Jɔ̀ɔ̌n 15:2 - Nyesoaa Kuo Win Jajle

² Ɔ bɛ̌ ti beě wùɛǒ ïǐ too bui keǒǒ jleě mǒ, è beěǒ toee nì Ɔ snɛ̌ fǒ měne ɛ̈ di ɛɛ numa i mǐ bui fòfoa to.

Jɔ̀ɔ̌n 15:2 ပူးပေါင်းရင်းမြစ်များ

Matiɔ̌n 13:12

Nyuà mii tè le jbojbɛ kɔnma keǒ Nyesoaa win kwa konkɔn jleě mǒ, Nyesoa mi ɔ ngmna mɔ̀ poba Ɔ mǐ ɔ de jbojbɛ fòfoa nye, kɛɛ nyuǒ se ɛɛ tɛ̀ le jbojbɛ kɔn, tè le jbojbɛ chěnchaěe gbee chɛ̀ǒ ɔ kɔnʼɔ Nyesoa mi ɛ ɔ kwa sàba.

Matiɔ̌n 13:33

È Ɔ poa u dǎtèkpa tɛ̀ɛ je Ɔ je, “Nyesoaa win kwa konkɔn wǒ je keà nynɔ duǐi ǐsi chěnchaǐ gbei mǒ ɔ peě i flɔ̌ɔɔ pǔpu fòfoa slè ɔ duduɛ lɛɛ ɛ̌ pɛ lɛɛ jǐ měne ɛ̌ ni ɛɛ ɛ̌ fìi.”

Matiɔ̌n 15:13

È Jùsu tùa u kɛ̀ɛn Ɔ je, “Dodɔ̌ dɛ wùɛà Ně Gbeǐǒ neěe jɔkɛn Ɔ see dɔ̌, Ɔ mi ɛ be ngmɛ̀ɛ bo mǎma Ɔ mǐ ɛ wlò sà.

Matiɔ̌n 21:19

Ii tè tà Ɔ jěaa bueě tuǒ keǒ snǔ wakǎ mǒ, Ɔ muaě ɛ mɔ̀ Ɔ̌ pɛ̀nʼa buo le Ɔ mǐa di, kɛɛ Ɔ seaě ɛ buo ja jɛɛ le ɛ̀ sìnʼǒ wɔ̀nfi sosǒo do. Tèǒ nì kɔn tè kě Ɔ dǎla bueě tuǒ je Ɔ je, “Tu buo seǎ kɛ̀ lɔɔ ja kun kpe!” È tǐi doo tǐ jleě tu nɛ̀ǒ chechɛ̌a.

Matiɔ̌n 25:29

Mɛ kɔɔ̌n tèǒ joo nɛ̀ moo nyuà mii tè le jbojbɛ kɔnma, ɔ mi ngmna mɔ̀ pooba ɔ mǐ de jbojbɛ fòfoa kɔn, kɛɛ nyuǒ se ɛɛ tè le jbojbɛ kɔn, tè le jbojbɛ chěnchaěe gbee chɛ̀ǒ ɔ kɔnʼɔ ɛ mi ɔ kwa sàeba.

Matiɔ̌n 3:10

Kèkeà Nyesoaa tòwɛ wɛ̀ le mɔ̀ keǒ bɛ bɛɛě ti wùɛɛ be wlò je le. Ii tè tuà ɛ̈ see kàan buo toba mu Ɔ mi ɛ dbaba Ɔ mǐ ɛ tǎn po.

Matiɔ̌n 3:12

Ɔɔ nyaka neě Ɔ kwete mǒ Ɔ̌ flè Ɔɔ kou měne Ɔ̌ sɛ̀ ɛ fle mɔ̀le Ɔ mǐ ɛ bo tù klě wùlo, è ɛɛ fleǒ nì Ɔ mi tǎn poba klě naà see chlechlɛ kɔn slè.”

Matiɔ̌n 7:19

Ii tè tuà ɛ̈ see kàan buo toba mu ɛ mi dbaeba ɛ mǐ tǎn poo lo.

Mǎkè 4:20

È ɛ kɔn nyopò tùu neǒo ü wǒo je jɔ̌ǒ ï beǒo kàan blǒ kɛn, bǔ wɔ̌n ni, u pe ii tè kàan tè ǔ nee i kmɔ̌, nù wǒ je jɔ̌ǒ ï toee wlò tùo pù pù klee wlèe tanʼa tan klee wlèe m̀m m̀m.”

Lǔkù 8:13

Ii tìeǒ beě seɛ̌ blǒ kɛn i nynaǒ pènmo bo nyopòà wɔ̌nʼɔ winʼà tǐi doo tǐ jleě ii chǒn beě wlò jleě ü kme nii bo, kɛɛ uu tè wlò popoɛ chɛɛ̌n mǒ no. Ii tè bǔ po i kàan tè klě tǐ gbei wlòmo plě bo měne tèntɛn bɛ̌ diě, è nùǒ muu de.

Jɔ̀ɔ̌n 15:1

È kě Jùsu dɛ̌a Ɔ je, “Mǒà Ě wǒ je kàan Tu, è Ně Gbeǐ Nɔ̀ moo chèǒ ɛɛ Jǐ Mɔ̀ Tùɔ̌.

Jɔ̀ɔ̌n 15:16

Ɛ se amo a seǒǒ sà, kɛɛ Mǒà Mǒ sàǒ amo plě Ɔ̈ tba amo keǒ ba mu a mǐ noǎ fòfoa le nu ï mii wlɛ̀ɛba. Ně Gbeǐ mi a dɛ wùɛ nyema ɛ̈ a mii wan gbàba klě Ně nynɛ̌ wlòmo.

