Jɔ̀ɔ̌n 15:5 - Nyesoaa Kuo Win Jajle

⁵ Mǒà Mǒ tuǒ ɛ nynaǒ pènmo bo, è amo ɛɛ beǒ ï sɔɔnʼǒ ɛ jleě měne i nynaǒ pènmo bo. Nyu wùɛ ɔ̈ miǒ Mǒo jleě mǒ nema, Ě miǒ ɔ jleě mǒ nema, è ɔ miě ɛ wɔ̀ba keǒ bɔ nu noǎ fòfoa keǒ Nyesoa mɔ̀, kɛɛ Bo seǒ mǎ, aa do a slě wɔ̀ ba nu dɛ keǒ aa chɛ̀ mɔ̀.

Jɔ̀ɔ̌n 15:5 ပူးပေါင်းရင်းမြစ်များ

Matiɔ̌n 13:21

Kɛɛ uu tè wlò popoɛ chɛɛ̌n mǒ no, nɛ̀ kɔn tè ɛ sea dɛ pɛ̀tu kpa è nìǒ wɛ̀a bo, ii tè tà tǐ jakě muěe diba klee měne tèntɛn keǒ u mɔ̀ keǒ bu po Ně tè kàan tè, tǐi doo tǐ jleě è nùǒ muu de.

Jɔ̀ɔ̌n 12:24

Kàan tèà Ě tmɛɛ̌ amo, bɛ̌ nu bo kou joɛ̌ɛ bɛ̌ seě wlò be bɛ̌ se kɔnǒ po, ke kɔn do ɛ ne pnɔɔ kě ɛ miǐ jè nema. Kɛɛ bɛ̌ nu bɛ̌ beě wlò bɛ̌ po kɔnǒ, ɛ mi jɔ̌ fòfoa toba.

Jɔ̀ɔ̌n 15:16

Ɛ se amo a seǒǒ sà, kɛɛ Mǒà Mǒ sàǒ amo plě Ɔ̈ tba amo keǒ ba mu a mǐ noǎ fòfoa le nu ï mii wlɛ̀ɛba. Ně Gbeǐ mi a dɛ wùɛ nyema ɛ̈ a mii wan gbàba klě Ně nynɛ̌ wlòmo.

Jɔ̀ɔ̌n 5:19

È Jùsu tùia u kɛɛn Ɔ je, “Kàan tèà Ě tmɛɛ̌ amo, Nyesoaa Jǔà Ɔ slě wɔ̀ Ɔɔ do Bɔ nu dɛ keǒ Ɔɔ chɛ̀ mɔ̀, kɛɛ dɛ Ɔ jě Ɔɔ Gbeǐ nii nɛ̀ Ɔ ni sosǒ, ii tè Jǔà Ɔ ni dɛɛ teěnʼǒ ɛ̈ Ɔɔ Gbeǐ nii.

Jɔ̀ɔ̌n 9:33

Bɛ̌ nu Bɔ̌ see lě Nyesoa mɔ̀ mǒ sɔn, Ɔ see lě wɔ̀ Bɔ nuu wlòlekaen dɛ wùɛ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:12

Nyu wùɛ slě wɔ̀ bɔ nye nyu tɔ̀ɔ wowa dɛ, ɛ̀ sìnʼǒ Jùsuu do. Mɛ̌oǒ joo nɛ̀ moo ɛ se nynɛ̌ wùɛ kɔn kělɔ kmɔ̌ɔ mɔ̀ ɛ̈ Nyesoa nyee tùonyugbe bɛ̈ wa ämoo klě äa kpni kukwǐi plɔɔ tu kɛn bo maěa slè.”

Wlǔmɔ 12:5

Dɛɛ doǒ nɛ̀ ɛ mono, äa fòfoa ü poo Tentǎn Jǔu tè kàan tè ä wǒ je fǒo do, äa do do ä kpokpae wlò wòje keǒ fǒo noǎ klɔkwlě nuu ǐ kpokpa lee wlò.

Wlǔmɔ 6:22

È klě tǐà wlòmo Nyesoa sà a kpni kukwǐi kpo bo Ɔ̌ gblà amo ǎ moo Ɔɔ kèiapo. Bɛ̌ nu bǎ ne ngmà je ne kmɔ̌, ɛ miǒ a dɛ bo poba ɛ̈ kɔn dlǒ chlɛ̀chlɛ mi amoo kmɔ̌ sie fònfno nyema.

Wlǔmɔ 7:4

Ně bǐì Tentǎn Jǔu wǎn ane, dɛɛ doǒ nɛ̀ nu amo klě Tentǎn Jǔu kokoɛ̌ mǒ ǎ bɔ̌ě Nyesoaa teteǎ bobo neneɛ ɛ̈ di ɛɛ numa a miě Tentǎn Jǔ mɔ̀ kɔn Ɔ̈ Nyesoa sàla lěe kǒla mǒ, è ä mǐ Ɔmo Nyesoaǒ konkwa mɔ̀ nuu nu.

1 Kwnɛtiɛ̌ 10:16

Mǒ naě kàeǒ ä naee mǒ keǒ Koɔnʼɔ wìti dɛ dila mǒ ɛ̈ kɔn tè ä pee Nyesoa tàto, a se kɛ i ji ɛ moo Tentǎn Jǔu nymɔǒ ä sèsɛɛ ɛ kwete měne le? È flɔ̌ɔǒ ä waa ä dii, a se kɛ i ji ɛ moo Tentǎn Jǔu blǒ fǒǒ ä sèsɛɛ ɛ kwete měne le?

