Jɔ̀ɔ̌n 15:4 - Nyesoaa Kuo Win Jajle

⁴ A neǒǒ jleě mǒ ɛ̈ di ɛɛ numa Ě miǒ a jleě mǒ ne. Bo tu baě bɛ̌ seǒ ɛɛ naǎ jleě mǒ ne, ɛ slě wɔ̀ bɛ to buo keǒ ɛɛ chɛ̀ mɔ̀, dɛɛ doǒ nɛ̀ ɛ mono, a slě wɔ̀ ba nu Nyesoaa konkwa ɛ̀ sìnʼǒ bǎ neeɔɔ̌ mɔ̀ plě.

Jɔ̀ɔ̌n 15:4 ပူးပေါင်းရင်းမြစ်များ

Matiɔ̌n 12:33

È kě Jùsu dɛ̌a u je de Ɔ je, “Bɛ̌ nu bǎ dɔ̌ kàan tu, ɛ kɔn bɛ to kàan bui, kɛɛ bǎ dɔ̌ tu kukǔ, ɛ kɔn bɛ to bui kukwǐ, tèǒ nì kɔn tè tu wùɛɛ buo nɛ̀ u jbɛɛ ɛ.

Lǔkù 8:15

Kɛɛ jɔ̌ǒ beǒo kàan blǒ kɛn i nynaǒ pènmo bo nyopòà wɔ̌nʼɔ Nyesoaa win klě uu kàan klee sèn bo mǎ wlò jleě plě ü tùiǒ ii bo klee ü nee ii kmɔ̌ klě wlò kpae tǔn mǒ.”

Jɔ̀ɔ̌n 14:20

Klě chnɛ̀ jlǒ waěǒ wlòmo, a miǎ ɛ jiba ɛ̈ moo Ě neeě Gbeǐ mǒ, ǎ neeěě mǒ, Ě neeě a mǒ.

Jɔ̀ɔ̌n 17:23

Ě neeǒ u mɔ̀, È neeǒǒ mɔ̀. Nɛ bu nu dɛɛ do klě Ä mǒ kpǎkpǎ ɛ̈ di ɛɛ numa kmɔ̌ɔ nyopò mi ɛ ji ɛ̈ moo Mò dbo Mǒ plě Ě noɛɛ u mǒ keà nù Mǒo mǒ noɛɛa.

Jɔ̀ɔ̌n 6:56

nyu wùɛ ɔ̈ mi Něe fǒ diba plě ɔ̈ mi Něe nymɔ nǎma ɔ miěě mǒ nema plě Ě miě ɔ mǒ ne.

Jɔ̀ɔ̌n 8:31

È kě Jùsu dɛ̌a Jùwɛ nyoǒ poa Ɔɔ tè kàan tè je Ɔ je, “Bɛ̌ nu bǎ keǒ winʼà Ě tee amoo bo tùi, è sɛjesɛ amo moo Ně mɔ̀ na nyo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:23

Tà Banàbɔ nynia lěe ɔ jěaa ke Nyesoa nua Ɔɔ wlòo jlajlǎ dɛ ɛɛ̌ sà Ɔɔ wlò kǔ mǒ konkɔn keǒ nyopòǒ mɔ̀, è ɔɔ plɔ bloa le, ii tè ɔ pea u kbě ja le bu kmeaǒ uu tè wlò popoɛ u kɔnaa klě Koɔn mǒ mɔ̀ bo kpankpa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 14:22

keǒ bu poa Jùsuu de na nyoǒ kbě ja le bu kpaea uu tè wlò popoɛ u kɔnaa nya, è u tmɔɔ̌a nu u je, “Ä kɔn bä jě sònwɛ fòfoa plě Nyesoa mǐ ä win kwa kɔn.”

2 Kwnɛtiɛ̌ 13:5

A chechlǎ aa chɛ̀ a mǐ ɛ jě bɛ̌ nu bǎ kɔn tè wlò popoɛ klě Tentǎn Jǔ mǒ, aa chɛ̀ amo blɛɛ je bu chechlǎ aa chɛ̀. A se kɛ i ji ɛ̈ moo Jùsu Tentǎn Jǔ neě a mǒ no le? Ɛ̀ sìnʼǒ bǎ se tè wlò popoɛ wùɛ kɔn plě.

Kalesiɛ̌n 2:20

dɛǒ nɛ̀ nu ɛ ně ne kmɔ̌ ke Ě ni ɛɛ jlajlǎ, kɛɛ Tentǎn Jǔu kmɔ̌ nɛ̀ neěě mǒ. Tà Ě neɔ kmɔ̌ɔ mɔ̀ Ě kɔn kmɔ̌ sie fònfno ɛ̈ ně tè wlò popoɛ Ě kɔnʼɔ klě Nyesoaa Jǔ mǒ nye mǒo Ɔ̈ noɛɛ mǒo mǒ plě Ɔ̈ kǒo keǒǒ mɔ̀.

