Jɔ̀ɔ̌n 14:9 - Nyesoaa Kuo Win Jajle

⁹ È Jùsu gbàla ɔ wan Ɔ je, “Felɔ̌, tǐ wùɛà Ě sìnʼɔ amoo slè kě sèɛɛ̌ ji kaǒ? Nyuà ɔ̈ jě Mǒo ɔ jě Ně Gbeǐ le ke. Mɛ kɔɔ̌n tè dɛ̀ɛ̌ kɛ bò ɛ̈ moo ‘Tee Nè Gbeǐ ämo?’

Jɔ̀ɔ̌n 14:9 ပူးပေါင်းရင်းမြစ်များ

Mǎkè 9:19

È kě Jùsu dɛ̌a Ɔɔ mɔ̀ cheěn nyo je Ɔ je, “Amo nyopòà a se tè wlò popoɛ kɔn! È tǐ tae Bo sìǐn kɛɔ a slè plě a mǐǐ kàan tè popoɛ kɔn? È ke bo wlò dbadbǎà Ě kɔnʼɔ bɛ toǒn kɛ jleě mǒ bo keǒ a mɔ̀? A jaě jǔ bɔloǒ keàǎ mɔ̀.”

Lǔkù 12:56

Amo ä jěè kɛn ä daà kàan chènyoà, bǎ chè lɔ blǒ mɔ̀ bo plě bǎ chèě jɔ mǒ bo, è a wɔ̀le ɛle keǒ ba jbo ɛ le dɛ i sɛ̀n nynɛ̌, kɛɛ mɛ kɔɔ̌n tè aǎ jboǒ noǎà kpɛ kekɛɛ tùɔn ii tè le?

Jɔ̀ɔ̌n 1:14

Win beaě tùonyu tǔn wlòmo Ɔ̌ nea nɔ ä slè klě tǐ gbei wlòmo. Tà Ɔ neěa jèɔ ämoo slè, ä jěa Ɔɔ tè jǐ boaboǎ ɛ̈ Ɔ kɔnaa wòje Ɔɔ Gbeǐ Nyesoaa Jǔu do. Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ plě Ɔ̌ tmɛɛ̌ ä kàan dɛ.

Jɔ̀ɔ̌n 10:30

Ně Gbeǐ klee Mǒ Ä moo dɛɛ do.”

Jɔ̀ɔ̌n 12:45

È doo de, nyu wùɛ ɔ̈ mi Mǒo jěba ɛ wǒ je ɔ jě Nyuà dbo Mǒo no ke.

Jɔ̀ɔ̌n 14:20

Klě chnɛ̀ jlǒ waěǒ wlòmo, a miǎ ɛ jiba ɛ̈ moo Ě neeě Gbeǐ mǒ, ǎ neeěě mǒ, Ě neeě a mǒ.

Jɔ̀ɔ̌n 14:7

Bɛ̌ nu bǎ ji Mǒ, è a ji Ně Gbeǐ le ke. Sɔɔnʼà tǐà jleě mǒ a mi Ɔ jiba. È a jě Ɔloo chɛ̀ ɛ̌ wɛ̀ mɔ̀le.”

Jɔ̀ɔ̌n 8:19

È u gbɛ̀a Ɔ wan u je, “È tà Gbèǐ neě kɛ?” È Jùsu tùa u kɛ̀ɛn Ɔ je, “A se Mǒ klee Ně Gbeǐ ji. Bɛ̌ nu bǎ jii Mǒ, è a mii Ně Gbeǐ jiba ke.”

1 Kwnɛtiɛ̌ 15:12

Ke ɛ toon jleě mǒ bo ä boɛɛ Nyesoaa win ɛ̈ moo Tentǎn Jǔ dǔǎ jemǒ Ɔ̌ sɔnaě kǒla mǒ, è mɛ kɔɔ̌n tè aa tìe tùu je nyu bɔ̌ kǒǒ kɛ ɔ seǎa jemǒ dǔba mu?

Flepiɛ̌n 2:6

Kàan tè Ɔ moo Nyesoa klě Ɔɔ kmɔ̌ neneɛ mǒ, kɛɛ Ɔ seaǒ nyopò demǒ ne bɛɛ keǒ bu nua Ɔɔ dɛ wòje Nyesoa.

Klasɔ̌n 1:15

Tentǎn Jǔ wǒ je Nyesoa Ɔ̈à nyu ně jěe, plě Nyesoa mǐa kmɔ̌à nu Ɔ nea kmɔ̌, Nɔ̀ kɔn tè boǎ jǐ ï sìnʼǒ dɛ wùɛɛ tè mǒ.

Hiblǔ 1:3

Nɔ̀ moo Nyu Ɔ̈ tee ɛɛ ɛ̈ moo Nyesoa ne kɛn tùɔn plě Nyesoaa kmɔ̌ nɛ̀ neě Ɔ ja teěn. Nɔ̀ ni kmɔ̌à ɛ̌ neǒ klě Ɔɔ kpě kɛne win wlòmo. Tà Ɔ nu ɛɛ ɛ wɔ̀le ɛɛ keǒ tùonyugbee dɛ kukǔu tè bi poo loo wlò le, è Ɔ ne bo klě jɔkɛn klě Ja Tmɔ Nyesoaa dilǎ son mɔ̀ keǒ tùɔnʼǒ kɔnʼǒo tùtuɛ fòɛ kɛn.

1 Jɔ̀ɔ̌n 5:20

Ä ji ɛ de ɛ̈ moo Nyesoaa Jǔ diě le Ɔ̌ nye ä tèe le jbojbɛ, nɛ̀ ni ɛ ä ji kàan Nyesoa. Ä neeě kàan Nyesoa mǒ klee Ɔɔ Jǔ Jùsu Tentǎn Jǔ. Dɛǒ nɛ̀ moo kàan Nyesoa klee kmɔ̌ sie fònfno.