Jɔ̀ɔ̌n 15:7 - Nyesoaa Kuo Win Jajle

⁷ Bɛ̌ nu bǎ neǒǒ jleě mǒ bo plě noǎà Ě boɛɛ bǐ neě a mǒ bo, è bǎ gbà dɛ wùɛ a jlɛ̌ɛ wan, Nyesoa mi ɛ a nyema.

Jɔ̀ɔ̌n 15:7 ပူးပေါင်းရင်းမြစ်များ

Matiɔ̌n 7:7

È Jùsu kpɛɛa Ɔɔ win nya Ɔ je, “Bǎ gbàe Nyesoa dɛ wan, Ɔ mi ɛ a nyema. Bǎ pɔ̀nʼě Ɔ dɛ mɔ̀le, a mi ɛ jěba. Bǎ be Ɔ chnu je dɛɛ tè, Ɔ mi a je knama.

Jɔ̀ɔ̌n 14:13

È tǐ wùɛ mɔ̀ bǎ gbà dɛ wan klě Ně nynɛ̌ wlòmo, Ě mi ɛ numa ɛ̈ di ɛɛ numa Jǔà Ɔ mǐ Gbeǐi tè jǐ boaǎ le.

Jɔ̀ɔ̌n 15:16

Ɛ se amo a seǒǒ sà, kɛɛ Mǒà Mǒ sàǒ amo plě Ɔ̈ tba amo keǒ ba mu a mǐ noǎ fòfoa le nu ï mii wlɛ̀ɛba. Ně Gbeǐ mi a dɛ wùɛ nyema ɛ̈ a mii wan gbàba klě Ně nynɛ̌ wlòmo.

Jɔ̀ɔ̌n 16:23

Klě chnɛ̀ jlǒ waěǒ wlòmo a seǎ dɛ wan gbàba muu kɛ̀. Kàan tèà Ě boɛ a je, Ně Gbeǐ mi a dɛ wùɛ nyema ɛ̈ a gbɛ̀ɛ wan klě Ně nynɛ̌ wlòmo.

Jɔ̀ɔ̌n 8:31

È kě Jùsu dɛ̌a Jùwɛ nyoǒ poa Ɔɔ tè kàan tè je Ɔ je, “Bɛ̌ nu bǎ keǒ winʼà Ě tee amoo bo tùi, è sɛjesɛ amo moo Ně mɔ̀ na nyo.

Jɔ̀ɔ̌n 8:37

Ě ji ɛle a moo Eblɛ̌hɛ̀moo jlǔu jlǔ, kɛɛ a tɛ̀n ɛ mǒ kaǒ keǒ ba dbǎ Mǒ. Mɛ̌oǒ joo nɛ̀ moo aǎ jbo winʼà Ě tee amoo le.

Kalesiɛ̌n 4:2

Tǐǒ jleě ɔ monoǒ jèe jǔ, ɛ kɔn nyopò tùu ü kɔnʼě ɔɔ tè mɔ̀ ü tùi ɔɔ noǎǒ jǐ mɔ̀ ɛ mǐ ɛ kpa kpa tǐǒ ɔɔ gbeǐ tbaa i miǒ nyni noǎǒ i miě ɔ kwete mǒ be.

Kalesiɛ̌n 5:16

Ě tmɛɛ̌ ane, a nɛ Ngmà Je Ne Sùsu Bɛ nae aa kmɔ̌ neneɛ, baǎ blee aa kpni kukwǐ kmɔ̌ɔ plɔ.

Klasɔ̌n 3:16

Nɛ bo Tentǎn Jǔu win bi neě a mǒ. A nu Nyesoaa tɔ̀n wùɛ a mǐ tetee le klee a miǒ snǔ mɔ̀le popoo lo. A ble Sàǎmʼa wleǎ klee wleǎ tìi, jà wleǎà Ngmà Je Ne Sùsu nɛɛ nee, a blee Nyesoa mɔ̀le klě chǒn le nunuɛ mǒ.

1 Jɔ̀ɔ̌n 2:14

Ně jlǔ ale, dɛ kɔn tè Ě chleě amoo mɔ̀ nɛ̀ moo a ji Nyesoa le Ɔ̈ moo äa Gbeǐ. Ně gbeǐpò ale, dɛ kɔn tè Ě chleě amoo mɔ̀ nɛ̀ moo a ji Nyesoa le Ɔ̈ moo äa Gbeǐ. Nyengmè ale, dɛ kɔn tè Ě chleě amoo mɔ̀ nɛ̀ moo aa tè wlò popoɛ ne kɛn kbě plě Nyesoaa win neě a mǒ plě ǎ du kǔ wan.

1 Jɔ̀ɔ̌n 2:27

Ngmà Je Ne Sùsu Nɛ̀ pooě a mǒ Ɛ̈ Tentǎn Jǔ nye amoo. Bɛ̌ nu Bɛ̌ neě a mǒ bo, è a see kɛ̀ nyu tɔ̀ɔ sòaba mu keǒ bɔ̈ tee amoo ɛ̈ kwɛɛǒo Nyesoa jleě mǒ bo. Mɛ kɔɔ̌n tèǒ joo nɛ̀ moo Ɔɔ Sùsuǒ Nɛ̀ mi a noǎ wùɛ teeba klee Nɛ̀ tmɛɛ̌ a kàan tè ɛ̈ see sen. Tèǒ nì kɔn tè keǒ Ngmà Je Ne Sùsu ni ɛ amoo teeaa, kě ba nu kmɔ̌ neneɛ. Aa tè wlò popoɛ a kɔnʼɔ klě Tentǎn Jǔ mǒ bɛ muu nya.

1 Jɔ̀ɔ̌n 3:22

È dɛ wùɛ ä mi Ɔɔ sòaba ä mi ɛ jěba. Mɛ̌oǒ joo nɛ̀ moo ä tùiǒ Ɔɔ win bo plě ä ni dɛ blee Ɔɔ plɔ.

1 Jɔ̀ɔ̌n 5:14

Dɛà nɛ̀ moo wlò je kunkuɛn ä kɔn klě Nyesoa mǒ ɛ̈ moo bɛ̌ nu bä gbàa Ɔ dɛ wan klě Ɔɔ kɛn wɔɔan mǒ, tǐ wùɛ mɔ̀ Ɔ wɛ̌n äa win ni.