1 Kwnɛtiɛ̌ 12:12

Tentǎn Jǔ wǒ je tùonyugbee fǒ ɛ̈ kɔnʼɔ noǎ kɔfle fòfoa keǒ ɛ jleě mǒ. Kàan tè ɛ kɔn noǎ kɔfle fòfoa ǐ neǒ ɛ jleě mǒ, kɛɛ kaǒ ɛ moo fǒo do.

1 Kwnɛtiɛ̌ 12:27

Dɛɛ doǒ nɛ̀ ɛ mono, aa ka wǒ je fǒ keǒ aa konkwa mɔ̀ keǒ Tentǎn Jǔ mǒ, aa do do a klɛ̀ konkwaǒ ɛɛ doědoe je le.

2 Kwnɛtiɛ̌ 13:8

Ä slě wɔ̀ bä nu dɛ ɛ̈à nee dɔ̌ keǒ Nyesoaa kàan dɛ mɔ̀, kɛɛ kàan dɛɛ do nɛ̀ ä kɔn bä nu.

2 Kwnɛtiɛ̌ 9:10

È Nyesoaǒ sɛ̀ɛ dodɔ̌ kou tàmo keǒ dodɔ̌ mɔ̀ plě Ɔ̈ sɛ̀ɛ digbaǐ tàmo keǒ didiɛ mɔ̀, Nɔ̀ mi dɛ tàmo sàba ke keǒ a mɔ̀ plě Ɔ mǐ dɛǒ a mii numa ngmna mɔ̀ po. Ɔ mi aa kàan konkwaǒ a nii numa ɛ mǐ dɛ fòfoa wlòmo sɔn.

Kalesiɛ̌n 5:22

Kɛɛ noǎ kɔn tè Ngmà Je Ne Sùsu kɔn lěe mɔ̀ nì moo mǒ noɛnoɛ klee chǒn le nunuɛ klee ně bo wnawna klee wlò dbadbǎ klee wlòo jǐlenmɔnmɔ klee kàan dɛ nunuɛ klee nyopò bu kɔn lěè wlò je kunkuɛn mǒ

Ifisiɛ̌n 5:9

Nyu bɔ̌ neě pepě slè, ɔ ni kàan noǎa doědoe ɔ̌ siǐnʼǒ jebo plě ɔ̌ boɛ kàan tè.

Flepiɛ̌n 1:11

klee a mǐ mǒ slɛɛ̌ dɛ nu ɛ̈à Tentǎn Jǔ Jùsu nu amoo a wɔ̀le ba nuu ɛ̈ di ɛɛ numa Nyesoa mǐ de bìsee le klee Ɔɔ tè mǒ jǐ boaě le.

Flepiɛ̌n 4:13

Bo Tentǎn Jǔà nye mǒo kpě Bɔ̌ sɛ̀ɛ leě mǒ, è Ě wɔ̀le ɛle keǒ bo nu dɛ wùɛ.

Flepiɛ̌n 4:17

Ɛ se aa nyee dɛǒ ɛɛ tè i seě kmaa ne chɔɔ, kɛɛ Ě jlɛ̌ bo jě kàan dɛǒ miǒ ɛɛ dlǒ mǒ beba keǒ a mɔ̀ ɛ̈ miěe Nyesoa mɔ̀ mǒ sɔnma.

Klasɔ̌n 1:10

ɛ̈ di ɛɛ numa a mǐ kmɔ̌ ne wòje keǒ Ɔɔ nyopò blɛɛ je bu nuu klee a mǐ Ɔɔ wlò bloo lo klě wakǎ wùɛ mǒ klee a mǐ Ɔɔ konkwa nu ɛ̈ monoo kàan noǎ wùɛɛ nunuɛ klee a miǒ Ɔ noǎ fòfoa jleě mǒ ji kaǒ.

Klasɔ̌n 1:6

dia lɔ amoo mɔ̀ ɛ gbɛ̀tɛɛ kmɔ̌ wùɛà kɛn le ɛ̌ ni dɛɛ doǒ ɛ nuaa kělɔ a slè sɔɔnʼě chnɛ̀ jlǒ waěǒ kɔn wlòmo a wɔ̌naa Nyesoaa wlòo jlajlǎ dɛà ɛ̈ɛ̌ sà Lɔɔ wlò kǔ mǒ keǒ a mɔ̀ ɛɛ tè plě ǎ jboa ɛɛ le dɛ wlòo jlajlǎ dɛǒ sɛje ɛ monoo.

Jìmǐse 1:17

Kàan klee mɔ̀le snǎ nyee noǎ wùɛ i sonwɛ lě mǒ Nyesoa mɔ̀ Ɔ̈ moo äa Jɔkɛn Gbeǐ Ɔ̈ nuaa pepě ɛ̈ neěe jɔ mǒ plě Ɔ̈ kɔn kmɔ̌ ɛɛ̌ wǒo de le wòje keà wɛnʼɛ sùsu nii.

1 Pitɛ̌ 2:4

A diě kělɔ Koɔn mɔ̀ Ɔ̈ monoo Tiblě Ɛ̈ Nyesoa poo Ɔɔ wǎn. Tùonyopo sàla Ɔ mɔ̀ jleě, kɛɛ Nyesoa Nɔ̀ tbala Ɔ plě Ɔ̈ jěa Lɔ ɛ̈ moo Ɔ nea mǒ dɛ.

2 Pitɛ̌ 3:18

Kɛɛ a muu nya, a kun klě äa Koɔn Jùsu Tentǎn Jǔu wlòo jlajlǎ dɛ mǒ ɛ̈ɛ̌ sà Ɔɔ wlò kǔ mǒ keǒ a mɔ̀ klee klě Ɔɔ de jijiɛ mǒ. Nɛ Bɔ kɔn de bìsea klě tǐà wlòmo plě ke kmɔ̌ mii jleě mǒ bo tonma, kě bɛ ne.