Jɔ̀ɔ̌n 16:7 - Nyesoaa Kuo Win Jajle

⁷ Kɛɛ kàan tèà Ě tmɛɛ̌ amo, bɛ̌ nu Bo mu, ɛ mi kàan dɛ numa keǒ a mɔ̀. È bɛ̌ nu Boǒ se mu, Wlò Wlòmo Ble Tùɔ̌ slě diba mu kělɔ a mɔ̀. Bɛ̌ nu Bo mu, Ě mi Ɔ dboba kělɔ a mɔ̀.

Jɔ̀ɔ̌n 16:7 ပူးပေါင်းရင်းမြစ်များ

Lǔkù 24:49

Ě mi a Ngmà Je Ne Sùsu mɔ̀ dboba Ɛ̈ Ně Gbeǐ peeěe Bɔ dboo kělɔ a mɔ̀. Ii tè klě ba neě Jlǔsnɛ bo a mǐ Ɛ kɛn mǒ fo, ɛ mǐ ɛ kpa kpa kpěǒ miěe jɔkɛn mǒ sɔnma i mǐ a je jǐ.”

Lǔkù 4:25

È Ě jlɛ̌ Bo wa wèe Bo nye a konwě, tǐǒ jleě Nyesoaa wnɔsàɔ Ilaejɔ̀ neaa kmɔ̌ nǔ sea dba klě jlěe tan ne bɔ̀tie le wlòmo, dodopà beaě blǒ wùɛǒ wlòmo, è ɛ kɔna Jùwɛ nyo fòfoa ü mooa koti nyno ü nea lěe Ǐsòwɛ̌ kɔn blǒǒ wlòmo.

Lǔkù 9:27

È tèe jleě nìà Ě tmɛɛ̌ amo, tà ä nynanàa bo ɛ kɔn nyopò tùu neàa ü see kǒba mu u miǎ Nyesoaa win kwa konkɔn jě.”

Jɔ̀ɔ̌n 14:26

Bɛ̌ sìn, Ně Gbeǐ mi Wlò Wlòmo Ble Tùɔ̌ dboba klě Ně nynɛ̌ wlòmo Ɔ̈ moo Ngmà Je Ne Sùsu. Nɔ̀ mi a noǎ wùɛ teeba plě Ɔ miě a noǎ wùɛ Ě tmɔɔ̌ amoo wlòmo pooba.

Jɔ̀ɔ̌n 14:28

Dɛǒ nɛ̀ a wɔ̌n Ě boɔ a je ɛ̈ moo Ě mi a bo siba Ě mǐ mu, kɛɛ Ě mi de diba de kělɔ a mɔ̀. Bɛ̌ nu bǎ noɛɛ neě mǒ, è tà Ě miě Něe Gbeǐ mɔ̀, aa plɔ bɛ blo. Mɛ̌oǒ joo nɛ̀ moo Ně Gbeǐ Nɔ̀ kun Ɔ̈ sìnʼǒǒ mǒ, è bɛ̌ nu Boǒ mu, Ɔ mi Ɔɔ kpě amo nyema.

Jɔ̀ɔ̌n 14:3

Bɛ̌ nu Bo mu de klě Ně Gbeǐ mɔ̀, Boǒ wɔ̀ tùɔn mɔ̀le keǒ a mɔ̀, Ě mi de diba Ě mǐ a kpa a miǒǒ gbàa bo ne ɛ̈ di ɛɛ numa tà Ě neěe a mǐě ne.

Jɔ̀ɔ̌n 15:26

È Jùsu je, “Wlò Wlòmo Ble Tùɔ̌ Ɔ̈ sonwɛě Něe Gbeǐ mɔ̀ mǒ Nɔ̀ moo Ngmà Je Ne Sùsu Ɛ̈ boɛɛ kàan tè. Ɛ miě Ně Gbeǐ mɔ̀ mǒ sɔnma Ě mǐ Ɛ dbo kělɔ a mɔ̀, è Nɛ̀ mi Ně tè kɛn le sèsaeba.

Jɔ̀ɔ̌n 16:8

Bɛ̌ nu Bɔ̌ diě, Nɔ̀ mi kmɔ̌ɔ nyopò tè le jbooba keǒ dɛ kukǔ mɔ̀ plě klee jebo siǐan keǒ Nyesoa jemǒ plě klee Nyesoaa blilǐ tùtuɛ.

Jɔ̀ɔ̌n 7:39

È dɛ Ɔ boɛɛaa kɛn nɛ̀ moo Nyesoaa Sùsu Ɛ̈ kɔn tǐ konwaěa le keǒ nyopòà mia Lɔɔ tè kàan tè poba mɔ̀ u miaa kɔnma. Klě tǐǒ wlòmo nyu wùɛ nɔ̀ Nyesoa sěɛɛ̌a jè Ɛmo Sùsuǒ nye. Mɛ̌oǒ joo nɛ̀ moo Ɔ sěɛɛ̌a jè Jùsuu tè jǐ boɛ̌ le.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:34

È Pitɛ̌ knana ɔɔ wun je, kě ɔ dɛ̌a u je ɔ je, “Kèke Ě jboǒ ɛ le ɛ̈ moo i moo kàan tè Nyesoa Ɔɔ̌ chlǎ dɛ měne keǒ nyu wùɛ mɔ̀,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:33

Nyesoa dǔa Ɔ jemǒ Ɔ̌ tùaǒ Ɔ tùɔnʼà kɔnʼǒo tùtuɛ kɛn bo klě Ɔɔ chɛ̀ɛ dilǎ son mɔ̀. Tàǒ keǒ Ɔ jeěaǒ Ngmà Je Ne Sùsuǒ Ɛ̈ Nyesoa pooaě Ɔɔ Ɔ mia Lɔɔ nyema. Ɛmo Sùsuǒ Nɛ̀ Jùsu dbo kělɔ ä mɔ̀, Nɛ̀à a jě plě Ɛ̈ kɔn win a wɛ̌n klě tǐà wlòmo.

Wlǔmɔ 8:28

Ä ji ɛle ɛ̈ moo klě dɛ wùɛ mǒ Nyesoaa Sùsu mɛ̌ǒ nyopòǒ mɔ̀ ü noɛɛ Ɔɔ mǒ ɛ̈ di ɛɛ numa kàan dɛ miě dɛ wùɛǒ wlòmo sɔn keǒ nyopòǒ mɔ̀ ü Ɔ daa bü na Nɔɔ de wòje ke Ɔ nua ɛɛ ble popoɛ bu nuaa.

2 Kwnɛtiɛ̌ 4:17

Äa sònwɛ jejeɛ̌ chěnchaěà ɛ se mǒ tmɔ ɛ̈à ä jěe kělɔ kmɔ̌ɔ mɔ̀, ɛ se dɛ mono ɛ seǒ kmɔ̌ siee tè jǐ boaboǎ fòɛǒ ɛ̈ nyee ämoo mǒ sìn.