Ifisiɛ̌n 3:17

ɛ mǐ ɛ nu Tentǎn Jǔ miě aa wlè jleě ne. Ě bɛ̀te Nyesoa keǒ ba mǐ Ɔ mǒ noɛɛ ne klee tùonyopo tùu

Flepiɛ̌n 1:11

klee a mǐ mǒ slɛɛ̌ dɛ nu ɛ̈à Tentǎn Jǔ Jùsu nu amoo a wɔ̀le ba nuu ɛ̈ di ɛɛ numa Nyesoa mǐ de bìsee le klee Ɔɔ tè mǒ jǐ boaě le.

Klasɔ̌n 1:23

Ke ɛ toon jleě mǒ bo ǎ nynaa bo kpankpa klě aa tè wlò popoɛ mǒ ɛ̈ a kɔnʼɔ klě Tentǎn Jǔ Jùsu mǒ klee ǎ se aa wlò je kuuan bo tɛba mu ɛ̈ kɔn tè a wɔ̌naa klě Nyesoaa kàan tuposà mǒ. Ɛmo tuposàa doà ɛ̈ dǔaa pooa mǒ klě nyopò wùɛ mɔ̀ ü neɔɔ kmɔ̌ɔ mɔ̀ nɛ̀ mǒ Pɔ̀ɔ̌ Ě pe ke.

Klasɔ̌n 1:27

Ɔ jlɛ̌ Bɔ poa wlòlekaen je wɛ̌ dɛ fòɛǒ pepě mǒ keǒ Ɔɔ nyopò mɔ̀ ɛ̈ Ɔ kɔnʼɔ ɛ̈ neǒo keǒ dakɔ̌ wùɛ mɔ̀. Ɛmo je wɛ̌ dɛǒ nɛ̀ moo Tentǎn Jǔ neě a mǒ, dɛǒ nɛ̀ nye a wlò je kunkuɛn ɛ̈ moo a miǎ tè jǐ boaboǎ kɔnma.

Klasɔ̌n 2:6

Tèǒ nì kɔn tè keǒ a nuu ǎ blěǒ Tentǎn Jǔ Jùsu mɔ̀ kwa keǒ Bɔ moo aa Chì Kpa Ämo, kě ba nu kmɔ̌ neneɛ wòje nyopò ü kɔnʼɔ tè wlò popoɛ klě Ɔ mǒ.

1 Tɛseloniǎ 3:5

Dɛǒ nɛ̀ kɔn tè Ě seaa kɛ̀ǒ tǐ fòfoa po Ě dboa Timɛtě klě a mɔ̀ ɔ mǐa ɛ jě ke aa tè wlò popoɛ nuu. Ě pea fano, Ě je bo Setɛ̀n ɔ̈ moo měne tɛ̀nɔ̌ bɔɔ̌ tɛ̀naě a měne aa nyu bɔɔ̌ sɔnaǒ snǔ mɔ̀ mǒ klě wakǎ tɛ̀ɛ wlòmo, è ɛmoǒ ɛ miia äa konkwaà numa ɛ mǐaa putu mono.

Hiblǔ 10:39

Ä se de muu nyo ü Nyesoa sùee gbè, kɛɛ ä moo nyopòà ü poo kàan tè ü gblàe lee klě kpni kukwǐi plɔɔ tu kɛn bo maěa bobo.

1 Jɔ̀ɔ̌n 2:6

Bɛ̌ nu nyu bɔ̌ boɔ li ɛ̈ moo Ɔ ne kmɔ̌ keǒ Nyesoa mɔ̀, è kmɔ̌ɔ doǒ Jùsu neaa nɛ̀ ɔ kɔn bɔ ne.

2 Jɔ̀ɔ̌n 1:9

Nyu wùɛà mii sen noǎa teeba plě ɔ̈ see kàan dɛɛ teea dlǒ mɔ̀ kpaba mu ɛ̈ kwɛɛǒo Tentǎn Jǔ jleě mǒ bo, ɔ se Nyesoa kɔn klě ɔɔ wlò jleě. Kɛɛ nyu wùɛà mii kàan dɛɛ teea dlǒ mɔ̀le kpaba ɛ̈ kwɛɛǒo Tentǎn Jǔ jleě mǒ bo, ɔ kɔn äa Gbeǐ Nyesoa klee Ɔɔ Jǔ klě ɔɔ wlò jleě.