Jɔ̀ɔ̌n 15:8 - Nyesoaa Kuo Win Jajle

⁸ Bɛ̌ nu bǎ ke noǎ fòfoa ni keǒ Nyesoa mɔ̀, è a nye Ně Gbeǐ tè jǐ boaboǎ plě a tee ɛ ɛ̈ moo a moo Ně mɔ̀ na nyo.

Jɔ̀ɔ̌n 15:8 ပူးပေါင်းရင်းမြစ်များ

Matiɔ̌n 5:16

Dɛɛ doǒ nɛ̀ ɛ mono, ba sɔnʼǒ aa de nu kmɔ̌ mɔ̀ mǒ bɛ tee kàan dɛ keǒ nyopò jemǒ ɛ̈ di ɛɛ numa bǔ jě ale kàan kpniǒ a nii, u mǐ aa Gbeǐǒ neěe jɔkɛn Ɔɔ nynɛ̌ le po.”

Matiɔ̌n 5:44

Kɛɛ Ě tmɛɛ̌ ane, a noɛɛ aa jlae nyo mǒ, a bàteǒ nyopòǒ uu tà ü tè aa tè mɔ̀

Matiɔ̌n 9:8

Tà diblɛ̌ǒ u jěaa dɛǒ, è ɛ kàea u le wan ǔ pea Nyesoaa nynɛ̌ le keǒ Bɔ dia kpě taeǒ tàmo sà klě tùonyopo slè.

Lǔkù 6:35

A bɔ̌ ɛ nunuɛ, a noɛɛ aa jlae nyo mǒ, a nu u kàan dɛ mǒ plě a nye u noǎ aǎ pɛ̀n bu ja i de le kělɔ a mɔ̀, è a mi snǒ sàe dɛ fòɛ kɔnma klee a mǐ Ja Tmɔ Nyesoaa jlǔ tù. Mɛ̌oǒ joo nɛ̀ moo Nyesoa ni kàan dɛ keǒ nyopòà mɔ̀ üǔ pe Ɔɔ tàto klee dɛ kukǔ nu nyo.

Jɔ̀ɔ̌n 13:35

Bɛ̌ nu bǎ nonoɛɛ měne, nyopò wùɛ mi ɛ jiba ɛ̈ moo amoo Ně mɔ̀ na nyo.”

Jɔ̀ɔ̌n 15:5

Mǒà Mǒ tuǒ ɛ nynaǒ pènmo bo, è amo ɛɛ beǒ ï sɔɔnʼǒ ɛ jleě měne i nynaǒ pènmo bo. Nyu wùɛ ɔ̈ miǒ Mǒo jleě mǒ nema, Ě miǒ ɔ jleě mǒ nema, è ɔ miě ɛ wɔ̀ba keǒ bɔ nu noǎ fòfoa keǒ Nyesoa mɔ̀, kɛɛ Bo seǒ mǎ, aa do a slě wɔ̀ ba nu dɛ keǒ aa chɛ̀ mɔ̀.

Jɔ̀ɔ̌n 8:31

È kě Jùsu dɛ̌a Jùwɛ nyoǒ poa Ɔɔ tè kàan tè je Ɔ je, “Bɛ̌ nu bǎ keǒ winʼà Ě tee amoo bo tùi, è sɛjesɛ amo moo Ně mɔ̀ na nyo.

1 Kwnɛtiɛ̌ 10:31

Ii tè dɛ wùɛ a mii diba klee a mii nǎma plě a mii numa a nu ii wùɛǒ i mǐ Nyesoa tè jǐ boaboǎ nye.

1 Kwnɛtiɛ̌ 6:20

Mɛ kɔɔ̌n tèǒ joo nɛ̀ moo Nyesoa tɔ̀n a jleě Chɔ̀no Ɛ̈ moo Tentǎn Jǔ, nɛ̀ kɔn tè ba nu aa fǒǒ bɛ nye Nyesoa tè jǐ boaboǎ.

Flepiɛ̌n 1:11

klee a mǐ mǒ slɛɛ̌ dɛ nu ɛ̈à Tentǎn Jǔ Jùsu nu amoo a wɔ̀le ba nuu ɛ̈ di ɛɛ numa Nyesoa mǐ de bìsee le klee Ɔɔ tè mǒ jǐ boaě le.

Taetɔ̌ 2:10

klee uǔ jlǐ u le, kɛɛ bu tee ɛ ɛ̈ moo u mǎ lě bo sèn tɛɛ ɛ̈ di ɛɛ numa dɛ wùɛ u mii numa ɛ mǐ teeaà ä tee lee kàan nynɛ̌ nye ɛ̈ kwɛɛǒo Nyesoa jleě mǒ bo Ɔ̈ moo äa Gblàgbla Nyu.

Taetɔ̌ 2:5

bu jiǒ uu chɛ̀ɛ wlè mɔ̀ kwa bleblɛ̌ plě u miě mɔ̀le snǎ klee u mǐ kàan nyno tù klee u mǐ kàan wlò kɔn plě u miě uu jbeapò tùtuɛ nye ɛ̈ di ɛɛ numa nyu wùɛ ɔɔ̌ diǒ Nyesoaa winʼà dɛ kukǔ jleě mǒ boɔ.

1 Pitɛ̌ 2:12

A ne kàan kmɔ̌ klě se Nyesoa ji nyo slè ɛ̈ di ɛɛ numa bɛ̌ nu uu nyu bɔ̌ wǒ a lee chɛ̀ ɛ̈ moo a ni kenkan dɛ klě tǐ gbei wlòmo, u mi aa kàan dɛǒ a nii jěba uu wlè mǐ bo bitǐ, è chnɛ̀ jlǒ waěǒ Nyesoa miǎa je tbaeba, u miǎ Ɔɔ nynɛ̌ le po.

1 Pitɛ̌ 4:11

Nyu wùɛ bɔ̈ ke win boɛ, bɔ boɔ Nyesoaa win. Nyu wùɛ bɔ̈ ke nyopò tùu konkwa mɔ̀ nii ni, bɔ nu ɛmo konkwaǒ klě kbě Nyesoa nye ɔɔ mǒ ɛ̈ di ɛɛ numa dɛ wùɛ ɔ mii numa klě ɛ mǒ Nyesoa mǐ baea jě ɛ̈ diiě Jùsu Tentǎn Jǔ mǒ. Nɛ bo tè jǐ boaboǎ klee kpě bi kɔnʼǒ Tentǎn Jǔ mɔ̀ ke ɛ mii jleě mǒ bo tonma, kě bɛ ne.