Jɔ̀ɔ̌n 13:3 - Nyesoaa Kuo Win Jajle

³ Jùsu jia ɛle ɛ̈ moo Ɔɔ Gbeǐ poaě Ɔ noǎ wùɛ kwete mǒ Ɔ̌ jia lɛ de ɛ̈ moo Ɔ sɔnaě mǒ Gbeǐ mɔ̀ plě Ɔ̌ mia de klě Ɔ mɔ̀.

Jɔ̀ɔ̌n 13:3 ပူးပေါင်းရင်းမြစ်များ

Matiɔ̌n 11:27

È kě Ɔ dɛ̌a nyopòǒ je Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do, è nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Matiɔ̌n 28:18

È Ɔ kèklaeaǒ u gbàa kě Ɔ dɛ̌a u je Ɔ je, “Nyesoa nyeě kpě pɛpɛ wùɛ ï neěe jɔkɛn klee kělɔ kmɔ̌ mɔ̀ keǒ dɛ wùɛ mɔ̀.

Lǔkù 10:22

È Jùsu chèa Ɔɔ mɔ̀ na nyoǒ ja Ɔ̌ kpleaǒ je Ɔ̌ tmɔɔ̌a nu, kě Ɔ dɛ̌a Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do. È nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Jɔ̀ɔ̌n 1:18

Nyu wùɛ nɔ̀ sěɛlǎ Nyesoa jě, ɛ̀ sìnʼǒ Nyesoaa Jǔu do Ɔ̈ konwaě Ɔɔ Gbeǐ Nyesoa le Nɔ̀ tee Ɔ ämo.

Jɔ̀ɔ̌n 13:1

Plě Dlǒ Mǒ Sìin Didi Dɛɛ de ngmně tǐ mǐaǒ nyni, Jùsu jia ɛle ɛ̈ moo tǐ nyniaǒ no keǒ Bɔ sɔna nɔ kmɔ̌ɔ mɔ̀ mǒ Bɔ mua de klě Ɔɔ Gbeǐ mɔ̀. Ɔ noɛɛa nyopòà neɔɔ kmɔ̌ɔ mɔ̀ mǒ no ü Ɔ kɔnʼɔ Ɔ̌ noɛɛ u mǒ kaǒ ɛ miǎ kmɔ̌ɔ dlǒ chlɛ̀chlɛ kɛn jɛɛ le.

Jɔ̀ɔ̌n 17:2

Keǒ nùu È nye Ɔ kpě keǒ tùonyopo wùɛ dlǒ mǒ, kě Bɔ nu Bɔ nye nyopò wùɛ kmɔ̌ sie fònfno ü nyè Ɔɔ.

Jɔ̀ɔ̌n 3:13

È ɛɛ tee dɛ nɛ̀ moo nyu wùɛ nɔ̀ sěɛlaě jɔkɛn mi, ɛ̀ sìnʼǒ Jbɛjuu Jǔu doà Ɔ̈ sɔn lěe Jɔkɛn mǒ Ɔ̈ diɔɔ wɔ̀ɔn.

Jɔ̀ɔ̌n 3:35

Nyesoa moo Gbeǐ Ɔ̌ noɛɛ Ɔɔ Jǔ mǒ, tèǒ nì kɔn tè Ɔ sàǒ noǎ wùɛ nì Ɔ poě Ɔ kwete mǒ.

Jɔ̀ɔ̌n 7:29

Klě Ɔ mɔ̀ Ě sɔnʼě mǒ, Nɔ̀ dbo Mǒ, ii tè Ě ji Ɔlo.”

Jɔ̀ɔ̌n 7:33

Tèǒ nì kɔn tè kě Jùsu dɛ̌a u je Ɔ je, “Tǐ konwakonwǎi gbei sosǒ nì Ě mià a mɔ̀ sìnma, è Mǒǒ mu de klě Nyuà dbo Mǒo mɔ̀.

Jɔ̀ɔ̌n 8:14

È Jùsu tùia u kɛ̀ɛn Ɔ je, “Ě ji tà Ě sɔnʼě mǒo no plě Ě ji tà Ě miěe ne, kɛɛ aa nyu wùɛ nɔ̀ se tà Ě sɔnʼě mǒo plě Ě miěe ji, ii tè baǎje Bo ke Ně chɛ̀ɛ sàse dɛ ni, tèà Ě boɛɛ i moo kàan tè.

Jɔ̀ɔ̌n 8:42

È kě Jùsu dɛ̌a u je Ɔ je, “Bɛ̌ nu sɛjesɛ Nyesoa Bɔ̌ moo aa Gbeǐ, è a mii Mǒ mǒ noɛɛma. Mɛ̌oǒ joo nɛ̀ moo Nɔ̀ kɔn mɔ̀ Ě sɔnʼě mǒ Ě neà tàa. Ě slě di keǒ Ně chɛ̀ mɔ̀, kɛɛ Nɔ̀ dbo Mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:36

È Pitɛ̌ kpɛɛa win nya ɔ je, “Tèǒ nì kɔn tè amo Ǐsòwɛ̌ kwɛɛn wùɛ ba kɔn ɛ jijiɛ ɛ̈ moo Ɔmo Jùsuu doǒ Ɔ̈ a kɔlaǒo pète bɛ̌ tu jleě, Ɔɔ doǒ Nɔ̀ Nyesoa nu aa Koɔn mǒ plě Ɔ moo Tentǎn Jǔ!”

1 Kwnɛtiɛ̌ 15:27

Nyesoaa win je Nyesoa miǎě Ɔ noǎ wùɛ bobo poba, ɛmoǒ ɛ gbàe kɛn le chnɛ̀ ɛ̈ moo, “Noǎ wùɛ i beě Ɔ bobo,” (Ps 8.6) ɛ̈ see nynɛ̌ sɛ̀n ɛ̈ moo Nyesoa be noǎ wùɛǒ kɛn Ɔ̈ poě i Tentǎn Jǔ bobo.

Hiblǔ 1:2

kɛɛ klě demǒ bɔɔ̌ tǐà wlòmo Ɔ boɛě ä mɔ̀ klě Ɔɔ Jǔ mǒ Ɔ̈ Ɔ mii win kwa kɔn Nyu mǒ numa keǒ tùonyopo klee noǎ wùɛ mɔ̀. Nɔ̀ kɔn mǒ Nyesoa nuuě kmɔ̌ wùɛà.