Jɔ̀ɔ̌n 15:1 - Nyesoaa Kuo Win Jajle

¹ È kě Jùsu dɛ̌a Ɔ je, “Mǒà Ě wǒ je kàan Tu, è Ně Gbeǐ Nɔ̀ moo chèǒ ɛɛ Jǐ Mɔ̀ Tùɔ̌.

Jɔ̀ɔ̌n 15:1 ပူးပေါင်းရင်းမြစ်များ

Matiɔ̌n 15:13

È Jùsu tùa u kɛ̀ɛn Ɔ je, “Dodɔ̌ dɛ wùɛà Ně Gbeǐǒ neěe jɔkɛn Ɔ see dɔ̌, Ɔ mi ɛ be ngmɛ̀ɛ bo mǎma Ɔ mǐ ɛ wlò sà.

Matiɔ̌n 20:1

Nyesoaa win kwa konkɔn wǒ je keà chè kɔn nyu duǐi jemǒ kènta gbìi ɔ miěe pɛlě plooa mǒ ɔ mii chènyo le pɔ̀nma u mǐ ɔɔ konkwa nu klě chè mǒ.

Matiɔ̌n 21:33

Jùsu kpɛɛa Ɔɔ win nya Ɔ je, “A po dǎtèkpa tɛ̀ɛà nɔkǔ jebo. Ɛ kɔna jbɛju tɔ̀ɔ ɔ̈ nuaa chè fòɛ plě ɔ̈ dɔ̌a ɛɛ nano kɛn. Ɔ sàla chèǒ seɛ̌ɛ ngmì je ɔ̌ blǔa bǐtìe klě seɔ̌ wlòmo ɛ̈ kɔn wan u mia lěe nano jɔ̌ǒ pnɔɔ̌ma plě ɔ̌ poa ja tmɔ koǔ keǒ chèǒ ɛɛ jǐ mɔ̀ tùtuɛ mɔ̀ ɔ̌ dǔa chèǒ mǒ ɔ̌ nyea ɛ jlě nu nyopò tùu u mǐa ɛ konkwa dlǒ mɔ̀ kpa dɛ bɛ̈ sɔnaě ɛ wlòmo u mǐa ɔ blěe nenɛ ɔ kɔnaǒo ɔ̀ nye, è nɔ̀ǒ muaě blǒ tɛ̀ɛ kɛn tǐnma.

Mǎkè 12:1

È Jùsu tùngmaeaě u mɔ̀ boɔboɔ klě dǎtèkpe wlòmo Ɔ je, “Ɛ kɔna jbɛju tɔ̀ɔ ɔ̈ nuaa chè fòɛ ɔ̈ dɔ̌la ɛɛ nano kɛn. Ɔ sàla chèǒ seɛ̌ɛ ngmì je ɔ̌ blǔa bǐtìe klě seɔ̌ wlòmo ɛ̈ kɔn wan u mia lěe nano jɔ̌ǒ pnɔɔ̌ma plě ɔ̌ poa ja tmɔ koǔ keǒ chèǒ ɛɛ jǐ mɔ̀ tùtuɛ mɔ̀ ɔ̌ dǔa chèǒ mǒ ɔ̌ nyea ɛ jlě nu nyopò tùu u mǐa ɛ konkwa dlǒ mɔ̀ kpa dɛ bɛ̈ sɔnaě ɛ wlòmo u miǎ ɔ blěe nenɛ ɔ kɔnaǒo ɔ̀ nye, è nɔ̀ǒ muaě blǒ tɛ̀ɛ kɛn tǐnma.

Lǔkù 13:6

È dǎtèkpaà nɛ̀ Jùsu poa u je Ɔ je, “Ɛ kɔna jbɛju tɔ̀ɔ nɔ̀ dɔ̌a bueě tu klě ɔɔ bò mǒ. Tǐ wùɛ mɔ̀ ɔ miě bueěǒ ja ɔ̌ pɛ̀n buo le, kɛɛ ɔ sěɛlǎě ɛ buo ja jɛɛ le.

Jɔ̀ɔ̌n 1:17

Nyesoa nyea ä teteǎ Ɔ jaeaěe Mɔ̀sě mǒ, kɛɛ Jùsu Tentǎn Jǔ jalaě Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ Ɔ̌ tmɔɔ̌a ä kàan tè keǒ Nyesoa jleě mǒ.

Jɔ̀ɔ̌n 1:9

Ɛmo kàan Pepěǒ nɛ̀ moo Nyuà Ɔ̈ diɔɔ kmɔ̌ɔ mɔ̀ keǒ Bɔ̈ fɔɔnʼǒo nyopò wùɛ dlǒ.

Jɔ̀ɔ̌n 15:2

Ɔ bɛ̌ ti beě wùɛǒ ïǐ too bui keǒǒ jleě mǒ, è beěǒ toee nì Ɔ snɛ̌ fǒ měne ɛ̈ di ɛɛ numa i mǐ bui fòfoa to.

Jɔ̀ɔ̌n 6:32

È kě Jùsu dɛ̌a u je Ɔ je, “Kàan tèà Ě boɛ a je, Mɔ̀sě sea aa gbeǐpò kàan digbaǐ nye ï sɔna lěe jɔkɛn mǒ, kɛɛ Ně Gbeǐ Nɔ̀ nye a kàan Kouà Ɛ̈ sɔn lěe jɔkɛn mǒ.

Jɔ̀ɔ̌n 6:55

Ke ɛ mii jleě mǒ bo tonma Ně fǒà nɛ̀ moo kàan didi dɛ plě Ně nymɔà nɛ̀ moo kàan nenǎ dɛ,

Wlǔmɔ 11:17

Nyesoa bɛ̌ tu baěǒ ii tìe jele, è amoà monoo tu baě ü sɔn lěe dɔ̌ tu ja mǒ Nyesoa poǒ ii pènmo. È klě tǐà wlòmo a kwɛn plɔɔ bloblɛ klě kmɔ̌à jǐi ngmna fòfoa jele mǒ ɛ̈ Jùwɛ nyo kwɛn pnɔɔ.

1 Kwnɛtiɛ̌ 3:9

Ä niiǒ tàa do konkwa klě Nyesoaa chè fòɛ mǒ ɛ̈ mooě amoo slè. È plě de aa chɛ̀ǒ a moo Nyesoaa koǔ.

1 Jɔ̀ɔ̌n 2:8

Kɛɛ Ě chlě ɛɛ dɛ jajlo ke keǒ a mɔ̀. Ɛɛ kàan dɛ ɛ̈ neě ɛɛ mǒ nyopò jě ɛle klě Tentǎn Jǔu kmɔ̌ neneɛ mǒ klee klě aa chɛ̀ mǒ. Mɛ̌oǒ joo nɛ̀ moo kwijlěǒ a nea lěe slè ɛ sìn ni klě tǐà wlòmo, è kàan pepě diě le ɛ̌ fɛn ɛ̌ wɛ̀ mɔ̀le.