Jɔ̀ɔ̌n 13:8 - Nyesoaa Kuo Win Jajle

⁸ È kě Pitɛ̌ dɛ̌a ɔ je, “Òooǒn, sèǎǎ be le jla kpe.” È Jùsu tùa ɔ kɛ̀ɛn Ɔ je, “Boǒ seè be le jla, è sè wakǎ kɔn keàǎ jleě mǒ.”

Jɔ̀ɔ̌n 13:8 ပူးပေါင်းရင်းမြစ်များ

Matiɔ̌n 16:22

È Pitɛ̌ kpaeaǒ Jùsu wakǎ mǒ ɔ̌ soa Lɔ ɔ je, “Sɔ̀, Koɔn, nɛ bo Nyesoa Bɔɔ̌ sonwɛǒ dɛ taeǒ mɔ̀ mǒ bɛɛ̌ kpɛ tùɔn keǒò jleě mǒ!”

Matiɔ̌n 21:29

È ɔɔ jǔ tùa ɔ kɛ̀ɛn ɔ je, ‘Òooǒn, Ě slě muma mu.’ Kɛɛ ɔ neaǒ ne è wlò jɛɛa ɔ tè, è nɔ̀ǒ bɔɔ̌a demǒ ɔ̈ muaě chè mǒ ɔ̈ mua konkwa mɔ̀.

Matiɔ̌n 26:33

È kě Pitɛ̌ dɛ̌a Ɔ je ɔ je, “Baǎje nyopò wùɛ bǔ siǒò bo, kɛɛ mǒà Ě seǎǒò bo siba mu kpe!”

Matiɔ̌n 26:35

Kɛɛ kě Pitɛ̌ dɛ̌a Ɔ je ɔ je, “Baǎje bǔ momǎe mǒ klee Mòo sɔ̌n kɛn bo bǔ ke ä dbɛ̌ɛ chɛ̀, Ě seǎà mɔ̀ chnɛ̀ kpe ɛ̈ moo Ě seè ji.” È ɔɔ bǐì mɔ̀ cheěn nyo tùuǒ neaǒo dɛɛ doǒ nɛ̀ u boɔla.

Jɔ̀ɔ̌n 13:6

Tà Ɔ jɛɛaa Saemɔ̌ Pitɛ̌, Pitɛ̌ gbɛ̀a Ɔ wan Ɔ je, “Koɔn, mi kɛɛ̌ be le jlaba ke le?”

Jɔ̀ɔ̌n 13:9

Saemɔ̌ Pitɛ̌ sea dɛ Jùsu sɛ̀nʼaa nynɛ̌ le jbo. Ii tè ɔ tùa Ɔ kɛ̀ɛn ɔ je, “Koɔn, è bɛ̌ neěe bò jè, è ɛ se ně bee do sosǒ sè i le jlaba mu, jla ně sonwe klee Ně dlǒ ke!”

Jɔ̀ɔ̌n 3:5

È Jùsu tùa ɔ kɛ̀ɛn Ɔ je, “Kàan tè Ě boɛ mòo je nìà, nyu wùɛ slě wɔ̀ bɔ beě Nyesoaa win kwa konkɔn bobo, ɛ̀ sìnʼǒ bɔ̌ poo ně dlǒ klee Ngmà Je Ne Sùsu Bɛ̌ neě ɔ ja plě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 22:16

Klě tǐà wlòmo mɛ feě kɛ? Sɔn mǒ bo poò ně dlǒ nè kpni kukwǐ miǒ le wɛ̀, è bò nu Ɔɔ konkwa.’

1 Kwnɛtiɛ̌ 6:11

Aa tìe tùu kmɔ̌ǒ nɛ̀ a ne pnɔě slè plě ǎ bitǐ aa wlè bo, kɛɛ äa Koɔn Jùsu Tentǎn Jǔ klee Nyesoaa Sùsu nì jla amo klě kpni kukwǐ slè nɛ̀ nu a ngmà je ne nyo klee jebo siǐn nyo mǒ klě Nyesoa jǐ kɛn.