Jɔ̀ɔ̌n 15:3

Amoà kmee winʼà Ě tmɔɔ̌ amoo bo a snǎě mɔ̀le ɛ̌ wɛ̀ mɔ̀le.

Jɔ̀ɔ̌n 15:6

Nyu wùɛ ɔ̈ seǒ Mǒo jleě mǒ nema mu, Nyesoa mi ɔ kwa poba wòje tu baě ɛɛ̌ too, ɛ mǐ chechɛ̌, è imo beě taeǒ Ɔ mi i le bòba Ɔ̌ mǐ na tiɛ̌n Ɔ̌ mǐ i tǎn po.

Jɔ̀ɔ̌n 15:8

Bɛ̌ nu bǎ ke noǎ fòfoa ni keǒ Nyesoa mɔ̀, è a nye Ně Gbeǐ tè jǐ boaboǎ plě a tee ɛ ɛ̈ moo a moo Ně mɔ̀ na nyo.

Jɔ̀ɔ̌n 17:12

Tà u klee Mǒ ä neě jè lɔɔ kmɔ̌ɔ mɔ̀, Ě tùi u mɔ̀ jǐ klě Nè nynɛ̌ wlòmo Ě nɛɛ u, ii tè uu nyuu doo chɛ̀ se mǎ, ɛ̀ sìnʼǒ nyuu doà ɔ̈ poo loo na slè mumuɛ jeja ɔ̈ mǎa ɛ̈ di ɛɛ numa Nè winʼà ï dǎla bòo i miǒ jaě le.

Wlǔmɔ 11:17

Nyesoa bɛ̌ tu baěǒ ii tìe jele, è amoà monoo tu baě ü sɔn lěe dɔ̌ tu ja mǒ Nyesoa poǒ ii pènmo. È klě tǐà wlòmo a kwɛn plɔɔ bloblɛ klě kmɔ̌à jǐi ngmna fòfoa jele mǒ ɛ̈ Jùwɛ nyo kwɛn pnɔɔ.

Wlǔmɔ 11:22

Klě ɛmoǒ mǒ ä jě Nyesoaa nunu kmɔ̌ kplěe sɔ̌n ï neě Ɔɔ mǒ, kàan klee wan jakǎ dɛ ï Ɔ nii. Ɔɔ dɛ jakǎ wan keǒ nyopòà mɔ̀ ü bee wɔ̀ɔn, kɛɛ bɛ̌ nu bò kme Ɔɔ kàan dɛ nunuɛǒ bo, Ɔ ni kàan keǒò mɔ̀. Nɛ̀ bò se nu, mìǒ Ɔ jleě mǒ sɔnma.

Wlǔmɔ 8:28

Ä ji ɛle ɛ̈ moo klě dɛ wùɛ mǒ Nyesoaa Sùsu mɛ̌ǒ nyopòǒ mɔ̀ ü noɛɛ Ɔɔ mǒ ɛ̈ di ɛɛ numa kàan dɛ miě dɛ wùɛǒ wlòmo sɔn keǒ nyopòǒ mɔ̀ ü Ɔ daa bü na Nɔɔ de wòje ke Ɔ nua ɛɛ ble popoɛ bu nuaa.

1 Kwnɛtiɛ̌ 13:1

Bɛ̌ nu boǒ wɔ̀le ɛ keǒ bo po tùonyopoo winʼi doědoe klee najiǒpòo winʼi chɛ̀, kɛɛ boǒ se mǒ noɛnoɛ kɔn keǒ nyopò tùu mɔ̀, Ě se dɛ nynɛ̌ sɛ̀n, Ě wǒ je keà u kokwɛɛ lee panpeě je le ï pee slɛ̀ le ɔ̀ɔ̌ keà u nuu gbèkleeǒ u beò.

Taetɔ̌ 2:14

Tentǎn Jǔ koǒǒ äa tèe tà keǒ ä mǒ dbǐ mǒ wan klě kmɔ̌ kukǔ wùɛ slè plě Ɔ mǐ ä mɔ̀le snǎ nyo mǒ nu ü kɔnʼǒ Ɔɔ mɔ̀ɔ do plě ü kɔn fě nymɛ̌ɛ bü nuu kàan dɛ.

Hiblǔ 12:15

Ba tùě jǐ bo plě aa nyu ɔɔ̌ di Nyesoaa wlòo jlajlǎ dɛà ɛ̈ɛ̌ sà Ɔɔ wlò kǔ mǒ keǒ a mɔ̀ kɛn tbɛ, è aǎ sonwɛǒ kpni kukwǐ nyu mɔ̀ mǒ ɔɔ̌ neě a slè ɔɔ̌ seě a kmɔ̌ kukǔ ja po wòje momae tu.

1 Jɔ̀ɔ̌n 2:19

Umo faen nyoǒ u sɔn nɔ äa wǎn slè mǒ. Sɛjesɛ u se lɔ ä slè kɔn. Bɛ̌ nu bǔ kɔɔn lɔ ämo slè, u miiɔ ämo slè bo nema. Uu mǒ sonsɔn nɛ̀ tee ɛ ɛ̈ moo sɛje u se ɔ ä slè kɔn.

Wlɛ̀velesɔ̌n 3:19

Nyopòà Ě noɛɛ nee mǒ nù Ě peě snǔ mɔ̀le plě Ě sɛ̀ě le. Tèǒ nì kɔn tè a sɛ̀n ɛ nynɛ̌, a bitǐ aa wlè bo.