛtiɛ̌ 15:25

Tentǎn Jǔ kɔn Bɔ kɔn win kwa ɛ mǐ ɛ kpa kpa Nyesoa miǎ Ɔɔ jlae nyo wùɛ nu u miǎě Ɔ bobo be.

Ifisiɛ̌n 1:20

Ɔ nuaa Ɔ̌ dǔaa Tentǎn Jǔ jemǒ Ɔ̌ sàlaě Ɔɔ kǒla mǒ Ɔ̌ tùuě Ɔɔ dilǎ son mɔ̀ bo klě jɔkɛn

Flepiɛ̌n 2:10

Dɛ sonwɛě ɛɛ wlòmo nɛ̀ moo Jùsu Bɔ̌ tbaeǎ je bo Ɔɔ nynɛ̌ǒ bɛ̌ daeǎ, nyu wùɛ neěe jɔkɛn klee kělɔ blǒ mɔ̀ plě klee klě blǒ bobo nɔ̀ miǎ kwne bo kɔba,

1 Timɛtě 1:16

kɛɛ tèǒ nì kɔn tè Nyesoa kɔna wɔle je jbojbɛ keǒǒ mɔ̀ ɛ̈ di ɛɛ numa Tentǎn Jǔ Jùsu mǐa Ɔɔ wlò dbadbǎ Ɔ kɔnʼɔ keǒǒ mɔ̀ tee le ɛ̈ see bo wòwɛ kɔn, mǒà monoo dɛ kukǔ nu nyoo beɔ̌ Ě mǐ ɛɛ jboo dɛ tù keǒ nyopò tùu mɔ̀ ü mii tè wlò popoɛ kɔnma klě Ɔ mǒ klee ü mii kmɔ̌ sie fònfno jěba.

Hiblǔ 1:2

kɛɛ klě demǒ bɔɔ̌ tǐà wlòmo Ɔ boɛě ä mɔ̀ klě Ɔɔ Jǔ mǒ Ɔ̈ Ɔ mii win kwa kɔn Nyu mǒ numa keǒ tùonyopo klee noǎ wùɛ mɔ̀. Nɔ̀ kɔn mǒ Nyesoa nuuě kmɔ̌ wùɛà.

1 Pitɛ̌ 3:22

Tà dɛǒ ɛ sìnʼaa, Ɔ muaě jɔkɛn, è klě tǐà wlòmo Ɔ neeě Nyesoaa dilǎ son mɔ̀ bo Ɔ̌ kɔn najiǒpò win kwa klee sìsi tìià blěe kpě klee win kwa kɔn kpě neěe kwete mǒ.

1 Jɔ̀ɔ̌n 1:2

Tà Ɔ wǒaa tàmo, ä jěa Ɔ lo plě ä ni Ɔɔ sàse dɛ klě tǐà wlòmo klě a mɔ̀, Nɔ̀ kɔn tè ä tmɛɛ̌ amo, Ɔ̈ nye ämoo kmɔ̌ sie fònfno. Ɔ neaě Nyesoa mɔ̀ Ɔ̈ moo äa Gbeǐ plě Nyesoa poa Ɔ pepě mǒ keǒ ä mɔ̀.

1 Jɔ̀ɔ̌n 2:25

Bɛ̌ nu bǎ nu ɛ, Tentǎn Jǔu chɛ̀ peeě ɛ keǒ Bɔ nye ä kmɔ̌ sie fònfno.

1 Jɔ̀ɔ̌n 5:20

Ä ji ɛ de ɛ̈ moo Nyesoaa Jǔ diě le Ɔ̌ nye ä tèe le jbojbɛ, nɛ̀ ni ɛ ä ji kàan Nyesoa. Ä neeě kàan Nyesoa mǒ klee Ɔɔ Jǔ Jùsu Tentǎn Jǔ. Dɛǒ nɛ̀ moo kàan Nyesoa klee kmɔ̌ sie fònfno.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:21

Ɛ̈ kɔn amo fee äa Koɔn Jùsu Tentǎn Jǔ kɛn mǒ Ɔ̈ kɔnʼɔ wɔle je jbojbɛ keǒ ä mɔ̀ Ɔ mǐ amoo kmɔ̌ sie fònfno nye, ba muu nya ba noɛɛ Nyesoa mǒ.