Ifisiɛ̌n 5:26

Ɔ nu ɛmo dɛǒ keǒ Bɔ tù u ngmà je Ɔ̌ nu Ɔɔ win klee ně dlǒ popoɛ Ɔ̌ wɔ̀ u sìnɛ

Klasɔ̌n 2:18

Ii tè aǎ sonwɛǒ nyu wùɛ mɔ̀ mǒ ɔɔ̌ tùiǒ ngmè ble keǒ a jleě mǒ ï miǒ amoo Tentǎn Jǔ jleě mǒ sàba aǎ di Ɔɔ wɛ̀ sà. Nyopò taeǒ u blě dlǒ le sìɛnsiɛn kukǔ nɛ̀ ni ɛ ǔ jě ɛ ɛ̈ moo uu tè kun nu ǔ ni dɛ keà u tìeǒ uu chɛ̀ ja ǔ sɛ̀ najiǒpòo wɛ̀ plě ǔ tmɛɛ̌ amo slèe u jěe ɛɛ tè klee ǔ jɛɛ̌ǒ uu chɛ̀ le keǒ dɛà mɔ̀ ɛ̈ see dɛ mǒ ne.

Klasɔ̌n 2:23

Imo ngmèǒ i kpɛɛ a kbě ba sà Nyesoaa wɛ̀ klě tǔn tɛ̀ɛ wlòmo klee keǒ ba tìeǒ aa chɛ̀ ja plě ba pae aa chɛ̀ɛ fǒ dɛ wan le, ii tè kàan tè i wǒ noǎ nee tɔ̀n wlòmo, kɛɛ sɛjesɛ i se dɛ mǒ ne keǒ bi kɔn tùonyugbee kpni kukwǐ wlòo jlajlǎ dɛ win kwa.

Taetɔ̌ 3:5

Ɔ̌ gblà ämo, ɛ̈ see bä nu jebo siǐn dɛ tɛ̀ɛ, kɛɛ ɛ moo Ɔɔ wɔle je jbojbɛ Ɔ kɔnʼɔ keǒ ä mɔ̀, nɛ̀ nu ɛ Ɔ̌ gblà ämo ɛ̈ diiě ně dlǒ popoɛ mǒ ɛ̈ nye ämoo kmɔ̌ jajlo klee klě Ngmà Je Ne Sùsu mǒ Ɛ̈ pe ämoo kbě ja le chnɛ̀ jlǒ waě wùɛ mɔ̀.

Hiblǔ 10:22

a nɛ bä sɛ̀n ɛ nynɛ̌ bä konwaě Nyesoa le keǒ äa wlò wùɛ mɔ̀ bä kɔn wlò je kunkuɛn ɛ̈ moo Ɔ mi ä jebo kmema. Mɛ kɔɔ̌n tèǒ joo nɛ̀ moo äa tè le jbojbɛ Jùsuu nymɔ gblàe ɛ kɛne ɛ̈ snǎě ämoo mɔ̀le ɛ̈ sàě ämoo kpni kukwǐi tè jɛɛa bobo klee äa fǒ jlae le klě něà mɔ̀ ɛ̈ snǎ lěe mɔ̀le.

Wlɛ̀velesɔ̌n 1:5

klee klě Jùsu Tentǎn Jǔ mɔ̀ Ɔ̈ moo wlò kpae Sàse klee klekle Nyu Ɔ̈ sàeěe kǒla mǒ plě Ɔ̈ kɔnʼɔ klɔ̀bapoo wùɛ win kwa ü neɔɔ blǒɔ mɔ̀. Bìsea keǒ Jùsu mɔ̀ keǒ Bɔ di ä mǒ noɛɛ ne Bɔ di ä kpni kukwǐi plɔ tu kɛn bo maěe dbǔ mɔ̀ bɛ̌ ɛ̈ Ɔɔ kokoɛ̌ nuu.

Wlɛ̀velesɔ̌n 7:14

Ě tùa ɔ kɛ̀ɛn Ě je, “Kunkunyɔò, Ě se ɛ ji.” È ɔ tmɔɔ̌a mǒ ɔ je, “Nyopòà sɔn lěe tǐ jakě fòeà slè mǒ nùǒò ü jla uu wlawlě klě Blajǔu nymɔ slè i mǐi plɛ̌.