Jɔ̀ɔ̌n 14:2 - Nyesoaa Kuo Win Jajle

² Blè fòfoa nì neě Ně Gbeǐi koǔ bo, bɛ̌ see bò nu, Ě see amo tmɔɔ̌ no ɛ̈ moo Ě mi ni Ě mǐ tùɔn mɔ̀le wɔ̀ keǒ a mɔ̀.

Jɔ̀ɔ̌n 14:2 ပူးပေါင်းရင်းမြစ်များ

Lǔkù 14:22

Tà nyebajloǒ ɔ diaa de, è kě ɔ dɛ̌a ɔ je, ‘Nyefòɛ, dɛ wùɛà jè bo nuu Ě nu ɛ ne, kɛɛ fɔ̌ neě jèà keǒ nyopò fòfoa mɔ̀.’

Jɔ̀ɔ̌n 13:33

Ně jlǔ ale, tǐ gbei nì siǒ Ě mǐɔ a slè mǒ sɔn. Dɛà Ě tmɔɔ̌ noo Jùwɛ nyo nɛ̀à Ě tmɛɛ̌ amo, a miǐ le pɔ̀nma, kɛɛ tà Ě miě a seě mumuɛ wɔ̀.

Jɔ̀ɔ̌n 13:36

È Saemɔ̌ Pitɛ̌ gbɛ̀a Jùsu wan ɔ je, “Koɔn, è tà miǐ kɛ?” Jùsu tùa ɔ kɛ̀ɛn Ɔ je, “Tà Ě miěe slè wɔ̀ bò naǎ de klě tǐà wlòmo, kɛɛ tǐ miě diba mìě mu.”

Jɔ̀ɔ̌n 14:28

Dɛǒ nɛ̀ a wɔ̌n Ě boɔ a je ɛ̈ moo Ě mi a bo siba Ě mǐ mu, kɛɛ Ě mi de diba de kělɔ a mɔ̀. Bɛ̌ nu bǎ noɛɛ neě mǒ, è tà Ě miě Něe Gbeǐ mɔ̀, aa plɔ bɛ blo. Mɛ̌oǒ joo nɛ̀ moo Ně Gbeǐ Nɔ̀ kun Ɔ̈ sìnʼǒǒ mǒ, è bɛ̌ nu Boǒ mu, Ɔ mi Ɔɔ kpě amo nyema.

Jɔ̀ɔ̌n 16:4

Ě tmɛɛ̌ a dɛ wùɛǒ lo ɛ̈ di ɛɛ numa bɛ̌ nu ii tǐ bǐ nyniǒ bǐ ke tùɔn kpɛ, i miě a wlòmo be ɛ̈ moo Ě tmɔɔ̌a i a le. Klě ɛɛ wlò tùla mǒ a klee Mǒ ä nɛɛ̌a jè le, ii tè Ě sěɛ pnɔ i a je tùi.

Jɔ̀ɔ̌n 17:24

Ně Gbeǐò, Ě jlɛ̌ nyopòà ü nyè Mǒo bu neǒǒ gbàa tà wùɛ Ě miǒo nema ɛ̈ di ɛɛ numa tè jǐ boaboǎà nyèa Mǒo keǒ tà noɛɛ Mǒo mǒ ɛɛ tè mɔ̀, u mǐ ɛ jě ɛ̈ Ě kɔnaa plě kmɔ̌ɔ chɛ̀à ɛ mǐi nuu nu.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:16

Ně chɛ̀ Mǒ mi ɛ ɔ teeba ke ɔ kɔn bɔ nuu sònwɛ jejeɛ̌ keǒ Ně nynɛ̌ɛ tè mɔ̀.”

2 Kwnɛtiɛ̌ 5:1

Ä ji ɛle bɛ̌ nu äa blǒ fǒà ä nenee kmɔ̌ bɛ̌ sùe gbè, Nyesoa kɔn kmɔ̌ siee fǒ keǒ ä mɔ̀ ɛ̈ neěe jɔkɛn ɛ̈à tùonyugbee son see nu.

1 Tɛseloniǎ 5:9

Mɛ kɔɔ̌n tèǒ joo nɛ̀ moo Nyesoa se ä tba keǒ bä jě sònwɛ klě Ɔɔ plɔɔ tu kɛn bo maěa bobo, kɛɛ keǒ bä jě wowa dɛ ɛ̈ diiě äa Koɔn Jùsu Tentǎn Jǔ mǒ

Taetɔ̌ 1:2

Tè wlò popoɛ nyna kɛn bo wlò je kuuan keǒ kmɔ̌ sie fònfno mɔ̀ ɛ̈ plě kmɔ̌à ɛ mǐaa wlò tùe Nyesoaà monoo Wlò Kpae Nyesoa Ɔ peeě keǒ ä mɔ̀.

