34 Tèǒ nì kɔn tè klě tǐà wlòmo tetě jajloà nɛ̀ Ě tmɛɛ̌ amo, a nonoɛɛ měne. Aa měne nonoɛɛ bɛ wǒ je keà Ě nu amoo mǒ noɛɛa.
Kɛɛ Ě tmɛɛ̌ ane, a noɛɛ aa jlae nyo mǒ, a bàteǒ nyopòǒ uu tà ü tè aa tè mɔ̀
È doo de, Ě tmɛɛ̌ ane, ba nonoɛɛ měne!”
Ě bɛ̀tee le ɛ̈ di ɛɛ numa uu wùɛ u mǐ dɛɛ do nu. Ně Gbeǐ, keà nùu È neeě Mǒo mǒ plě Ě neeě Mòo mǒ, kě bu nu bu neeě Ä mǒ.
A nonoɛɛ měne keà Nyesoa nyo klee a tùtuuǒ ble chɔɔ.
Bɛ̌ nu bò noɛɛ nyopò tùu mǒ, sè dɛ kukǔ wùɛ numa mu keǒ u mɔ̀. Tèǒ nì kɔn tè nyu bɔ̌ noɛɛ nyopò tùu mǒ, è Nyesoaa teteǎǒ ɔ tùiǒ bo.
Aǎ beblěe tùgbe kwa le, ɛ̀ sìnʼǒ tùgbaa do ba beblě lee kwa le nɛ̀ moo mǒ nonoɛɛa. Nyu wùɛ ɔ̈ mii nyopò tùu mǒ noɛɛma, è Nyesoaa teteǎǒ ɔ tùiǒ bo.
Kɛɛ noǎ kɔn tè Ngmà Je Ne Sùsu kɔn lěe mɔ̀ nì moo mǒ noɛnoɛ klee chǒn le nunuɛ klee ně bo wnawna klee wlò dbadbǎ klee wlòo jǐlenmɔnmɔ klee kàan dɛ nunuɛ klee nyopò bu kɔn lěè wlò je kunkuɛn mǒ
Keǒ ä klee Tentǎn Jǔ Jùsu bä moo dɛɛ do, ɛ slě ɛ mɔ̀ kɔn bɛ̈ ä bɛ̌ foeě ɔ̀ɔ̌ ä se foeě bɛ̌, kɛɛ dɛɛ do Ɔ sòɛɛ nɛ̀ moo tè wlò popoɛ klě Ɔ mǒ. Bɛ̌ nu bä noɛɛ Nyesoa klee nyopò tùu mǒ, è ä tee ɛle ɛ̈ moo ä kɔn tè wlò popoɛǒ lo.
Tèǒ nì kɔn tè tǐ wùɛ mɔ̀ bɛ̌ nu bä kɔn fɔ̌, è bä nu kàan dɛ keǒ nyu wùɛ mɔ̀, sɛjesɛ keǒ äa bǐì Tentǎn Jǔu wǎn mɔ̀.
A sèsɛɛ měne keǒ aa dɛɛ wan le popa slè, dɛǒ nɛ̀ bǎ ke ni, è Tentǎn Jǔu tetěǒ moo ba nonoɛɛ měne nɛ̀ǒ a tùiǒ bo.
È a nɛ mǒ noɛnoɛ bɛ kɔn aa kmɔ̌ neneɛ win kwa wòje dɛɛ doǒ Tentǎn Jǔ nuu Ɔ̌ noɛɛ ämoo mǒ ii tè Ɔ̌ kǒo keǒ äa tè mɔ̀ wòje keà wan nmɔ nyee dɛ ɛ̈ pee sonsnǒ klee chɔ̀no ɛ̈ pie lee Nyesoa je.
Mɛ̌oǒ joo nɛ̀ moo ä wɔ̌n aa tè wlò popoɛɛ tè le ɛ̈ a kɔnʼɔ klě Tentǎn Jǔ Jùsu mǒ plě klee ke a nu Ɔɔ wǎn wùɛ mǒ noɛnoɛ.
Keǒ äa mǒ noɛnoɛà ä kɔnʼɔ keǒ a mɔ̀ nuu, kě Koɔn Bɔ nu aa mǒ noɛnoɛ kɛne popooa ɛ̈ a kɔnʼɔ klě a slè klee keǒ nyu wùɛ mɔ̀.
Tǐi pɛpɛ mɔ̀ ä kɔn bä pe Nyesoa tàto keǒ aa tè mɔ̀. Ɛ wɛɛnʼǒ le keǒ bä nu ɛ. Mɛ̌oǒ joo nɛ̀ moo aa tè wlò popoɛ a kɔnʼɔ klě Jùsu mǒ ɛ kwin ni ɛ̌ bebee kɛn le plě aa měne nonoɛɛa bebee kɛn le.
A muu nya a nonoɛɛ měne wòje Tentǎn Jǔu wǎn.
Kɛɛ bǎ keǒ Nyesoaa teteǎ bo tùi ï neě Ɔɔ Win wlòmo ï dɛ̌ bòo ɛ̈ moo, “Noɛɛ nyopò tùu mǒ keǒ nù nèe chɛ̀ mǒ noɛnoɛ,” (Lev 19.18) è kàan dɛ nɛ̀ǒ a ni.
Klě tǐà wlòmo ɛ̈ kɔn amo tùiǒ imoo Nyesoaa kàan tèǒ bo, aa kpni kukwǐi tè poo le wlò. Dɛǒ nɛ̀ nu ɛ ǎ wɔ̀le ɛ ba sɛ̀n ɛ nynɛ̌ ba nonoɛɛ měne. Tǐ wùɛ mɔ̀ a nonoɛɛ měne keǒ aa wlè wùɛ mɔ̀ wòje Tentǎn Jǔu wǎn.
Nyopò kàan dɛ mǒ nunuɛ nɛ̀ ba mǎ aa Nyesoa dɛ debo klee a mǎ mǒ noɛnoɛ nyopò kàan dɛ mǒ nunuɛ debo.
Sɔɔnʼě ɛɛ wlò tùla mǒ a wɔ̌na winʼi doǒ lo ɛ̈ moo bä nonoɛɛ měne.
Nyesoaa win Ɔ tmɛɛ̌ ämoo nì moo bä po Ɔɔ Jǔǒ Ɔɔ nynɛ̌ɛ tè kàan tè Ɔ̈ moo Tentǎn Jǔ Jùsu plě bä nonoɛɛ měne wòje keǒ Jùsu nu ämoo tmɔɔ̌a.
Dɛà nɛ̀ moo tè Nyesoa tmɔɔ̌ ämo ɛ̈ moo nyu wùɛ ɔ̈ mi Ɔɔ mǒ noɛɛma bɔ noɛɛ nyopò tùu mǒ.
Ii tè ně mǒ noɛɛ wǎn ane, ɛ se bɛ moo tetě jajlo bo chleě ɛ a mɔ̀, ɛɛ doà ä kɔnaa sɔɔnʼě ɛɛ wlò tùla mǒ ɛ̈ tmɛɛ̌ ämoo bä nonoɛɛ měne nɛ̀à.