Jɔ̀ɔ̌n 12:2 - Nyesoaa Kuo Win Jajle

² Klě u piaě Ɔ didi dɛ le, è Matǎ nɔ̀ nyea u didi noǎ, è Làesɔ̌ neaǒ Jùsu mɔ̀ di fuo kɛn.

Jɔ̀ɔ̌n 12:2 ပူးပေါင်းရင်းမြစ်များ

Matiɔ̌n 26:6

È klě ɛmo tǐi doǒ wlòmo Jùsu neaě diěǒ moo Bɛtnè kɛn klě Saemɔ̌ɔ koǔ bo ɔ̈ bale kwɛ̌ tɛaa bo.

Mǎkè 14:3

Tǐǒ jleě Jùsu neaě diěǒ moo Bɛtnè kɛn klě Saemɔ̌ɔ koǔ bo ɔ̈ bale kwɛ̌ tɛaa bo. È Ɔ kea dɛ di, nynɔ tɔ̀ɔ jalaě seɔ̌ sòtae ɛ̈ jǐaa sonsnǒ chnɔ̌ je ɛ̈ peaa wlě fòfoa. Nɛ̀ ɔ knana je ɔ̈ chniǐaǒ Jùsu dlǒ.

Lǔkù 12:37

Bɛ̌ nu uu chì kpa ämo bɔ̌ di de bɔ̌ jɛɛě u jǐ mɔ̀ tùtuɛ wlòmo, ɛ mi kàan dɛ numa keǒ u mɔ̀, è kàan tè nìà Ě tmɛɛ̌ amo, ɔɔ plɔ mi bloba chɔɔ ɔ mǐ ɔɔ chɛ̀ na wien po nyebajlee dale měne po, ɔ mǐ u nu u mǐ ble ne ɔ miǒ u didi dɛ jemǒ kpa u mǐ dɛ di.

Lǔkù 14:12

È kě Jùsu dɛ̌a nyuǒ dala Ɔɔ dɛ diba je Ɔ je, “Bɛ̌ nu bò ke nyopò dɛ diba dɛ klě nè koǔ bo ɔ̀ɔ̌ klě de ngmnengmnɛ̌ digbaǐ dila mǒ, nè dɛ nenawa klee màmǔpòo klee nè kmɔ̌ wǒ nyo klee bììà klee mò neǒo tàa do ü pànʼa. Bɛ̌ tù bò da lu, u miǎà dɛ diba daba ke, è ɛ moo nè snǒ sèsa keǒ dɛǒ nùa u mǒo mɔ̀.

Lǔkù 22:27

Mɔ kɔɔ̌n kɛ tè kmaǎ chɔɔ dɔ̌? Nyuǒ ne kɛɛ bo ɔ̈ dii dɛ le, deě nyuǒ jɛ lɔɔ didi dɛ? Ɛ se kɛ nyuǒ nee bo le? Kɛɛ Mǒà neɔ amoo slè Ě wǒ je na wien po nyebajlo keǒ a mɔ̀.

Lǔkù 5:29

Tà tǐ gbei sìnʼaa, Lifàe piea Jùsu klě ɔɔ chɛ̀ɛ tà. È dlǒ wlě tɛ̌n nyo fòfoa klee kpni kukwǐ nu nyo fòfoa tùu nù klee uu sɔ̌n diiaǒ dɛ tàa do.

Wlɛ̀velesɔ̌n 3:20

A tanàle, Ě nynaǒ chnu kɛn bo Ě be ɛ, bɛ̌ nu nyu wùɛ bɔ̌ wɔ̌n Ně win bɔ̌ kna chnuǒ, Ě miě ɔ mɔ̀ paba, ɔ klee Mǒ ä miǒ tàa do dɛ dii li.