Hiblǔ 11:10

Eblɛ̌hɛ̀mo tɛnaě kmɔ̌ɔ nya le ɔ̌ pɛ̀nʼa dě fòɛǒ le ɛ̈ kɔnaa kmɔ̌ sie kǎngmà ɛ̈ Nyesoaa chɛ̀ɛ poaa ble plě Ɔ poaa.

Hiblǔ 13:14

Ke ɛ toon jleě mǒ bo kělɔ kmɔ̌ɔ mɔ̀ dě fòɛ tɛ̀ɛ seɔɔ ne keǒ ä mɔ̀ ɛ̈ moo kmɔ̌ sie dě fòɛ, nɛ̀ kɔn tè ä tɛnʼě nya le ä pɛ̀n dě fòɛ ɛ̈ miěe diba le.

Hiblǔ 6:20

Jùsu kɛnʼě ä nya Ɔ̌ muě Nyesoa jemǒ keǒ ä pènmo, Nɔ̀ moo äa Bodiɔ ke ɛ mii jleě mǒ bo tonma wòje keǒ Mɛchesèdaa ka nee je ɔ̈ moo Nyesoaa bodiɔ.

Hiblǔ 9:8

Ngmà Je Ne Sùsu Nɛ̀ tee i ämo ɛ̈ moo kě u nia imo noǎǒ dlǒ mɔ̀ kpokpa klě tǐǒ wlòmo, ke ɛ toon jleě mǒ bo blòǒ wɛ̀ɛa lɔɔ nya ɛ̌ neěa jèǒo, nyu wùɛ nɔ̀ seaǒ je blɛɛ le bɔ̈ mua lě klě Nyesoa jemǒ klě tùɔnʼǒ kɛn ɛ̈ nee ngmà je chɔɔ.

Wlɛ̀velesɔ̌n 1:5

klee klě Jùsu Tentǎn Jǔ mɔ̀ Ɔ̈ moo wlò kpae Sàse klee klekle Nyu Ɔ̈ sàeěe kǒla mǒ plě Ɔ̈ kɔnʼɔ klɔ̀bapoo wùɛ win kwa ü neɔɔ blǒɔ mɔ̀. Bìsea keǒ Jùsu mɔ̀ keǒ Bɔ di ä mǒ noɛɛ ne Bɔ di ä kpni kukwǐi plɔ tu kɛn bo maěe dbǔ mɔ̀ bɛ̌ ɛ̈ Ɔɔ kokoɛ̌ nuu.

Wlɛ̀velesɔ̌n 21:2

Ě jěa ngmà je ne diě ɛ̈ moo Jlǔsnɛ jajlo ɛ̌ sonwɛaě jɔkɛn mǒ klě Nyesoa mɔ̀ ɛ̌ diaɔ wɔ̀ɔn. U wɔ̀a ɛ mɔ̀le wòje keà tǐnma nynɔ pee jǐlenmɔ dale měne ɔ mi ɔɔ jbe je mɔ̀ɔma.

Wlɛ̀velesɔ̌n 3:12

Nyu wùɛà mii duduɛ kɔnma, nɔ̀ Ě mi Ně Nyesoaa kǎ fòɛɛ tiblě mǒ numa plě ɛmoǒ ɔ se ɛ bo tetɛ kɔnma mu de. Ě miǒ ɔ Nyesoaa nynɛ̌ kɛn chlěba klee Ɔɔ dě fòɛɛ nynɛ̌ ɛ̈ monoo Jlǔsnɛ jajlo ɛ̈ miě Ɔɔ mɔ̀ mǒ sɔnma klě jɔkɛn ɛ̈ miɔɔ wɔ̀ɔn diba. Ě miě ɔ kɛn Ně nynɛ̌ jajlo chlěba ke.’

Wlɛ̀velesɔ̌n 3:21

Nyu wùɛ ɔ̈ mii duduɛ kɔnma, nɔ̀ Ě mi fɔ̌ nyema ɔ klee Mǒo sɔ̌n ä miǒ Ně klɔ̀ba gbèsɛɛ kɛn bo ne wòje keǒ Ě nuaa Ě kɔnaa dudu ii tè Mǒ klee Ně Gbeǐi sɔ̌n Ä neǒo Ɔɔ klɔ̀ba gbèsɛɛ kɛn bo.’