Jɔ̀ɔ̌n 16:2 - Nyesoaa Kuo Win Jajle

² U mi a Jùwɛ nyoo Nyesoa keǐ bo ble le sàba. Ɛ kɔn tǐ miěe dibaa chɛ̀ nyu wùɛ ɔ̈ mi amoo dbǎba ɔ mǐ ɛɛ jě ɛ̈ moo Nyesoaa konkwa nɛ̀ǒ ɔ ni.

Jɔ̀ɔ̌n 16:2 ပူးပေါင်းရင်းမြစ်များ

Matiɔ̌n 10:28

Aǎ pe nyopòà ü dbɛ̌ɛ blǒ fǒ uu fano, kɛɛ ü slě wɔ̀ bü dbǎ aa sùsu. Ɛ̀ sìnʼǒ Nyuu do kɔn fano ba pee Nɔ̀ moo Nyesoa Ɔ̈ wɔ̀le je Bɔ̈ sùe aa blǒ fǒ klee sùsu gbè klě na slè.

Matiɔ̌n 24:9

Klě sònwɛ jě tǐǒ wlòmo nyopò miǎ a kmema, u miǎ a sònwɛ jeě le, u miǎ a le dedbǎa le. Tà a nɛ Mǒo de nɛ̀ kɔn tè nyopò wùɛ miǎ a faenma.

Lǔkù 6:22

Bɛ̌ nu bo nyopò bǔ faen amo klee bǔ ke a jleě mɔ̀ sɛ̀ klee bǔ ke aa tè je bɛtɛ̌ɛ le klee bǔ nu wiěn a moo nye kukwǐ keǒ Jbɛjuu Jǔà Ɔɔ tè mɔ̀, a kɔn ngmna.

Jɔ̀ɔ̌n 12:42

Kàan tè Jùwɛ nyoo nyefòapoo dɛ fòfoa poa Jùsuu tè kàan tè, kɛɛ uǔ nuuaǒ ɛ pepě mǒ ɛ̈ di ɛɛ numa Fɛlesǐi wǎn ně dia uu Nyesoa keǐ bo ble le sà.

Jɔ̀ɔ̌n 16:25

Klě dǎtèkpe wlòmo Ě dǔu a noǎà ii tè je tùtuɛ mǒ no, kɛɛ ɛ kɔn tǐ miěe diba Ě see kɛ̀ɛ dǎtèkpa poba mu. Ě mi a Ně Gbeǐi tè tmɔɔ̌ma i mǐ chnɛ̀ kɛn le pàe le.

Jɔ̀ɔ̌n 16:32

Kɛɛ a gbɛ̀ɛ le ɛ kɔn tǐ diěe, i nyni nii chɛ̀ ɛ̌ wɛ̀ mɔ̀le, è aa wùɛ a mi le gbɛ̀tɛɛba a mǐ a chɛ̀ɛ keǐ bo ble le mu, a miǒ Ně do si. Kɛɛ sɛjesɛ Ě se do ne, Ně Gbeǐ neǒǒ gbàa.

Jɔ̀ɔ̌n 4:21

È kě Jùsu dɛ̌a ɔ je Ɔ je, “Po tèà Ě boɛ mòo je kàan tè, tǐ diě le aa Gbeǐi Nyesoaa wɛ̀ sèsa seǎɔ togbeeɔ dlǒ nema mu plě klě Jlǔsnɛ.

Jɔ̀ɔ̌n 4:23

Kɛɛ ɛ kɔn tǐ diěe plě i nyni ni ɛ̌ wɛ̀ mɔ̀le tà tè wlò po wɛ̀ sà nyo u mii äa Gbeǐ Nyesoaa wɛ̀ sàba klě kàan tǔn mǒ klee klě sùsu mǒ. Umo wɛ̀ sà nyo taeǒ nù Ɔ jlɛ̌.

Jɔ̀ɔ̌n 9:22

Tè kɔn tè ɔɔ naǎ klee gbeǐ dɛ̌a bòo nɛ̀ moo u pea Jùwɛ nyoo nyefòapoo fano. Mɛ̌oǒ joo nɛ̀ moo u chlàla ɛle ɛ̈ moo nyu wùɛ ɔ̈ mi ɛɛ boɔba ɛ̈ moo Jùsu moo Tentǎn Jǔ u kɔn bu sàě ɔ Nyesoa koǔ bo.

Jɔ̀ɔ̌n 9:34

Tà ɔ boɔaa dɛǒ, u tùa ɔ kɛ̀ɛn u je, “Mòà kɔɔnʼě kpni kukwǐ slè plě è kuunʼě ii slè, è mò jlɛ̌ bɔ tee kɛ ämo le?” È nɔ̀ǒ u sàlaě Nyesoa koǔ bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:33

Tà Jùwɛ nyoo je si nyoǒ u wɔ̌naa tèǒ, è nùǒ bea jlo měne chɔɔ ǔ poa ɛ ble bu dbǎla u,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:56

È kě ɔ dɛ̌a u je ɔ je, “A tanʼě tàě le! Ě jě jɔkɛn ɛ̌ kna je, è Jbɛjuu Jǔà Ɔ̌ nynaě Nyesoaa dilǎ son mɔ̀ bo!”

1 Kwnɛtiɛ̌ 4:13

Bɛ̌ nu bǔ cheaě ä le, ä pe pɛɛ pɛɛ win ä tùi u kɛ̀ɛn. Sɔɔnʼě ɛɛ wlò tùla mǒ bò jɛ chnɛ̀ jlǒ wěà, u ni ämo wòje wɔ̀te makuɔ̌ klee plàwlɛ u tlii be kɛn le.

Flepiɛ̌n 3:6

Ě nea kbě kɛn Ě mɛ̌aǒ Jùwɛ nyo mɔ̀ ǔ tèa Tentǎn Jǔu wǎnʼa tè mɔ̀. Ě wɔ̌na jebo siǐn tè, nyu wùɛ ɔɔ̌ jěa mǒ keǒ bo tè bi kmea mǒ keǒ Nyesoaa teteǎa dɛɛ doo chɛ̀ wlawlǎ mɔ̀.

Wlɛ̀velesɔ̌n 6:9

Tà Blajǔ sàlaǒo sluu kpɛɛ m̀m nenɛǒ, è Ě jěa nyopòo sìsi ü u dbǎlaa keǒ Nyesoaa win boɔboɔ tè mɔ̀ klee Ɔɔ sàse dɛ nunuɛ mɔ̀, nù neaě chɔ̀no tògbee kǒngmà bobo