Jɔ̀ɔ̌n 17:1 - Nyesoaa Kuo Win Jajle

¹ Tà Jùsu wɔ̀laa tè wùɛǒ boɔboɔ mɔ̀, Ɔ tanaě jɔkɛn le kě Ɔ dɛ̌a Ɔ je, “Ně Gbeǐ, tǐ nyniǒ no, nye Nè Jǔà tè jǐ boaboǎ ɛ̈ di ɛɛ numa Ɔ mǐì tè jǐ boaboǎ nye.

Jɔ̀ɔ̌n 17:1 ပူးပေါင်းရင်းမြစ်များ

Mǎkè 14:41

È wěe tan nenɛ mɔ̀ tà Ɔ tbaeaa je, è kě Ɔ dɛ̌a u je Ɔ je, “A mɛɛ̌ jè kɛ le kaǒ ǎ sɛ̀ lě kɛn jɔ mǒ le? Momnɔǒ ɛ wɛ̀ mɔ̀ no, tǐ nyniǒ noò. A tanàle, Jbɛjuu Jǔà Ɔ miě bo demǒ sàeba klě kpni kukwǐ nyo kwete mǒ!

Lǔkù 18:13

Kɛɛ dlǒ wlě tɛ̌n nyuǒ ɔ poa nyuǒ kpa debo, ɔɔ̌ dǔa jǐ jemǒ ɔɔ̌ tanaě jɔ měnee chɛ̀. Dɛɛ do ɔ niaa nɛ̀ moo ɔ bea ɔɔ kekeě ɛ̈ teea lɛɛ ɛ̈ moo ɔɔ kpni kukwǐ niia ɔ wɔle, ɔ̌ dɛ̌a bò ɛ̈ moo, ‘Nyesoa, Ě moo dɛ kukǔ nuɔ, jboǒ wɔle je.’

Lǔkù 22:53

Tǐ wùɛ mɔ̀ klě Ě neě Nyesoaa kǎ fòɛǒ bo, kě a sěɛlaǒǒ son jleě mǒ pe, kɛɛ tǐà nì moo aa tǐ plě nì moo tǐ keǒ kwijlě bɛ kɔn win kwa.”

Jɔ̀ɔ̌n 11:4

Tà Ɔ wɔ̌na nii, è kě Ɔ dɛ̌a Ɔ je, “Kmakmaǒ ɛɛ dlǒ chlɛ̀chlɛ se Làesɔ̌ɔ kokoɛ̌ mooma mu, ɛmoǒ ɛ mi ɛ numa keǒ bɛ mǐ Nyesoa klee Ɔɔ Jǔ tè jǐ boaboǎ nye.”

Jɔ̀ɔ̌n 11:41

Ii tè ǔ sàlaǒ seɔ̌ǒ keǒ bǐtìeǒ wien. È Jùsu chèaě jɔ mǒ bo, kě Ɔ dɛ̌a Ɔ je, “Ně Gbeǐ, Ě peè tàto Bò di Ně win wɔ̌n tǐ wùɛ mɔ̀.

Jɔ̀ɔ̌n 12:23

Jùsu tùa u kɛ̀ɛn Ɔ je, “Tǐ nyniǒ no keǒ Jbɛjuu Jǔà Bɔ beě tè jǐ boaboǎ wlòmo.

Jɔ̀ɔ̌n 13:1

Plě Dlǒ Mǒ Sìin Didi Dɛɛ de ngmně tǐ mǐaǒ nyni, Jùsu jia ɛle ɛ̈ moo tǐ nyniaǒ no keǒ Bɔ sɔna nɔ kmɔ̌ɔ mɔ̀ mǒ Bɔ mua de klě Ɔɔ Gbeǐ mɔ̀. Ɔ noɛɛa nyopòà neɔɔ kmɔ̌ɔ mɔ̀ mǒ no ü Ɔ kɔnʼɔ Ɔ̌ noɛɛ u mǒ kaǒ ɛ miǎ kmɔ̌ɔ dlǒ chlɛ̀chlɛ kɛn jɛɛ le.

Jɔ̀ɔ̌n 16:32

Kɛɛ a gbɛ̀ɛ le ɛ kɔn tǐ diěe, i nyni nii chɛ̀ ɛ̌ wɛ̀ mɔ̀le, è aa wùɛ a mi le gbɛ̀tɛɛba a mǐ a chɛ̀ɛ keǐ bo ble le mu, a miǒ Ně do si. Kɛɛ sɛjesɛ Ě se do ne, Ně Gbeǐ neǒǒ gbàa.

Jɔ̀ɔ̌n 7:30

Tà u wɔ̌na imoo tèǒ, u jlɛ̌ bu kmea Nɔ, kɛɛ ɛ sěɛɛ̌la jè tǐ ni keǒ bu kmea Nɔ, ii tè nyu wùɛ nɔ̀ sea Ɔ le tǒ.

Jɔ̀ɔ̌n 7:39

È dɛ Ɔ boɛɛaa kɛn nɛ̀ moo Nyesoaa Sùsu Ɛ̈ kɔn tǐ konwaěa le keǒ nyopòà mia Lɔɔ tè kàan tè poba mɔ̀ u miaa kɔnma. Klě tǐǒ wlòmo nyu wùɛ nɔ̀ Nyesoa sěɛɛ̌a jè Ɛmo Sùsuǒ nye. Mɛ̌oǒ joo nɛ̀ moo Ɔ sěɛɛ̌a jè Jùsuu tè jǐ boɛ̌ le.

Jɔ̀ɔ̌n 8:20

Tà Jùsu kea luu tee le klě Nyesoaa kǎ fòɛ bo, klě Ɔ boɛɛa imo tèà, Ɔ konwaěa nyee noǎa blɔ̀kun le. Nyu wùɛ sea Ɔ kme. Mɛ̌oǒ joo nɛ̀ moo ɛ sěɛɛ̌la jè tǐ ni keǒ bu kmea Nɔ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:13

Nyesoaà moo äa gbeǐpòo Nyesoa ü moo Eblɛ̌hɛ̀mo klee Aesěè plě klee Jèkɔ̌po, Nɔ̀ nye Ɔɔ Na Wien Po Nyebajlo Jùsu tè jǐ boaboǎ. Tà Pàlɛ̌tee chɛ̀ wɛ̀aa mɔ̀ keǒ bɔ tɛaa Jùsu bo, a poaě Ɔ nyopòà kɔnʼɔ kmɔ̌ɔ kpě kwete mǒ ǎ sàla Ɔ jleě mɔ̀ klě Pàlɛ̌te jemǒ.

1 Pitɛ̌ 1:21

Tentǎn Jǔ Nɔ̀ nu ɛ ǎ kɔn wlò kpaea klě Nyesoa mǒ Ɔ̈ dǔa Ɔɔ jemǒ Ɔ̈ sàlaě Ɔɔ kǒla mǒ Ɔ̌ nyea Ɔ tè jǐ boaboǎ ɛ̈ di ɛɛ numa a mǐ Ɔmo Nyesoa wlò kpae le klee a mǐ Ɔ wlò je kuun nu.